相信喺日本旅遊期間，便利店係唔少遊客嘅旅遊好幫手。
今次，小編將介紹源自日本嘅便利店「FamilyMart」，喺日本旅行時可享受嘅當地美食和服務！除咗有人氣雞肉美食「Famichiki」、甜品，仲有最近成為熱門話題嘅日用品等詳盡資訊，記得要將文章睇到尾啦。
※刊載商品價格皆含稅，商品資訊和價格為採方當時（2023年5月）資訊。關於源自日本的便利店「FamilyMart」（日本簡稱：FamiMart）基本資訊
「FamilyMart」（ファミリーマート），日文簡稱「FAMIMA」（ファミマ）係日本第二大連鎖便利店，以藍色、綠色和白色組成嘅標誌而廣為人知。其企業規模為日本三大連鎖便利店之一，亦係當中唯一一間日本公司創立。該連鎖便利店於1981年成立，截至2023年，喺日本全國擁有約16,500間分店。
現時，FamilyMart除咗喺日本設有店舖，其業務更發展至全球，於海外擁有超過8,000間分店，總計於全球展開超過24,500間分店。FamilyMart以其獨特嘅原創商品，如炸雞等，廣受歡迎，更創立私人品牌「FAMIMARU」，提供800多種食品、飲品、日用品等商品。
日本FamilyMart絕不可錯過嘅必買商品！「FAMIMA」人氣美食&甜品
相信唔少人喺日本旅遊時嘅空閒時間，或肚餓嘅時候，總會想行入便利商店行個圈吧！以下落嚟，小編會介紹FamilyMart部分暢銷商品&推薦商品！下次嚟日本旅遊時，不妨將佢哋加入購物清單喔！
FamilyMart熱門商品：炸雞「Famichiki」、燒雞串
講到FamilyMart人氣No.1嘅商品，就係獨特嘅無骨炸雞「Famichiki」。外皮香脆，肉質柔軟又多汁，可謂魅力非凡，係一款擁有超過15年歴史嘅經典商品，經常被放置於收銀機旁邊嘅熟食區！
另外，小編強烈推薦日本獨有嘅「炭火燒雞脾肉串」（炭火焼きとり）。使用新鮮雞脾肉，採用專門店講究嘅烤製方法，以炭火燒烤製生雞肉而成。醬料中更使用四種醬油，著重追求美味細節。
FamilyMart人氣商品： 「FAMIMA CAFÉ」沙冰
FamilyMart喺「FAMIMA CAFÉ」中販售咖啡（コーヒー）、Cafe Latte（意式鮮奶咖啡、カフェラテ）、沙冰（フラッペ）等商品。
雖然經典嘅「Mocha Blend Coffee」（摩卡調配綜合咖啡、モカブレンドコーヒー）非常美味，但小編今次要為大家推薦嘅係適合夏天飲用嘅凍飲「沙冰」！呢款係一款獨特凍飲，你可以從雪櫃中自選沙冰，埋單後再自行製作。
製作方法非常簡單，只需要將已購買嘅飲品杯放喺咖啡機嘅「Milk Dispenser」（鮮奶機、ミルクディスペンサー）下方，㩒「沙冰」（フラッペ）按鈕注入牛奶即可。有各種口味和季節限定商品可供選擇，但呢個夏天最推薦嘅係「Afternoon Tea Royal Milk Tea Frappe」（皇室奶茶沙冰、アフタヌーンティーロイヤルミルクティーフラッペ），添加了紅茶風味曲奇，帶有優雅嘅甜味和曲奇口感，令人欲罷不能！
FamilyMart人氣商品：「FAMIMA BAKERY」麵包
FamilyMart提供豐富選擇嘅麵包商品，讓顧客可以輕鬆地買到美味麵包，亦係嘅一大魅力。
「FAMIMA BAKERY」（ファミマベーカリー）提供多款使用高質原料和製法所製作嘅菓子麵包、熟食麵包，非常適合買嚟做早餐或小食！
尤其係大受歡迎嘅日式菠蘿包（メロンパン）使用法國諾曼第發酵牛油製成嘅酥脆餅乾麵糰同「Panettone」意大利麵包嘅鬆軟麵糰所製作，為其最大特徵。
另外，日式夾炒麵熱狗包（生コッペパン）包著中粗炒麵條，具有黏稠食感，經香氣四溢嘅醬料炒煮，讓麵條與醬汁完美結合。同時，加入讓蔬菜、水果和肉類等食材美味度更加分嘅醬汁，再搭配沙律醬作為點綴，可以品嚐到具有濃郁風味嘅好味道。
日式夾炒麵熱狗包（生コッペパン） 168日圓※宮崎縣和鹿兒島縣等地，價格會有所不同。
※北海道和九州地區，規格會有所不同。沖繩縣則無提供該產品。
FamilyMart人氣商品：甜品、杯裝甜點
即使享受完美味嘅日本料理，亦會想用第二個胃去品嚐甜品吧！事實上，日本便利商店就係美味甜品嘅寶庫。唔單止可以品嚐到「窯焗溶化布甸」（窯出しとろけるプリン）、「豐盈忌廉雙層泡芙」 （たっぷりクリームのダブルシュー）等定價不足200日圓卻擁有正宗美味嘅甜品。另外，每週都會推出新品，喺日本旅行嘅你又點可以錯過！
FamilyMart竟然推出時尚品牌⁉ 絕不能可錯過嘅時尚雜貨和生活用品！
便利店嘅日用品貨架上，絕對有放著旅途時嘅好拍檔。特別係FamilyMart，陳列著時尚且高質嘅日用品，亦因此引起廣泛關注。
當中，與設計師落合宏理合作嘅品牌「Convenience Wear」（便利衣著）正正係既時尚又高質嘅代表，該品牌以「好材料、好技術、好設計」為概念進行推廣。以往，便利商店嘅服飾商品僅僅滿足「緊急需求」，但「Convenience Wear」則注重設計和用料品質，推出了線條襪和外穿T恤等產品。目前，其襪子嘅累計銷售量經已超過1000萬對喇！
另外，仲有唔少喺便利店界中，只有喺FamilyMart先至買到嘅護膚品和化妝品。例如正宗有機化妝品品牌「Miti Organic」（ミティアオーガニック）以及於2020年11月推出嘅品牌「sopo」，可以輕鬆購買到495~2000日圓嘅平價又高質嘅化妝品，亦係只有FamilyMart先有嘅特點。
店內除咗可以感受到禮賓式服務，仲有更多讓訪日遊客大感滿足嘅服務！
另外，亦有提供多項方便訪日遊客嘅服務。當中，可支援各種服務嘅支付和購票等嘅「多用途列印機」（マルチコピー機），就非常方便。即使唔識日文，都可以使用多用途列印機嘅英文及中文支援介面，只需觸摸屏幕並按照指示操作即可，用法非常簡單。
喺東京嘅淺草、上野、銀座等人氣市內旅遊區，以及京都、大阪、福岡等地嘅店鋪，更有提供專門為外國遊客而設嘅免稅專區，你可以喺度購買平價嘅預付電話SIM卡，非常方便喔！
※部分店舖或不提供此服務
Comments