日本九州同本島有好大分別，自古以嚟就深受外來文化嘅衝擊，尤其是係長崎縣同佐賀縣，由於融合咗中華同歐洲等各國嘅文化，因此到處都充滿住異國風情。
由日本國家旅遊局所推動嘅「新日本心體驗」，挑選出日本全國各地嘅經典旅遊路線行程，無論係第一次嚟日本旅遊定係再次造訪日本嘅外國旅客，都可以嚟一趟深度之旅，發現日本之美！
呢一篇要帶大家前往九州地區嘅長崎同佐賀，精彩嘅四日三夜推薦行程，千祈唔好錯過喇！
「日本九州－長崎、佐賀」推薦行程
| Day 1 | 上昼：武雄【流鏑馬】日本傳統弓馬武術體驗 下昼：佐賀有田燒【幸樂窯】拉胚、轉印貼紙體驗 夜晚：【御船山樂園】賞夜楓 ⇒ 入住武雄溫泉旅館 |
| Day 2 | 上昼：佐世保【九十九島珍珠海洋遊覽區】遊覽島嶼、水族館 下昼：【豪斯登堡】日本最大複合式主題遊樂公園 夜晚：入住「豪斯登堡歐洲飯店」 |
| Day 3 | 上昼：【祐德稻荷神社】欣賞巫女祈福吟歌舞蹈、季節賞花 下昼：【史跡料亭 花月】欣賞藝妓表演、品嚐正宗卓袱料理 夜晚：【世界三大夜景 稻佐山】 |
| Day 4 | 上昼：搭船到【五島列島】體驗海島風情 下昼：海上釣魚 夜晚：體驗「Nordisk Village」豪華露營 |
到神社參拜及大自然之旅
https://www.japan.travel/hk/hk/japan-activities/kyushu/itineraries-3/
佐賀地區
「武雄流鏑馬」：日本傳統弓馬武術體驗
「流鏑馬（やぶさめ）」係日本傳統結合咗馬術同弓術嘅一種騎射術，起源於天皇同皇后為咗祈求天下平定、五穀豐收而進行嘅祈禱神事。
現代嘅流鏑馬除咗繼承傳統之餘亦都有多方面嘅發展，唔只神社嘅神職同守護神族地區嘅後代，地方嘅保存會亦都會為咗祭典神事或者作為觀光體驗項目之一而進行呢個項目。
武雄嘅流鏑馬已經傳承咗超過800年，而家更加被指定為武雄市嘅重要無形民俗文化財𠻹。除咗喺武雄神社每年嘅祭典入面可以睇到流鏑馬之外，大家都可以同「武雄流鏑馬 藤武會」預約參與體驗㗎！
體驗內容由練習騎馬、平地射箭，到兩項結合，最終完成一路騎馬一路射箭破靶！玩完成個幾鐘之後，雖然雙腳會好攰手指又磨損哂，不過完成破靶嘅瞬間真係好爽而且好有成功感，一切都抵返哂！
武雄流鏑馬
- 地址：佐賀縣武雄市武雄町 流鏑馬馬場（武雄市兒童圖書館前）
- 交通：喺JR武雄溫泉站搭的士約10分鐘
- 官網(日文)：http://www.takeo-kk.net/experience/002116.php
佐賀縣 體驗日本傳統流鏑馬
https://www.japan.travel/hk/hk/japan-activities/activities/185/
有田燒「幸樂窯」：倉庫尋寶、親手整獨一無二嘅陶瓷器
位於佐賀縣嘅有田地區係日本陶瓷器最初嘅發源地之一，呢度生產嘅「有田燒」，就係日本最具代表性之一嘅陶瓷器，有超過400年嘅歷史。
「幸樂窯」由德永陶瓷株式會社喺1865年創立，佢哋唔單止有賣有田燒，仲邀請咗國際藝術創作者加入，將現代化設計結合傳統嘅有田燒，推出時尚又實用嘅生活系列商品。
大家仲可以體驗有田燒拉坯同貼花，自己親手整獨一無二嘅陶瓷器，或者到大倉庫進行非常受歡迎嘅尋寶活動，可以搵到好多好靚嘅有田燒精品㗎！
幸樂窯 徳永陶瓷器
- 地址：佐賀縣西松浦郡有田町丸尾丙2512
- 交通：喺JR有田站搭的士約5分鐘
- 官網(日文)：https://kouraku.jp.net/
九州佐賀陶瓷之鄉 體驗陶式享受
https://www.japan.travel/hk/hk/japan-activities/activities/174/
「御船山樂園」：日本最大規模夜楓同夜櫻
「御船山樂園」建造於江戶時代後期，係擁有15萬坪嘅廣闊池泉迴遊式庭園。庭院入面聳立住一座標高210米嘅御船山，望落去相當壯觀。呢座御船山同時亦係佐賀縣武雄市嘅象徵。
園內一年四季都可以欣賞到唔同嘅絕美景色，每逢春天，近2,000株櫻花交錯開花，加埋色彩鮮豔嘅杜鵑花谷、柔和嘅紫藤花棚、春紅葉等，色彩好繽紛熱鬧。到咗夏天成個山都會被綠意包圍，除咗可以感受竹林嘅涼爽感覺，仲可以欣賞翠綠嘅楓葉同埋雨季嘅紫陽花㗎。
秋天御船山樂園嘅夜楓更係號稱日本最大規模嘅紅葉點燈，自然嘅地形高低落差同埋池中倒影，令到火紅色嘅楓葉更增添幾分同日頭完全唔一樣嘅神秘絕美奇幻色彩。另外，冬天嘅雪中梅亦都係唔能夠錯過嘅優雅景色。
御船山樂園夜楓
- 地址：佐賀縣武雄市武雄町大字武雄4100
- 交通：喺JR武雄溫泉站搭的士約5分鐘
- 營業時間：日間8:00〜17:30、夜間17:30〜22:00
- 官網：https://www.mifuneyamarakuen.jp/tw/
「祐德稻荷神社」：神職人員同巫女傳統祈福體驗
位於佐賀縣鹿島市嘅「祐德稻荷神社」同京都伏見稻荷大社、茨城笠間稻荷神社，並稱為日本三大稻荷。
無論係要祈求守護商業繁榮、戀愛結緣定係除災消厄等，祐德稻荷都係一間好有人氣嘅神社。最特別嘅係境內會隨不同季節更換主題裝飾，同有賣其他地方無嘅多樣化護身符同繪馬，好受年輕族群嘅喜愛。
嚟到祐德稻荷神社，仲可以喺神聖莊嚴嘅神殿內體驗同巫女一齊祈福嘅傳統儀式。優雅嘅吟誦同祭祀舞蹈會徹底洗滌心靈，令身心可以平靜落嚟。
祐德稻荷神社
- 地址：佐賀縣鹿島市古枝
- 交通：喺JR肥前鹿島站搭的士約10分鐘
- 官網(日文)：https://www.yutokusan.jp/
享負盛名 祐德稻荷神社
https://www.japan.travel/hk/hk/japan-activities/activities/172/
長崎地區
「史跡料亭 花月」：歷史資料館兼料亭，透過傳統卓袱料理重現花街歷史
所謂嘅「花街」，係聚集咗好多可以同能者或藝者（藝伎、舞伎等）互動嘅招待所嘅區域，亦係日本相當著名嘅傳統文化之一。被稱為日本三大花街之一嘅「丸山」（其他地區有京都嘅島原、江戶嘅吉原等），由江戶時代開始，因為受到海上貿易嘅發展而繁榮。有好多貿易商、政商知名人士同人文墨客都會嚟呢度，就好似無人唔識嘅坂本龍馬、孫文（孫中山）都曾經係座上客嚟㗎！
而「史跡料亭 花月」，就係一個承襲保存咗文化背景、歷史建築同文物，並透過藝伎同卓袱料理重現當時光輝歲月嘅料理亭兼歷史資料館。
在「花月」可以品嘗到結合咗世界各地文化嘅正宗卓袱料理，而呢樣亦都係長崎最具代表性嘅料理之一。佢融合咗日本文化同中華文化喺圓桌用膳，代表住無身份隔閡嘅概念。另外，「花月」亦特別使用長崎當地新鮮嘅魚類同當季食材，嚟製作出呢一道道具獨特魅力嘅傳統豪華料理。
史跡料亭 花月
- 地址：長崎縣長崎市丸山町2-1
- 交通：喺JR長崎站搭長崎電氣軌道（路面電車）至「思案橋電停」落車行約4分鐘
- 營業時間：午餐12:00～15:00（L.O.13:30）、晚餐18:00～22:00（L.O.19:30）
- 官網(日文)：https://www.ryoutei-kagetsu.co.jp/
「長崎稻佐山」：世界三大夜景
「長崎稻佐山」嘅夜景同上海、摩納哥並列，被選為「世界新三大夜景」。長崎港町嘅夜景充滿住獨特嘅魅力，更被譽為「千萬美元嘅夜景」。
嚟到海拔高333米嘅稻佐山山頂，可以順住螺旋狀坡面登上展望台。夜晚嘅亮燈打造出超夢幻嘅感覺，從展望台眺望嘅夜景當然夠哂靚，另外仲好推介大家搭纜車喺空中欣賞！稻佐山唔單止係欣賞夜景嘅人氣景點，更加係大家必到嘅打卡影相地標！
稲佐山
- 地址：長崎縣長崎市稻佐町
- 交通：喺JR長崎站搭「長崎巴士3、4號系統（下大橋・小江原・相川行）」至纜車前落車，行約3分鐘
- 営業時間：空中纜車同斜坡車9:00～22:00、展望台9:00～22:00（屋頂展望所24小時開放）
- 官網(日文)：https://www.inasayama.com/
「豪斯登堡」：日本最大規模嘅主題遊樂公園
「豪斯登堡」位於長崎縣佐世保市，園區有東京迪士尼樂園2倍咁大，係日本最大規模嘅主題遊樂公園。
古老嘅鐘樓、色彩繽紛嘅花圃、運河畔嘅大風車、石瓦街道同哥德式建築，令人好難相信呢度竟然係日本，因為簡直就好似去咗歐洲咁！園區內周圍都係影相景點，遊樂設施種類都好豐富，另外仲有超好味嘅人氣餐廳，點玩都玩唔完！
豪斯登堡仲有一個特色，就係夜晚會有絕對唔可以錯過嘅亮燈活動！華麗嘅LED燈光同3D光雕會投影喺區域內各個建築物同地形之上，加上聲音特效，會打造出一個絢爛嘅夜間樂園！
既然嚟到豪斯登堡，夜晚當然要入住最高級嘅歐洲酒店啦！
夜晚喺大廳會有音樂盛會、房間高雅華麗又舒服、出門有專屬渡輪代步、沿途可以欣賞河畔風光，當然唔少得豐富又好味嘅早餐。住喺度，你可以體驗有如歐洲貴族般嘅奢華生活！
豪斯登堡
- 地址：長崎縣佐世保市豪斯登堡町1-1
- 交通：JR豪斯登堡站直達
- 営業時間：星期日至星期五9:00～21:00（20:00最後入場）、星期六9:00～22:00（21:00最後入場）、特定節日有所不同，詳細請參考官網
- 官網：https://chinese01.huistenbosch.co.jp/
九十九島珍珠海洋遊覽區
「九十九島」係指佐世保灣外側北部約25km範圍嘅海域，由複雜嘅海岸線同形形色色嘅島嶼交織而成，自然景觀非常獨特。呢度一共有208座島嶼，密度係全日本第一。而九十九呢個數字其實只係一個比喻，意思係指島嶼數量非常多！
「九十九島珍珠海洋遊覽區」匯集咗觀光遊覽船、水族館海閃閃、動植物園森閃閃、手信店以及美食餐廳呢啲設施。喺呢度，您可以透過各種方式嚟認識九十九島嘅海洋，並親近喺呢度棲息嘅生物同大自然。
九十九島珍珠海洋遊覽區
- 地址：長崎縣佐世保市鹿子前町1008
- 交通：喺JR佐世保站搭前往「珍珠海洋遊覽區・九十九島水族館」嘅巴士約25分鐘
- 営業時間：遊覽船航班時間請參考官網／水族館海閃閃 3月～10月9:00〜18:00（17:30最後入場）、11月～2月9:00〜17:00（16:30最後入場）／動植物園森閃閃 9:00〜17:00（16:30最後入場）
- 官網：https://pearlsea.jp/zh_TW/
「五島列島」：「Nordisk Village」Glamping豪華露營、海釣，體驗海島魅力
「五島列島」位於九州的最西端，有著清澈蔚藍的海洋、細白的沙灘和壯觀的海岸線。更因自古以來深受西方文化的強烈影響，遺留下許多美麗的基督教教堂，是個充滿基督教歷史和世界遺產，以及自然風光的迷人列島。
最後特別推介大家到亞洲第一座「Nordisk Village」，喺大自然環境入面體驗一場高品質嘅豪華露營！「Nordisk Village」改裝自已經廢棄嘅舊田尾小學校舎，打造出令人安心又安全嘅露營空間。由校舍改建嘅房型空間寬敞簡潔，Nordisk帳篷房更加係又便利又舒適，擁有高質感，而且充滿住露營嘅趣味。到咗夜晚，仲可以喺營區入面BBQ晚餐𠻹！
五島列島 Nordisk Village
- 地址：長崎縣五島市富江町田尾1233
- 交通：喺長崎機場搭利木津巴士約40分鐘至長崎港，喺長崎港搭高速汽船（長崎～福江）約25分鐘至福江港，喺福江港搭接駁車（需預約）或租車自駕，約30分鐘可抵達
- 官網：https://www.nordiskvillage.jp/zh-cmn-hant/index.html
今次「新日本 心體驗」帶大家造訪咗日本九州嘅長崎縣同佐賀縣，期待大家下次嚟日本嘅時候，可以將呢啲推介景點同體驗列入行程當中！更多詳細資訊，記得參考活動專屬網頁喇！
到神社參拜及大自然之旅
https://www.japan.travel/hk/hk/japan-activities/kyushu/itineraries-3/
新日本 心體驗
Comments