日本旅行時，若要遊覽多個都道府縣，乘搭國內線航班移動的方便程度已與新幹線並排，成為被廣泛利使嘅交通工具之一。然而，需要注意國內線航班嘅規定，包括登機截止時間和行李限制等，與國際線航班有所不同，需要格外留意。
以下落嚟，小編會分享有關乘搭國內線航班嘅常見問題及其解答，並以Q&A形式呈現。即使係首次乘搭國內線航班嘅訪日遊客，都可以輕鬆掌握其乘搭方式！
※本文為參考部分航空公司資訊所撰寫。然而，根據不同航空公司，其規定亦會有所不同。
Q1：國內線和新幹線，比較推薦邊種交通方式？
A1：視乎目的地所需時間和費用而定。
以東京～大阪為例，從東京乘搭新幹線「希望號」列車約2小時30分鐘可抵達新大阪站，而乘搭飛機嘅話，從羽田機場到大阪國際機場（伊丹機場）只需要約1小時。
雖然乘搭飛機可以更快抵達大阪，但考慮到往返機場所需時間以及飛機登機手續等因素，事實上，乘搭國內線航班所花費嘅時間與乘搭新幹線相比，差異不大。
另外，部分地區並未有新幹線運行，或者部分都道府縣並無提供航班服務。喺比較兩者所需時間和費用等因素時，建議根據旅行目的地選擇適合嘅交通方式。
國內線航班和新幹線徹底比較。如何適當區分兩者的使用方法呢？
| 國內線航班 | 新幹線 | |
| 價格和折扣 | 票價可能會因應淡季、旺季等不同時期而有大幅變動
利用航空公司提供嘅限時優惠、早鳥優惠、限定活動，或者針對訪日遊客嘅國內線航班折扣機票（詳情參照Q7），能以優惠價格乘搭國內線航班 | 無論係淡季定旺季時期，一整年嘅票價變動幅度較少
根據運行路線，可以提前預訂，或者使用僅供訪日遊客使用嘅無限任搭嘅鐵路周遊券（例如JAPAN RAIL PASS），可以用更抵更優惠嘅價格乘坐鐵路列車 |
| 所需時間 | 即使係長距離移動，與新幹線相比，所需時間較短
然而，機場通常位於距離市區較遠地方。使用時，需要考慮埋辦理登機手續、安檢等各種手續所需嘅時間 | 根據唔同目的地，有時候移動所需時間可能比乘搭飛機更長
由於停車站位於城市中心或主要車站，因此可以減少轉乘或移動至其他線路等麻煩 |
| 時間準確性 | 容易受天氣影響。颱風、積雪等自然災害可能會導致延遲或取消，相較於新幹線風險較高 | 新幹線平均延誤時間僅為數秒至數十秒，雖然遇到颱風等特殊情況下可能會取消，但一般情況下會按照時間表準時運行 |
| 乘搭便利性 | 由於基本上每小時只有1班～數班次航班，可能無法應對突如其來嘅變更情況 | 運行班次較多，如果仲有空位，可以馬上購票上車 |
| 無法到達的地區 | 無機場嘅都道府縣（如京都、奈良、滋賀、三重等） | 新幹線無運行嘅地區（如沖繩、離島、北海道北部嘅新函館北斗站等） |
Q2：日本有邊類型航空公司營運國內航線？
A2：營運國內線嘅航空公司大致可以分為三種類型
喺日本，營運國內線嘅航空公司，大致可以分為以下三種類型。
| 一般航空公司 | LCC（低成本航空公司，俗稱廉航） | 第三類航空公司（地域航空公司） | |
| 代表例子 | JAL、 | Peach、 | STARFLYER、 |
| 服務特點 |
|
|
|
雖然第三類航空公司與擁有多條國際航線嘅一般航空公司和低成本航空公司相比，其知名度喺香港比較低，但實際上，第三類航空公司係進行地區旅行嘅強大幫手。
當中，代表性例子包括總部位於北海道札幌市、連接本州和北海道六個城市嘅「AIRDO」，以及連接九州六個城市、往返沖繩那霸和石垣島航班嘅「Solaseed Air」。除咗開設多條連接東京、大阪、名古屋等大都市與地方城市之間嘅航線，亦會提供具有當地特色嘅服務，例如使用當地產食材製作嘅免費機上飲品等，讓乘客能夠享受具地域性色彩豐富嘅特式服務。
Q3：國內線登機手續（Check-in）至登機流程係？
A3：入境日本後，轉搭國內線嘅手續與國際線相同
國內線嘅登機手續（Check-in）至登機流程如下。
- 「自助Check-in機」或機場櫃檯進行登機手續
※多個機場設有支援多語言嘅「自助Check-in機」，即使唔識日文都可以放心使用！ - 機場櫃檯寄放托運行李
- 進行行李檢查和身體檢查，通過安檢區
- 前往登機口
然而，如果於入境當日需要從國際線轉搭國內線，有某些注意事項需要留意。
國際線轉搭國內線的注意事項
抵達目的地後，需要先接受入境審查和海關檢查，然後離開一般區域進行國內線嘅登機～安檢等手續。如果喺同一日轉搭國內線，必須符合所利用嘅機場和航空公司設定嘅最低轉機時間要求。由於所各航廈可能相距較遠，建議預留約2小時作為轉機所需時間。
※對於部分航空公司歸屬JAL、ANA旗下同一航空公司集團，由國際線轉搭國內線時無需進行額外手續。詳細資訊請查閱各航空公司嘅官方網站。
Q4：國內線需要提前多少時間於機場辦理登機手續呢？
A4：建議於出發時間前1小時，進行登機手續
一般而言，辦理登機和托運行李手續嘅截止時間為出發時間前20至30分鐘。通常喺出發時間前20分鐘通過安檢區，出發時間前10至25分鐘抵達登機門。
然而，暑期、年末年始、連假等期間，由於辦理登機手續到正式登機，可能需要1個半小時，因此喺旺季期間，最好提前抵達機場，會比較安心。
Q5：乘搭國內線時需要出示護照嗎？
A5：乘搭國內線並不需要出示護照。但為應對意外情況，建議攜帶護照出發，會比較安心！
喺轉機嘅情況下，由於不存在入境審查或出境審查，因此無需出示護照。只需向機場工作人員出示事先列印嘅登機証、或儲存於智能手機或平板電腦上顯示嘅電子機票即可。
然而，為應對通信故障等突發情況，建議攜帶護照或列印好嘅登機証。另外，如果使用訪日遊客專屬嘅優惠機票上機時，則需要喺辦理登機手續嘅櫃檯出示印有「短期滯在」蓋章嘅護照（有關國內線優惠機票嘅詳細資訊，請參考Q7）
Q6：可以攜帶飲品、液體物品、化妝品上國內線航班嗎？
A6：國內線航班係可以攜帶
乘搭國際線航班，唔可以攜帶攜帶容量超過100毫升嘅樽裝飲品、液體物品、化妝品進入機艙，但國內線則根據種類和數量設有相應嘅限制。
- 水、茶等飲品：無限制
- 酒精飲品：根據酒精濃度各有不同限制
- 24%以下：無限制
- 24%～70%：每人最多5L
- 70%以上：不可攜帶
- 化妝品、香水、藥品（非放射性）：每個容器不超過0.5kg/L，每人最多2kg/L
另外，與國際線相同，煙花、噴霧罐等危險物品，根據航空法規定，禁止攜帶上飛機，亦唔可以作為托運行李寄放。
Q7：有提供訪日遊客的國內線折扣機票嗎？
A7：JAL和STARFLYER有提供
JAL和STARFLYER呢兩間航空公司有提供僅供訪日遊客使用嘅折扣機票。使用條件包括居住地為日本以外、持有非日本發行嘅護照等。
※ANA提供嘅「ANA Experience JAPAN Fare」目前停止銷售。
雖然有部分條件限制，如只能選擇指定航線、無法退票等，但相較於一般機票嘅票價，訪日遊客嘅國內線折扣機票則顯得相當優惠。
| JAL Japan Explorer Pass | Fly JAPAN Value Fare | |
| 航空公司 | JAL | STARFLYER |
路線和票價例子① | 5,500日圓起
| 7,150日圓
|
| 路線和票價例子② | 7, 700日圓起
| 9,150日圓
|
Comments