位於日本千葉縣浦安市舞濱嘅東京灣希爾頓酒店，於夏季期間嘅週末和假日限定舉辦名為「Twinkle Milky Way」嘅甜品自助餐，舉辦地點位於酒店大堂「lounge O」。
呢個甜品自助餐以星空、星座和天文學為理念，展現華麗嘅氛圍，當中包括有如閃耀於夜空星星嘅夏蜜柑奶油蛋糕、以地球儀為主題嘅朱古力慕絲等獨特菜單。
除咗約20種甜品之外，仲有以日本七夕傳說中嘅銀河為靈感嘅「散壽司」、兩款冷製湯品、以辣香料調味製作嘅印度燒雞等美食，同約15種輕食和無張暢飲飲品吧，絕對係一個可以享受午餐時光嘅好選擇。
「Twinkle Milky Way」甜品自助餐部分內容
月亮與星空夏蜜柑奶油蛋糕（月と星空の夏みかんショートケーキ）
以希臘乳酪奶油和夏蜜柑作蛋糕夾心，係一款口感清爽嘅奶油蛋糕。頂部淋上藍色嘅鏡面糖衣，並點綴著以朱古力製成嘅星星和月亮，令人聯想到夏夜星空。
銀河芒果撻（天の川のマンゴータルト）/左圖
於杏仁撻上擠上吉士忌廉，放上多汁嘅芒果和奇異果，再加上銀箔和星星造型嘅朱古力，呈現出銀河嘅形象。
彗星水饅頭（ほうき星の水まんじゅう）/右圖
使用寒天製成透明外皮，包裹著紅豆和蜜柑餡，打造出極具夏日氛圍嘅清涼糕點水饅頭，係一款可以盡享其柔滑清涼口感嘅甜品。
飛馬薄荷朱古力馬卡龍（ペガサスのチョコミントマカロン）/左圖
以夜空奔馳嘅飛馬趐膀羽毛為設計靈感嘅馬卡龍。夾心部分使用口感清新嘅薄荷朱古力所製成嘅奶油忌廉。令人一試難忘喔！
枇杷三日月與夜空啫喱（枇杷の三日月と夜空のゼリー）/右圖
將內含椰果嘅檸檬啫喱以及士多啤梨和藍色調味糖漿嘅啫喱疊放，呈現出閃耀嘅星空氛圍。與象徵月亮嘅枇杷一同享用，既吸睛又好味。
菠蘿與白冧酒慕絲蛋糕～為你著迷～（パイン＆ホワイトラムのムースケーキ～あなたに夢中～）/左圖
呢款菠蘿慕絲蛋糕當中加入走酒精成份嘅白冧酒啫喱。唔知大家有無聽過一款材料同樣係以菠蘿和白冧酒為主，所調配而成嘅雞尾酒「Havana Beach」呢？而呢款「Havana Beach」嘅雞尾酒語係「夢中」（中文可解作著迷）。望見呢款「菠蘿與白冧酒慕絲蛋糕」，令人不其然帶著雞尾酒語「夢中」嘅心情，將對喜愛嘅人其一片痴迷之情聯繫於此蛋糕！
「Open The Heart」洋梨慕絲（オープン・ザ・ハート 洋ナシのムース）/右圖
喺塞滿洋梨果肉嘅心形慕絲上淋上粉紅色嘅鏡面糖衣，並放上以白朱古力製成嘅迷你門鎖裝飾。
天球儀之帕林內朱古力慕絲（天球儀のプラリネチョコレートムース）/左圖
以一個夢想成為天文學家嘅女孩房間中嘅天球儀為靈感，使用朱古力慕絲製作而成。
喺榛子達克瓦茲蛋糕上放上黑朱古力慕絲和榛果帕林內慕絲，係一款以兩層朱古力慕絲搭配而成嘅蛋糕。
植物標本風雜莓啫喱（ミックスベリーのハーバリウムゼリー）/右圖
將士多啤梨、藍莓、覆盆子、黑莓四種莓果點綴於清澈嘅啫喱中，並放上食用花瓣，裝飾成鮮豔嘅植物標本。清爽嘅橙味啫喱與混合莓果嘅酸味相得益彰，讓清涼感持續到尾呢！
「Twinkle Milky Way」甜品自助餐
- 酒店地點：東京灣希爾頓酒店 酒店大堂「lounge O（ラウンジ・オー）」
- 供應期間：2023年6月24日（週六）～8月27日（週日）※僅週末和假日營業
- 營業時間：12:00～/ 12:30～/ 14:30～/ 15:00～（4個時段，每時段為2小時制）
- 價格：成人4,700日圓、4～8歲1,800日圓、9～12歲2,600日圓
※包含提供約20款飲品的飲品吧
※費用包含稅金、服務費 - 網址（日文）：https://tokyobay.hiltonjapan.co.jp/plans/restaurants/sweetsbuffet/lounge-summer
※內容或會變更，請事先諒解
※根據供應情況，餐單內容或有所變動
※照片僅供參考
Comments