新潟縣以全國第一白米產量而聞名，擁有「越光米」等多款美味白米品種。因此，大部分前往新潟嘅遊客都會將「米飯」列入必食清單，亦會購買白米、米菓（使用米製作的零食）、日本酒作為手信。以下落嚟，小編將會介紹幾款真心推薦嘅新潟白米品種、使米飯變得美味嘅烹調方式，以及可以品嚐到美味米飯嘅店舖。相信你都可以搵到自己心儀嘅白米喔！
點解一講起新潟，就會諗起白米呢？
喺新潟縣種植稻米嘅土地面積和收成量皆為日本第一。然而，要達到呢個成就，過程卻非常艱辛。其歷史可追溯至江戶時代開發嘅新田。當時，新潟縣嘅平原地區擁有廣闊濕地，土地並不適合種植稻米。儘管如此，當時人們竭力進行灌溉用水工程和低濕地嘅開發，改善不利因素。人們不斷地與水作戰，最終，成功種植出稻米。
不過，當時新潟所生產嘅白米口感唔太好，令當地縣民相當困擾。為咗解決呢個問題，新潟決定生產日本最美味嘅米「越光米」作籌碼以扭轉局勢，儘管栽培過程非常困難，幾乎其他日本地區都不再種植，但新潟不斷努力，最終成功種植出越光米。
然而，要生產美味白米亦需要其他必要因素，包括肥沃嘅土壤、適宜氣候以及充滿營養嘅清澈水源。只有齊備以上因素，先至可以喺新潟生產出美味白米。另外，每年都會進行放射性物質檢測，以確保其白米並無放射性物質，可以安心食用。
為你介紹新潟出產的白米種類
雖然有九種品牌米於新潟縣生產，但主要品牌有「越光米」（コシヒカリ）、新潟開發嘅「新之助」、「Koshi ibuki」（こしいぶき）、「Yukin子舞」（ゆきん子舞）、「葉月Minori」（葉月みのり）等五種。今次，小編會為大家介紹當中三個品種。
越光米（コシヒカリ）
越光米於新潟進行米種交配後，被送到福井進行培育。然而，喺日本各地嘅農業試驗場進行試作後，由於其易受病害、稻苗高度過高容易倒伏等缺點，大多數地區都放棄種植。不過喺新潟縣，人們利用栽培技術克服以上缺點。因此，越光米便成為新潟嘅頂級品牌。越光米嘅魅力在於粘性與柔軟度適中、再搭配濃郁口感，其香氣和甜味會於口腔中散發，令人一試難忘。越光米特別適合與日本料理，尤其係魚類和刺身一齊享用。
「Koshi ibuki」（こしいぶき）
「Koshi ibuki」收成時期比越光米早，係新潟縣所開發嘅品種。保留了越光米嘅口感，適中嘅黏度與柔軟度，即使放晾後食用都好好味。另一方面，「Koshi ibuk」口感清淡，可以搭配各種料理，係一款非常適合家庭料理嘅白米品種。
新之助
新之助與越光米並列為高質日本品牌米，開發新之助嘅目的係為咗對應全球暖化，即使氣溫升高，亦能生產出高質又好味嘅白米。新之助繼承了越光米嘅基因，同時擁有不一樣風味嘅好味道。飯粒口感彈性十足，咀嚼時會感受到甜味，即使放晾後亦唔會變硬，美味持久。非常適合用嚟製作飯糰、便當等料理。
煮出美味新潟米的烹飪方法
既然選購新潟米，當然希望可以煮出美味嘅米飯吧！小編就為大家介紹可以輕鬆煮出美味米飯嘅小技巧啦！
首先，量好要煮嘅米飯份量，接著快手搓洗乾淨米粒。開始時，可以用較多嘅水輕輕攪拌數次，然後倒水，再加入新嘅水輕輕洗米。洗米過程中，要換水洗2至3次，最後記得要將水分瀝乾。
以下落嚟會講解，對於米飯嘅美味程度有著極大影響嘅水量部分。基本上水量嘅比例係米量嘅1.2倍，如果煮新米，由於新米比較容易煮軟，因此建議水量可以減少到米量嘅1.1倍。另外，為咗令白米可吸收充足嘅水分，夏天浸泡30分鐘，春秋季浸泡1小時，冬季則浸泡2小時左右。
然後，就係正式煮飯囉！煮好之後要焗多10至15分鐘，再盡快地攪拌飯粒，咁就可以煮出鬆軟又好味嘅米飯喔。
可以品嚐新潟米的當地餐廳2選
美食係旅行嘅重要環節之一。小編今次亦嚴選出2間當地餐廳，等大家可以喺新潟大嘆新潟米嘅好滋味！
竈 kamado
「竈 kamado」係一間餐廳提供以竈（傳統火爐）炊煮嘅白飯畀客人享用。所使用嘅白米為新潟產岩室特別栽培嘅「越光米」，而煮飯嘅水則採用來自五泉市名水——吉清水。呢間餐廳嘅特色係以白飯作主角，並提供多種以炭火燒烤嘅料理，如「地雞炭火燒」（地鶏の炭火焼き）和「手工漢堡扒炭火燒」（手ごねハンバーグ炭火焼），以提升白飯嘅美味層次。
飯糰專家 Nukumori屋（おにぎり専家 ぬくもり屋）
「飯糰專家 Nukumori屋」位於JR新潟站萬代口徙步3分鐘嘅位置，係一間可以品嚐日式飯糰和新潟當地美酒嘅店舖。該店使用減農藥越光米「上野San-chino-yasashii 米」（上野さんちのやさしいお米）作為飯糰嘅原材料。小編喺度要向大家推薦一款打卡美食，「飯糰金字塔」（おにぎりピラミッド）係一道擺滿21款唔同味兼一口大小嘅飯糰菜式，非常吸睛，最啱用嚟打卡！
不可錯過！用米製作的煎餅和日本酒等米菓點心
喺新潟，以米為主原料嘅米菓和日本酒嘅生產、銷售可謂相當興盛。特別係米菓嘅出貨額為日本全國第一。新潟米菓嘅魅力在於，與其他縣份嘅硬仙貝（煎餅）唔同，擁有柔軟、酥脆嘅口感。另外，亦設有新潟仙貝主題樂園「新潟仙貝王國」，你唔單止可以喺入面購物，仲可以進行手工仙貝體驗添。
新潟盛於栽培酒米，擁有約90間釀酒廠，日本酒嘅出貨量更位居全國第三。新潟日本酒以清爽卻極具口感嘅「淡麗辛口」為特色。呢種口感係來自於喺軟水中進行發酵和處於嚴寒環境下，緩慢發酵而成。
Comments