日本北陸地區嘅「福井縣」，擁有丸岡城和一乘谷城兩座日本100名城。兩座城雖各有威名，但最近福井縣卻有另外一座城吸引大批目光，呢座城就係「越前大野城」，亦係一座「天空之城」！
建於織田信長賞賜之地的「越前大野城」
越前大野城位於福井縣大野市內，該城於9世紀至10世紀期間為越前國大野郡嘅一部分。1575年，織田信長將大野郡劃分畀兩位將領，其中一位係「金森長近」，得到大野郡3分之2嘅土地。 隔年1576年，金森長近開始喺標高約249米嘅龜山築城，同時喺龜山嘅東側建造城下町。
築於龜山上嘅呢座城就係「越前大野城」，總共花費4年時間打造完成，其後作為此地嘅政治中心，直到1871年廢藩置縣政策開始，大野藩正式廢止，1873年頒布廢城令，越前大野城亦因此解體拆除至僅剩石牆，部分建築物移築至其他地方，當時嘅本丸建築物甚至被20幾位人士出資購買，越前大野城約290年歷史亦於此時暫時劃下句號。
火燒、解體後再度重建的越前大野城城郭
因廢城令而拆除嘅越前大野城其實早已不屬於最初嘅城主金森長近所建造嘅模樣，江戶時代係火災頻傳嘅年代，越前大野城當然亦無法逃過火災一劫。最初嘅越前大野城擁有一大一小兩座天守，但因為多次火災後被燒毀，1775年嘅大火甚至連本丸亦被燒得一乾二凈，直到1795年又再重建，不過最後仍然無法逃過因「廢城令」而被解體嘅命運。
但係於1968年，大野市當地嘅舊士族萩原貞提供大筆經費，令越前大野城天守喺被解體近百年後，得以再度重建，於現時嘅大野市內重現過往風采。
現時，我哋所見到嘅越前大野城天守，係參考與第一代越前大野城和當時城堡圖紙進行復原而成，重建過後嘅天守閣現作為資料館，展示歷代城主資料和其他展品。訪客仲可以登上天守閣，眺望四周美景。
「續日本100名城」之一、擁有珍貴「野面積」石牆的越前大野城
現時喺本丸附近嘅石牆，仍然可見到初期城堡嘅痕跡喔。本丸附近嘅石牆係以「野面積」方式打造而成，所謂嘅「野面積」法係使用未經切割加工嘅自然石，將一個又一個嘅自然石去堆砌出城牆，為最早期嘅城牆建築方式，亦係越前大野城值得一賞嘅地方。而歷史上最先修築10米高城郭石牆嘅係滋賀縣「安土城」，織田信長為築城者，越前大野城與安土城同樣於1576年開始建造，同樣建有石牆，亦被視為金森長近與織田信長關係匪淺嘅證據。
2017年，越前大野城獲選為「續日本100名城（*1）」之一，搭配埋現時仍生氣勃勃、古風猶存嘅城下町街道，吸引唔少遊客慕名而來。
*1：由公益財團法人 日本城郭協會於協會迎接50周年，2017年所制定嘅日本名城清單，以「屬卓越文化財和史蹟」、「屬著名歷史舞台」、「具時代及地區代表性」作為選定標準。
北陸地區天空之城——越前大野城
越前大野城嘅魅力除咗珍貴嘅「野面積」城牆、古風城下町之外，喺特定時期和天氣條件下可以望到越前大野城懸浮於雲海中嘅絕景，令人嘆為觀止，亦更因此被美譽為「天空之城」。
越前大野城、兵庫縣「竹田城跡」、岡山縣「備中松山城」並列為「日本三大天空之城」。呢三座城皆擁有盆地、位居高處等自然條件，先至得以形成雲海。當雲海出現時，從城頂俯瞰其景色時，城堡就猶如飄浮空中，神秘夢幻，因而成為唔少城堡愛好者和攝影發燒友嘅必訪絕景勝地。
想一睹天空之城美景，第一個條件就係雲海，越前大野城嘅雲海出現時期為每年10月至隔年4月底，最佳時間帶為日出至早上9點。但究竟會唔會出現雲海，真係好睇運氣同埋當日天氣喔！如果淨係想單純遠眺城堡英姿嘅話，小編推薦去距離越前大野城約1公里遠、位於犬山上嘅「戌山城跡」。但係，要去到戌山城跡，即使從最近嘅停車場出發，落車之後仍需要沿著登山道徒步上山約30分鐘，記得要帶齊基本登山裝備再出發喔！
越前大野城
地址：福井縣大野市城町3-109
- 開放時間：
- 4月～9月 9:00～17:00
- 10月～11月 9:00～16:00
- 冬季停止營業：12月1日～3月31日
- 費用：300日圓（中學生以下免費）
- 交通：JR越前大野站步行約30分鐘，或乘搭京福巴士到大野六間巴士站下車後，再徒步約8分到登城口。由登城口到越前大野城再步行約10～20分鐘。
Comments