FUN! JAPAN工作人員，與來自亞洲各地嘅FUN! JAPAN會員同遊日本嘅免費日本旅行贈獎活動「Visit Japan Campaign」（VJC）。旅程嘅最後一日，去咗曾於江戶時代（1600～1868年）作為繁華街而繁榮興盛嘅東京街道——淺草，悠閒地行逛一下！
相關文章:
望住東京晴空塔食早餐
VJC嘅最後一日，首先喺「淺草豪景酒店」26樓，一邊欣賞睛空塔美景，一邊大嘆早餐。
酒店嘅自助早餐，提供日式、西式等豐富料理任君選擇，等大家可以自由揀選「你想」食物享用。香港會員Fung先生，竟然食緊…納豆！
參加淺草寺例年活動
食完早餐之後，就去擁有約1400年歷史嘅淺草寺閒逛。淺草寺吸引大量國內外遊客到訪，其人氣之高令大家相當驚訝。實實在在地感受到觀光正逐漸復甦，FUN! JAPAN嘅工作人員亦感到非常高興。
當日係2月3日，淺草寺舉辦例年嘅節分撒豆活動，會邀請藝人等人士參與撒豆，令在場觀眾氣氛更熱烈，所以每年都會聚集唔少人到來。雖然節分撒豆時，通常都係叫喊著「鬼在外，福在內！」，但係「因為喺觀音菩薩面前唔會有鬼出現」嘅緣故，淺草寺喺撒豆時係叫喊著「千秋萬歲（祝願長年繁榮和長壽嘅敬辭），福在內」，有別於一般撒豆時嘅叫喊內容。
Momoko和Sombat，成功接住由台上撒出嘅豆！實會有好事發生啦。
淺草寺
- 地址：東京都台東區淺草2-3-1
- 參觀費用：免費
- 交通：從淺草站徒步5分鐘
- 官網：https://www.senso-ji.jp/english/
坐人力車遊覽淺草名勝
去淺草又點可以唔坐人力車呢！淺草有多個提供人力車服務嘅團體，今次選擇嘅係「惠比壽屋」嘅服務。擁有結實肌肉，兼幽默搞笑嘅車夫，用咗30分鐘以英文為我哋介紹淺草嘅名勝。
喺可以望見東京睛空塔嘅地方，影相留念！大家嘅姿勢係…睛空塔？
人力車旅行結束後，車夫們與VJC參加者們變得熟絡。
惠比壽屋淺草店
- 費用：2人1組嘅情况
1個街區巡遊（約12分鐘）：5,000日圓
30分鐘巡遊：10,000日圓
45分鐘巡遊：15,000日圓 - 官網： https://ebisuya.com/en/
今趟嘅4日3夜之旅，參加者們嘅感想係？
4日3夜嘅旅行，轉眼間就結束。唔知大家嘅感想係？
「我好鍾意熱海悠閒嘅氛圍！」
「通過節分嘅體驗，加深咗對日本文化嘅理解！」
「能一次過享受到熱海和淺草等日本傳統地方，以及新潮嘅澀谷等地嘅觀光，非常滿足。」
無論係第一次去日本，定係曾經到訪過日本嘅人，經歷完今次嘅旅程，都各自有新發現。FUN! JAPAN嘅工作人員更透過今次嘅旅程得到與會員們互相交流嘅機會。參加者亦提出唔少有關提高今後FUN! JAPAN服務嘅寶貴意見，喺度再次同大家講聲多謝哂！
FUN! JAPAN今後亦會定期舉辦VJC，敬請期待下次嘅招募喔！我哋下個VJC嘅旅遊目的地、現時提供嘅服務與活動等相關資訊，會根據會員們嘅喜好和興趣作策劃。為咗向大家提供最好嘅服務，請大家幫幫手，更新會員資訊啦！
Comments