福井縣鯖江市係「全球三大眼鏡生產地」之一，約有95%嘅日本眼鏡框都係喺鯖江市生產。鯖江市內有多個打卡景點，包括「眼鏡街」、可以體驗眼鏡製作嘅「眼鏡博物館」等景點，令遊客可以更深入了解有關眼鏡嘅歷史和文化。
今次小編要介紹嘅係位於「眼鏡聖地」嘅獨特主題住宿——「眼鏡民宿」。而且呢間民宿嘅內部裝飾，係使用眼鏡材料所製成，相當獨特。無論係準備要去福井縣旅行，抑或係對福井傳統文化、日本製物品感興趣嘅人，呢度絕對係不可錯過嘅必去景點喔！
※本文中所提及到嘅費用，為撰寫文章時，於預約網站中所顯示嘅費用。
若用戶經由文中連結購買或預約內文所介紹之商品，FUN! JAPAN將有機會收取部分收益。
「SABAE MEGANE HOUSE」喺眼鏡框生產數量為日本第一嘅福井縣鯖江市正式開幕！
「SABAE MEGANE HOUSE」推薦畀下列類型嘅旅客！
- 熱愛日本製眼鏡或對Made in Japan產品有興趣嘅人
- 想要喺旅途中體驗福井獨特傳統文化嘅人
- 想要住喺備受矚目嘅日本古民家，並於社交媒體上分享嘅人
以眼鏡框架生產量為日本市場佔有率約95％為傲嘅福井縣鯖江市。
鯖江市內擁有多個可以接觸得到鯖江眼鏡文化嘅景點，當中不得不提從2022年開始便備受矚目嘅新景點——「SABAE MEGANE HOUSE」。其實「SABAE MEGANE HOUSE」係一間被眼鏡包圍嘅民宿喔。
「SABAE MEGANE HOUSE」係一棟獨棟嘅古民家，位於鯖江市河和田地區，可以喺JR鯖江站乘搭巴士前往，需時大約30分鐘。入口處，掛著當地提燈店與和紙職人製作嘅提燈，以及繪畫上眼鏡標誌嘅門簾，令人未入門先興奮！
世界首創！眼鏡發燒友必試「眼鏡任你戴放題」係？
講到「SABAE MEGANE HOUSE」最特別嘅地方，就梗係「MADE IN SABAE 眼鏡任你戴放題」嘅獨特體驗啦！旅客可以自由試戴超過100款鯖江眼鏡，並且於住宿期間隨時隨地邊戴邊比較不同風格嘅眼鏡。
旅客可以享受日本製眼鏡品牌「Sabae」獨特嘅高品質體驗，同時享受傳統古民家嘅住宿。全球亦只有呢度可以享受到咁奢侈嘅體驗，亦因此受到多方媒體關注。
一樓大廳裡放置著日本傳統收納櫃「越前箪笥」，而走廊上會見到眼鏡展示架，旅客可自由觀看。當中包括部分罕見，並未於一般市場流通嘅眼鏡款式。
由於整棟建築提供獨棟嘅私人空間，可以盡情試戴兼比較各款心儀眼鏡，無需擔心他人目光，相當過癮！呢點亦係呢間住宿設施嘅魅力之一喔。
你可以喺館內無限試戴各款眼鏡，挑選出最心儀一款作為旅程嘅伴侶，亦係住客專享嘅特權。不妨約埋親朋好友，齊齊喺度享受眼鏡任你揀嘅歡樂好時光吧。
以眼鏡為設計元素的打卡景點超吸睛！係你大影特影「呃Like相」最佳選擇
「SABAE MEGANE HOUSE」就好似「眼鏡嘅主題樂園」一樣，館內到處都點綴著與眼鏡主題相關嘅設計，相當吸睛。小編以下落嚟，會為大家介紹3個必去嘅影相景點，有機會嘅話記得要去盡情打卡大影特影喔。
1. 位於入口處嘅眼鏡霓虹燈
一進入館內，首先映入眼簾嘅係著住燈嘅眼鏡霓虹招牌，散發出一股懷舊氣息。聽聞喺度影相留念係最基本嘅行程之一喔。
2. 客廳嘅眼鏡黑板和枝形吊燈
喺客廳，會見到使用當地產木材所製成嘅眼鏡黑板，以及利用眼鏡材料嘅醋酸纖維加工製成嘅枝形吊燈，格外引人注目。而且，呢個吊燈竟然係世上獨一無二嘅珍貴物品！
3. 懸掛於天花板上嘅「眼鏡之雨」
當你走上通往2樓嘅樓梯時，會發現一個使用300幾條眼鏡嘅鏡腳所製作而成嘅獨特裝飾！推薦你喺模擬落雨嘅背景下，影返張最具色彩嘅「眼鏡淋浴」靚相留念。
令人可近距離感受滿滿的福井縣傳統文化的內部裝修和餐具
喺「SABAE MEGANE HOUSE」，除咗可以無限地試戴各款眼鏡，就連客房嘅裝修和設施都令人充分感受到福井縣嘅傳統文化。如果你對日本文化情有獨鍾，一定會對其連細節位都要求極高嘅設計理念而讚嘆不已。
住宿客房「Urushi」（うるし）有漆塗飾嘅門窗、天花板等、越前和紙製造嘅障子和牆紙等，皆包含了當地傳統工藝元素。
另一個住宿客房「Washi」（わし）則使用福井當地木材建造，壁紙亦使用當地越前和紙。其空間感充分展現出職人嘅巧手神工。
即使係長期住宿都唔怕，客房內擺放著鯖江市周邊生產嘅越前漆器和越前燒陶瓷器等餐具，可謂相當貼心。喺房內客廳享用美酒佳餚時，記得要好好利用客房內嘅餐具啦。
「SABAE MEGANE HOUSE」係福井縣鯖江市旅遊理想據點！
「SABAE MEGANE HOUSE」周邊觀光景點相當豐富。稍微行一段路即可抵達販售眼鏡形狀「最中」嘅菓子店「福音堂」、以及1793年創業嘅老字號漆器工房「漆琳堂」等鯖江市具代表性嘅店舖。你可以自由探索「眼鏡之城」，發掘箇中美食、文化和商店！
然而，「SABAE MEGANE HOUSE」每日只限定接待一組客人。如果已經計劃好要去日本旅行嘅話，建議儘早預訂。不妨暫離盡是高樓大廈嘅大都市，試試入住充滿新氣息嘅古民家，暫別都市煩囂吧！
SABAE MAGANE HOUSE
- 地址：〒916-1225 福井縣鯖江市別司町31-17
- 交通：從JR鯖江站乘坐「Tutuji bus」（つつじバス）約30分鐘，從「別司口」巴士站步行約1分鐘
- 入住時間：15:00〜18:00
- 退房時間：10:00
- 價格：54,000日圓~/每晚（含稅）
- 預訂頁面：SABAE MAGANE HOUSE
利用「Vacation STAY」預訂全日本各地嘅住宿設施啦！
除咗「SABAE MEGANE HOUSE」之外，其實喺日本全國仲有多間極具特色嘅住宿設施喔！
另外，如果要預訂日本住宿嘅話，小編推薦你使用「Vacation STAY」。皆因Vacation STAY提供多種住宿類型任君選擇，無論係獨棟房屋，抑或係被大自然包圍嘅小型房屋都一應俱全，可供多人入住嘅住宿設施亦選擇多多。更著數嘅係，如果你係樂天會員嘅話，預訂時仲可以累積埋樂天積分，亦係「Vacation STAY」嘅一大特色喔！
你所累積嘅積分可以喺全國各地加盟店使用，如果想享受一個划算又獨特嘅旅行，咁就事不宜遲，即刻去「Vacation STAY」官網睇睇啦！
Comments