北海道有著名嘅札幌和函館夜景、富良野嘅薰衣草田、冬季滑雪名勝和溫泉觀光等，可謂魅力無窮。北海道佔據著日本國土面積約22%，總面積達到8,3424平方公里，若要遊覽主要地區和熱門景點，至少需要逗留一星期。今次就等小編詳細介紹一下，如何高效率地體驗北海道旅遊嘅要點啦！
如果要環遊北海道，選擇住宿地點非常重要！按照地區分類介紹必去觀光景點！
北海道主要分為四個地區，各地區皆擁有著名景點，且來往城市間則需要花費一定嘅交通時間。因此，若要周遊北海道，最有效嘅方式係按照地區選定主要目的地，並以該地為據點，再去其周邊地區進行一日遊觀光。
特別值得一提嘅係札幌，唔單止有提供前往釧路和利尻航班嘅札幌丘珠機場，同時亦有高速巴士和特急列車等豐富嘅交通方式，亦意味著可從札幌出發去多個能夠一日遊嘅景點，非常適合作為北海道旅遊嘅起點！以下落嚟，小編將介紹四個地區嘅觀光要點，以及來往城市間嘅交通方式。
道央（札幌、小樽、二世古、登別）
道央地區涵蓋了一系列知名景點，如以札幌市鐘樓和札幌雪祭聞名嘅札幌、擁有懷舊街景和迷人小樽運河嘅小樽、以絕佳粉雪著稱嘅二世古，以及享譽盛名嘅溫泉觀光地登別，處處充滿著值得一遊嘅景點！而且，道央地區城市間嘅交通選擇亦十分多樣化。
從新千歲機場乘坐快速「機場」列車到札幌車站約40分鐘，而到小樽車站約需1小時20分鐘。然後，從札幌到登別地區乘坐特快列車約需1小時10分鐘，而從小樽到二世古地區乘坐電車約需1小時30分鐘，此外，仲有路線巴士、高速巴士和從札幌出發嘅觀光巴士團等多種方式。
順帶一提，從札幌出發亦可以輕鬆前往其他地區。乘坐特快列車從札幌到旭川，最快只需約90分鐘。從新千歲機場或札幌丘珠機場乘搭飛機到達函館、釧路或稚內，則只需約40～50分鐘即可抵達。如果遊覽完中央地區後打算移動到其他地區，小編推薦選擇靠近札幌市中心或機場附近嘅千歲地區安排住宿！
道北（旭川、富良野、美瑛、稚內）
道北地區有旭山動物園嘅所在地旭川、可盡享薰衣草田和壯麗嘅十勝岳等四季風光嘅富良野和美瑛、以宗谷岬聞名嘅日本最北端之地嘅稚内市等地方。喺呢個滿載著多個打卡景點，大受社交媒體矚目嘅道北地區，推薦以旭川作為旅遊嘅據點！
從旭川到美瑛，只需乘坐JR富良野線約30分鐘即可到達！而從旭川到富良野，需時約1小時10分鐘～20分鐘左右。然而，若要前往稚內，即使乘搭特快列車，亦需要最少3小時50分鐘嘅時間。此外，雖然稚內有機場，但目前僅提供來往新千歲機場嘅航班，且航班數量有限，要多加注意。
順帶一提，關於旭川機場，目前只有來往羽田機場嘅國內航班，並無提供來往北海道內嘅移動航班，敬請留意！
道南（函館、松前、奧尻）
道南地區位於北海道嘅西南部，除咗擁有函館、五稜郭和夜景等北海道嘅人氣觀光景點之外，仲有擁有新鮮海鮮和清澈海水嘅奧尻島、城下町松前等地，係一個令遊客可享受到北海道豐富歷史和大自然之美嘅地區。
喺道南地區，主要嘅交通方式係自駕、電車和巴士，但來往城市間嘅交通時間較長，並不太方便。
如果以觀光據點方面去睇，函館係一個充滿魅力且交通方便嘅好地方，不僅擁有多個景點，仲可以輕鬆前往札幌和本州。如果係搭飛機於北海道內移動嘅話，可以利用新千歳機場、札幌丘珠機場和奧尻機場，而函館與札幌之間嘅飛行時間約為40分鐘。此外，從函館機場出發嘅話，仲有直飛東京、大阪、名古屋等地嘅國內線航班。另外，從JR新函館北斗站出發，亦可以前往日本東北地區嘅主要車站（如仙台、盛岡、新青森），以及乘搭來往東京嘅新幹線列車。
道東（知床、網走、帯廣、釧路）
道東地區擁有世界自然遺產知床、以流冰觀光聞名嘅網走、以美麗花園和甜品聞名嘅帶廣、以大釧路濕原和阿寒湖為特色景點嘅釧路等地，讓人可盡情欣賞北海道壯麗嘅大自然景色。
若以觀光據點而言，釧路或帶廣皆為最佳選擇！釧路有丹頂釧路機場，從新千歲機場和札幌丘珠機場前往釧路只需約45分鐘，同時亦有從札幌站出發嘅特急列車和高速巴士。此外，利用釧路出發嘅觀光巴士團，就可以輕鬆參觀道東三湖（阿寒湖、屈斜路湖和摩周湖）以及網走。如果要前往網走，可以乘坐釧網本線穿越釧路濕原，沿著鄂霍次克海欣賞風景，享受一趟車窗旅程嘅鐵路之旅。
帶廣係一個交通方便嘅地方，可輕鬆前往北海道各地。從帶廣站出發，有多條列車和高速巴士運行，乘坐電車前往札幌約需2小時30分鐘，前往釧路約需1小時30分鐘。另外，亦有開往旭川和新千歲機場嘅高速巴士，讓遊客喺北海道內移動更加方便。
北海道氣候如何？各季節嘅觀光活動精選推介
北海道雖以雪季聞名，但春季和秋季亦氣候宜人，夏季則非常溫暖。
一般而言，櫻花開花比本州遲約一個月，通常為4月底到5月初。紅葉季節則為9月至10月左右。初雪通常於10月底開始，但近年來有觀測到11月初到中旬期間先至出現嘅初雪。
特別係12月至2月左右，由於氣溫低且日照時間短暫，可以享受到蓬鬆細緻嘅粉雪。此外，四個大雪祭（札幌雪祭、旭川冬季祭、千歲・支笏湖冰濤祭、層雲峽溫泉冰瀑祭）通常會於1月至3月初舉行，推薦可以喺祭典活動舉行期間前往，享受雪中觀光嘅樂趣！
然而，從3月開始，氣溫會急劇上升，雪嘅質量亦會變差，所以如果您係因為滑雪或滑雪板等雪上活動而來，建議喺1月至2月期間前往北海道！如果您想喺旅遊期間，無需顧慮地面上嘅積雪盡情暢遊，則推薦您喺4月底後再前往。
北海道旅行有無必要租車？電單車周遊&利用交通Pass嘅電車之旅亦相當受歡迎！
喺計劃北海道旅行時，經常會認為「如果要周遊北海道嘅話，就必須租車」，但如果想節省時間，其實搭飛機亦係一個唔錯嘅選擇。
此外，對於追求性價比高嘅旅行人士，可以利用北海道交通周遊券「北海道Free Pass」、航空公司和JR合作發行嘅周遊車票等、或者乘搭夜行巴士，車票為5,000日圓～10,000日圓左右，即可於北海道內移動，相當划算。
近年，揸電單車遊覽北海道亦成為背包客們嘅熱門選擇。相較於租車，電單車更加輕鬆，讓人可以一邊享受北海道嘅好風光，一邊進行愉快嘅觀光體驗。因此，電單車遊北海道亦成為現今嘅人氣熱話。
以下落嚟，小編將詳細介紹各種交通方式。
租車自駕遊
以4至5人乘坐嘅輕型車，租用時間為2日1夜做例子，其價格約12,000日圓～18,000日圓左右。然而，呢個價格僅適用於喺同一店舖（地點）還車嘅情況喔。喺北海道，如果選擇單程租車（於取車以外地點還車），將會收取額外費用（單程系統費用），而不同地區嘅收費亦會有所不同。每間租車公司劃分地區域嘅方式亦不盡相同，即使喺同屬於道央地區內嘅札幌、千歲、二世古等地，所收取嘅附加費用亦唔一樣，記得要多加注意喔！
日本國內線飛機
北海道擁有14個公共機場，包括北海道嘅主要玄關口——新千歲機場，以及函館、釧路、稚內、旭川、帶廣等各地區嘅主要城市皆設有機場。
如果主要用作於北海道內進行移動嘅話，新千歲機場或札幌丘珠機場則係非常方便嘅選擇。
從新千歲到函館大約需要40分鐘，到稚內機場大約需要1小時，到釧路網走機場則需時約45～50分鐘。另外，從札幌丘珠機場仲可以前往女満別、利尻、奧尻等離島。
北海道Free Pass、各區域嘅交通Pass
在乎性價比嘅話，則推薦使用「北海道Free Pass」，享受一趟北海道鐵路之旅！你可以喺JR北海道嘅主要車站購買呢張交通周遊券「北海道Free Pass」，使用該交通周遊券就可以連續7日，無限任搭在來線特急列車嘅普通車廂自由座位，以及JR北海道巴士（除某些路線外）。除此之外，仲可以乘搭指定座位嘅普通車次高達6次。
另外，如果使用新千歲機場作為入境點，則推薦使用由JR北海道與Peach、AIRDO、ANA等三間航空公司合作推出嘅「東 北海道Free Pass」和「北 北海道Free Pass」，亦非常方便！使用「東 北海道Free Pass」嘅話，可以喺其所屬嘅自由區域內，自由來往札幌、小樽、美瑛、富良野、帶廣、釧路、網走以及根室等地。而使用「北 北海道Free Pass」，可以從機場出發，順路前往札幌、小樽、旭川、美瑛、富良野以及稚內等地。
以上兩種交通周遊券，皆包含車票及各航空公司1,000日圓現金券，可以喺新千歲機場車站嘅指定座位售票機，或可以與客服對話嘅「對話售票機」（話せる券売機）購買。
電單車自駕之旅
最近，越來越多人鐘意揸電單車環遊北海道。沿著小樽至稚內約380公里嘅海岸線，揸住電單車欣賞「Ororon Line」嘅風景、享受神威岬嘅日本海絕美景色等，充分發揮電單車獨特嘅靈活性，享受一趟絕佳嘅風景旅程。另外，如果選擇於露營場或騎士之家 (Rider House)住宿，可以用實惠嘅價格享受當地嘅住宿，亦係其一大優點！
如果外國遊客要喺日本租借電單車，必須年滿20歲，並需要攜帶護照以及有效嘅日本電單車車牌（以日內瓦公約為基礎嘅國際車牌或JAF提供嘅日文翻譯文件。視情況而定，亦會有需出示自己國家車牌嘅情況），以及信用卡。
Comments