新潟縣面向日本海，冬季擁有大量積雪，係日本國內擁有眾多滑雪場嘅縣份之一。該地嘅優良雪質廣受讚譽，並持續吸引大量海外遊客前來滑雪。另外，多個滑雪場皆靠近溫泉地，為滑雪場增添不少魅力，因為大家可以喺滑完雪之後嘆返個溫泉，好好放鬆身心。再者，呢度擁有豐富嘅大自然資源，提供多種夏季戶外活動。今次，小編將介紹新潟縣兩大人氣滑雪場——「GALA湯澤滑雪場」和「苗場滑雪場」，及其於冬季和夏季時所擁有嘅各獨特設施和好玩之處。
新潟縣原來係雪國？了解有關新潟縣冬季嘅積雪狀況
新潟縣係日本滑雪發源地，一般從12月至到4月上旬左右可進行滑雪活動。呢片土地成為豪雪地帶嘅原因可追溯至約8000年前，當時對馬海流開始流入日本海。由於暖流帶來大量水蒸氣，碰撞上苗場山、谷川岳等山脈後形成冷卻作用，導致冬季降雪量增加。
因此，喺嚴冬期嘅1至2月，新潟縣積雪已經高達3米。據聞，滑雪呢項活動於1911年傳入新潟縣。相較於平原地區多濕雪等情況，新潟縣山上地區嘅雪則含水量較少，雪質輕而乾爽，因此於山區設立多個滑雪場。另外，由於雪質和積雪量因海拔高度和地點而異，有部分滑雪場會於3月就會結束營業，亦有部分滑雪場會一直開放到5月。
GALA湯澤滑雪場：東京近郊之選！體驗即日來回滑雪等活動最佳之選
落車後一出閘，眼前嘅就係滑雪中心！「GALA湯澤滑雪場」係一個交通非常方便利嘅滑雪場，從東京乘搭新幹線約70分鐘即可抵達，無需轉車。由於車程時間短，以東京作據點，嚟個即日來回嘅滑雪之旅都得呀！而且，滑雪場提供全套完整滑雪裝備嘅租借服務，令你可以兩手空空，輕鬆去滑雪啦。
另外，如果係初次滑雪感到不安，咁小編就推薦喺網上輕鬆預約外語（英文、中文）專用嘅滑雪學校服務。由於學校會提供仔細指導，所以即使係初學者，都可安心體驗滑雪。滑完雪仲可以去滑雪中心附設嘅溫泉區，嘆返個靚溫泉暖暖身兼療癒身心喔。
學校預約網站在這裡↓
冬季人氣王！廣受關東地區日本人喜愛兼人氣高企嘅滑雪場
呢個廣受關東地區日本人喜愛嘅滑雪場，佔地70公頃、擁有分為4個區域嘅滑雪區域，多達16條多元化嘅滑雪道。對於初學者或久未滑雪嘅滑雪愛好者，就推薦去有多條適合初學者和初中級者滑雪道嘅中央區域，相當「好滑」！
另外，更有提供一系列既豐富又多元嘅雪上娛樂活動任君選擇，例如有「雪上摩托車觀景之旅」，被雪上電單車拉著雪橇，疾馳穿越雪地；駕駛環保電動雪上電單車「Moon Bike」，於滑雪場上奔馳；穿著雪鞋於雪地上健行嘅「日式雪鞋健走行程」，仲有戶外桑拿等各種豐富活動。
有小朋友同行的話，推薦去劃分為「雪盆專用道」和「自由玩雪區域」嘅「雪上遊樂區」，可以安心地讓小朋友玩雪玩樂。另外，滑雪場上設有兩個觀景台，能讓人悠閒地放眼欣賞壯麗雪景。
夏天時，瞬間化身成「GALA夏季樂園」！
踏入夏季，以7至8月週末和假日為主，推出「夏季滑雪場」，提供「夏日滑雪」活動，並設置各種豐富嘅遊樂設施，成為一個樂趣無窮嘅夏季樂園。當中，不得不提其中一項遊樂設施，就係來自歐洲嘅無引擎山地賽車（Mountain Cart），只需扭動軚盤或剎車等操作，具有良好嘅穩定性，即使係初學者都可以安心地盡情奔馳。
景點資訊
- 地址：Map
- 交通方式：從東京站到GALA湯澤車站約74分鐘，落車即可抵達（夏季時，從東京站到越後湯澤車站約76分鐘，然後乘搭免費接駁巴士約10分鐘）
- 網站：
※文章內容為2022年資訊，相關內容可能出現變更情況。請於網站查詢最新資訊。
苗場滑雪場：除滑雪外，仲提供多樣化精彩活動！
苗場滑雪場擁有適合初學者，至高級滑雪者都能樂在其中嘅多樣化滑雪道。「苗場滑雪場」不僅提供滑雪，亦有提供其他多項雪上活動，非常適合對冬季運動有興趣卻擔心受傷嘅人體驗。滑完雪，就推薦前往附設於滑雪中心嘅溫泉設施，嘆返個溫泉暖暖身喔。
喺被冬日白雪覆蓋的滑雪場上盡享各種冬季運動！
滑雪場佔地約135公頃，非常廣闊，並有效地利用其高達889米嘅海拔差距，設計出24條滑道、提供3個纜車和雪地公園等多樣化設備。另外，最長滑行距離可達4,000米，無論係初學者抑或係中級者，都可以喺山頂附近享受長距離滑行之樂趣。再者，夜間滑雪亦十分推薦，可以感受滑雪場點燈後，與白天截然不同嘅氛圍。
滑雪場提供很多不同類型嘅雪地活動，包括駕駛雪上電單車、由雪上電單車牽引於雪地上奔馳嘅雪上橡膠船、滑雪胎、雪地火車等等、喺雪地上進行健行等活動。另外，仲有雪橇、遊樂設施等可讓小朋友們盡情玩樂嘅設備。簡直好玩到令人玩足成日都唔夠喉喔！
每年雪季都會舉辦幾次夜間煙花，亦係必睇精彩位之一。雪地上綻放著閃耀奪目嘅煙花美景，展現出如藝術般嘅動人景色。
夏季和秋季可以欣賞到新錄&紅葉等大自然美景
春季與秋季時則可乘坐長約5.5公里，堪稱日本最長嘅「龍纜車」（ドラゴンドラ）進行空中漫步，欣賞山頭一片新綠或紅葉嘅美景，盡情享受大自然絕景。夏季時，更可於苗場夏日樂園（苗場サマーパーク）盡情享受划獨木舟、立槳SUP等水上活動，亦可以喺海拔約1,500米嘅「天空平台」（天空テラス）眺望壯麗景致。另外，仲有長約50米嘅手工滑水梯等，多項大受小朋友喜愛嘅遊樂設施喔。
另外仲有提供整套燒烤工具嘅BBQ場地、營火工具，仲有苗場高原營地（苗場高原オートキャンプ場），等你可以喺涼透心嘅高原地區盡情享受夏日度假體驗。
景點資訊
- 地址：Map
- 交通：從東京站到越後湯澤站約76分鐘，然後乘搭巴士約40分鐘
- 官網：
- 冬：https://www.princehotels.co.jp/ski/naeba/winter/
- 夏：https://www.princehotels.co.jp/ski/naeba/summer/
- 營業期間：
- 苗場高原營地（苗場高原オートキャンプ場）：2023年4月29日～至11月5日（預定）
- 苗場夏日樂園（苗場サマーパーク）：2023年7月15日～23日/8月5日～27日
※由於活動內容可能會因應每個季節而有所變化，最新資訊請查閱官方網站。
Comments