新潟縣位於日本本州嘅日本海一帶，幾乎處於中央位置，擁有144處帶有住宿設施嘅溫泉地，其數量於全日本中亦屬屈指可數嘅級別。加上，多個溫泉地位於滑雪場附近，讓旅客可以享受滑雪後再嘆個溫泉暖身，或沉浸於雪景露天溫泉中等樂趣，相當寫意。另外，從東京乘搭新幹線到越後湯澤站，車程最快只需約70分鐘，到新潟站約需120分鐘，交通非常方便，亦屬其吸引力之一。今次，小編從新潟溫泉地中嚴選出3個地點，並會連同住宿設施資訊，為大家作詳細介紹。
月岡溫泉
月岡溫泉嘅硫磺含量係全日本數一數二之多，更被稱為美人湯。當地保留著華麗嘅藝妓文化，可以觀賞得到華麗嘅舞蹈表演，參與使用扇子進行嘅遊戲等體驗。溫泉嘅泉水顏色會隨著季節和氣象條件變化而呈現美麗翠綠色或乳白色。溫泉水質柔和，令人肌膚變得光滑細緻。
溫泉街上除咗有免費足浴「足湯足美」（あしゆ湯足美）和風靡社交媒體嘅日本庭園「月光之庭」（月あかりの庭）等旅遊景點外，仲有唔少賣米、海産、日本酒、和菓子、洋菓子等新潟特產店鋪。你唔單止可以嘆盡溫泉，仲可以享受散策和購物嘅樂趣。
一生中好想住一次嘅旅館：月岡溫泉 白玉之湯 華鳳
溫泉旅館「白玉之湯 華鳳」被佔地6000坪嘅庭園環繞。喺回遊式露天溫泉中，你可以盡情享受翠綠色嘅自家溫泉泉源——「白玉之湯」，旅館設有檜木浴池、大岩浴池、寢湯、坐湯等多種不同類型嘅溫泉浴池。
而且，浸完溫泉之後，你仲可以喺休憩區享用免費提供嘅飲品、特製蝦味噌湯、雪條嚟降溫。而喺配有專屬休息區嘅私人露天溫泉中，你可以享受到置身隱秘空間內大嘆溫泉嘅樂趣。
喺擁有各種不同風格嘅客房中，小編推薦每層樓只有一間嘅「附帶露天溫泉嘅豪華客房」。從設有展望露天溫泉和開放式寬敞露台嘅客廳飽覽五頭連峰和庭園嘅美景，令人可以忘卻時間嘅流逝，盡情放鬆身心。
新潟被視為食材嘅寶庫之地，旅館會喺晚餐提供以新潟食材所烹調嘅懷石料理。旅館仲會使用特製嘅土鍋去烹煮新潟產越光米添。你可以喺輕鬆嘅氛圍中享受美味料理，療癒心靈。
景點資訊
- 地址：新潟縣新發田市月岡溫泉134
- 交通：從JR豐榮站乘搭接駁巴士約20分鐘
- 官網：https://www.kahou.com/
越後湯澤溫泉
越後湯澤溫泉係諾貝爾文學獎得主川端康成嘅小說《雪國》嘅舞台。越後湯澤溫泉經常被誤認為係長野縣嘅野澤溫泉，但實際上卻係新潟縣嘅湯澤溫泉喔！呢個溫泉早已於1801年所編寫嘅書籍中便有所記載。喺昭和時代，隨著鐵路開通，此地發展成為滑雪度假勝地。溫泉街上可以欣賞到傳統溫泉旅館與現代化酒店並存嘅景象。
此溫泉地擁有多種泉質類型嘅溫泉，具有舒緩神經痛、肌肉痛、痔瘡、寒冷症、運動麻痺、五十肩、關節痛、慢性消化器疾病等功效。湯澤町內有5個可即日來回嘅外湯溫泉，可以趁機享受溫泉巡禮嘅樂趣。小編建議購買「外湯巡遊券」，皆因原本5個溫泉嘅入湯費用原價為2,700日圓，但「外湯巡遊券」售價只需1,500日圓，即可去勻5個地方浸溫泉，相當划算。
一生中好想住一次嘅酒店：越後湯澤溫泉 NASPA 新大谷
「NASPA新大谷」酒店被豐富大自然包圍，喺春天到秋天嘅綠油油季節，可以享受四輪越野車、網球、健行等活動；冬天則可以喺專屬嘅滑雪場「NASPA滑雪花園」盡情滑雪，係一間全年皆會提供多項體驗活動嘅度假酒店。特別推薦嘅係綠油油季節限定嘅「ASOBI花園」（ASOBIガーデン），室內區域設有全新嘅體感遊樂設施＜9DVR＞等，即使撞正落雨天都可以盡享受室內娛樂。
當然，亦有提供設備完善嘅溫泉浴場和露天溫泉。你可以喺佔地250坪嘅大浴場內，欣賞大自然美景，或者喺露天溫泉中感受清爽涼風，悠閒地浸溫泉。小編亦推薦您可以試一試提供源泉掛流溫泉嘅私人浴池喔。
酒店提供多樣化嘅客房選擇，以配合不同人數和住宿風格。如果係2至3人入住，推薦選擇「Junior Suite」套房，客房寬敞舒適，面積達74平方米，令你能夠盡情放鬆身心。
館內設有西式料理、日式料理、自助餐、咖啡店、酒吧等多樣化嘅餐飲設施，可以品嚐到一流廚師所烹調嘅美味佳餚。
景點資訊
- 地址：新潟縣南魚沼郡湯沢町湯沢2117-9
- 交通：從越後湯沢站乘搭接駁巴士約3分鐘
- 官網：https://www.naspa.co.jp/
赤倉溫泉
赤倉溫泉於1816年開發，亦被稱為日本滑雪發源地，後來更發展成避暑勝地。其溫泉源頭來自於日本百名山之一「妙高山」湧出經過適當距離和坡度後流入約42℃左右舒適溫度嘅泉水。除咗一般肩頸痛、腰痛和疲勞恢復外，亦具有治療傷痕、美肌等療效，因此被稱為「美肌之湯」和「靈泉」。赤倉溫泉地四周皆被山脈環繞，春天至秋天可進行登山、踩單車等活動，冬天則可以享受冬季運動。
一生中好想住一次嘅酒店：赤倉觀光酒店
「赤倉觀光酒店」位於海拔約1,000米嘅妙高山上，亦係日本高原度假村嘅先驅。酒店被大自然所環繞，讓人可以享受毫無阻礙物嘅壯麗景觀。另外，酒店內嘅露天平台「Aqua Terrace」（アクアテラス）亦不可錯過，除咗可以欣賞到透過水池嘅設置，讓景觀更為突出嘅吸睛美景之後，夜間更會進行亮燈，營造出夢幻嘅美好氛圍。推薦喺酒店併設嘅酒吧飲返杯雞尾酒喔。
你可以喺溫泉大浴場或和客房嘅露天浴池中，一邊享受著源泉掛流溫泉，一邊欣賞眼下嘅雲海與壯麗絕景。酒店嘅「SPA&SUITE棟」和「PREMIUM棟」都有內附露天浴池嘅客房「附帶露天溫泉Terrace Room」（温泉露天付テラスルーム），讓你可以喺寬敞舒適嘅客房中度過極致嘅美好時光。
館內設有多間餐廳和酒吧，提供傳統法國料理和日本料理等美食。喺料理餐廳提供以新鮮日本海產、於新潟大自然環境中所培育嘅野生食材等烹煮而成嘅懷石料理、涮涮鍋、壽喜燒等料理，建議可搭配上新潟日本酒一同享用。
景點資訊
- 地址：新潟縣妙高市田切216
- 交通：從信濃鐵道 妙高高原站 乘搭接駁巴士約10分鐘
- 官網：https://www.akr-hotel.com/
Comments