相當大家去日本旅行，最令人期待嘅行程之一，就係日本嘅美食！
除咗壽司等特定嘅料理人氣極高，「和食」亦被聯合國教科文組織列入非物質文化遺產，甚至連豆腐（Tofu）、味噌（Miso）等食材、調味料名稱嘅日文詞彙亦全球通用，其關注度可謂越嚟越高。
本篇文章，會為大家介紹備受矚目嘅日本特有甜品！當中，有傳統和菓子經進化後所演變而成嘅新式吸睛「Neo和菓子」、正人氣大熱嘅甜品飲品，以及懷舊復古嘅喫茶店甜品等，以下落嚟會為你送上既吸睛上鏡又好味道，兼最應節嘅甜品推介！
「Neo和菓子」嘅代表「萩餅」 色彩鮮豔嘅豆沙餡搭配可愛設計嘅商品正在激增中！
將煮好嘅糯米輕輕按壓至留有米粒狀程度嘅圓柱狀，再用紅豆餡包裹嘅「萩餅」。
因為紅豆嘅紅色，自古以來就被認為係有驅邪、消災解厄嘅威力，所以春天和秋天嘅彼岸時期※供品中亦會有和菓子，根據食用時期和形狀，豆沙粒嘅殘留情况等，亦會有被稱為「牡丹餅」嘅情况出現。
萩餅除咗有紅豆餡之外，仲有抹茶餡、於中央位放入紅豆餡、撒上黃豆粉等，自古以來就有各種不同嘅萩餅款式。
最近，萩餅餡嘅款式變得更鮮豔、更有製作成花卉形狀嘅萩餅陸續登場。
將傳統嘅和菓子進化成新式吸睛嘅「Neo和菓子」，呢款花卉萩餅作為手信和訂購甜品嘅選項，更成為人氣熱話喔。
當中，小編大推「豆沙餡之花」（あんこのお花®）。
使用天然食用色素劑為白豆沙餡上色，經過唧花等步驟，製作出猶如真花一樣嘅萩餅，簡直就好似「食得嘅花形狀萩餅」！櫻花、玫瑰花、山茶花等，配合日本四季和年中行事所製作嘅花形萩餅超級精緻，放入口真係太可惜啦！
另外，因為不含麩質，不使用雞蛋、奶、牛油、鮮忌廉等，所以唔怕會出現相關敏感症狀，可以食得安心又健康，亦係其魅力所在。
「豆沙餡之花」（あんこのお花®），除咗每月1次會喺網店發售外，喺日本各地亦有提供可學習製作美麗「花」之技巧嘅體驗課程等，有興趣嘅話可以去官方網站和Instagram睇睇喔！
- Wanaha Art Food Association（和なはアートフード協会）
- 官方網站：https://wanaha-artfood.com/
- Instagram：https://www.instagram.com/wanaha_official/
※以春分、秋分為中間日，前後各3日總共7日期間，向祖先和大自然表示感謝之情嘅日本佛教活動。日本人喺呢個時期會去掃墓和進行寺廟法事嘅習慣。
想知道更多有關春分、秋分嘅資訊，請參閱以下文章
珍珠奶茶熱潮嘅繼承者就係佢！因為飲得又食得而成為人氣熱話嘅「蕨餅特飲」
2018年至2019年，珍珠奶茶喺日本掀起一股前所未有嘅熱潮。
繼呢股珍珠奶茶熱潮過後，芝士茶、香蕉汁等雖然亦曾相繼流行，但仍無法達到珍珠奶茶巔峰時期嘅熱潮程度......
就係呢個時候，位於新潟縣嘅能量景點——彌彥神社一角嘅店舖「甘味處鎌倉」所誕生嘅「蕨餅特飲」（わらびもちドリンク），現正人氣急劇上升中。
蕨餅特飲係一款喺奶茶和抹茶飲品中，加入用本蕨粉製作嘅蕨餅甜品特飲。
最近蕨餅特飲嘅專門店亦不斷增加，當中蕨餅專門店 甘味處鎌倉嘅「蕨餅特飲」相當吸睛，非常適合打卡影相，更成為社交媒體上嘅人氣新星！
上圖：（左起）奢侈士多啤梨牛奶、濃厚生朱古力（期間限定）、咖啡牛奶、淺川園抹茶
全部皆為S Size-※濃厚生朱古力（期間限定）為一般Size。
濃厚抹茶與帶有粘稠度嘅蕨餅為最佳組合嘅「淺川園抹茶」、帶有甜品Feel嘅「咖啡牛奶」、望落超級可愛嘅「奢侈士多啤梨牛奶」等，睇得飲得兼食得嘅日本特有特飲，好飲到令人停唔到口！
淺草仲見世通、川越等日本全國嘅觀光景點皆設有店鋪，推薦各位手拎特飲，再以觀光名勝作背景，自拍返張打卡相留念喔！
- 甘味處鎌倉 淺草雷門店
- ※外賣店
- 地址：東京都台東區淺草1丁目20-2
- 營業時間：10:30-18:00
- 定休日：有不定休日
呢個正正係日本嘅昭和懷舊風情！喫茶店嘅硬布甸
喺日本，特別係銀座、淺草等地有多間古老喫茶店。
日本喫茶店嘅餐單提供三文治、意粉、蛋包飯等豐富輕食，與Starbucks等歐美連鎖咖啡店提供嘅餐單內容唔同，可以稱得上係甜品愛好者嘅天堂！
講到日本喫茶店嘅甜品代表，就係布甸。
喺淺草1丁目、雷門附近創業，擁有70年歷史嘅名店「純喫茶 マウンテン」（純喫茶Mountain），所出售嘅布甸係自家製兼數量有限！一碟有兩個布甸，再加上忌廉和用冧酒煮過嘅布冧，份量超級大！對於鍾意食布甸嘅人嚟講，真係非常吸引。
保留昔日昭和風情、口感偏硬嘅布甸，正好與柔軟嘅忌廉相輝映，放入口嘅瞬間，會感覺到硬布甸與軟忌廉嘅口感搭配超級Match！加上恰到好處嘅甜味，可以享受得到屬於大人們嘅好滋味。
另外，仲有使用自家製豆沙餡製作嘅日本傳統甜品「餡蜜」（あんみつ）、冬天時會有「汁粉」（又稱為日式紅豆沙）和「雜煮」（又稱為年糕湯）等美食，亦相當受歡迎。
如果想品嚐日本特有嘅甜品和喫茶店美食嘅話，就記得去淺草嘅「純喫茶Mountain」啦！
- 純喫茶 マウンテン（純喫茶Mountain）
- 地址：東京都台東區淺草1丁目８−２ 1F
- 營業時間：
- 星期一、二、三、日：11:30-20:00
- 星期四、五、六：11:30-21:00
Comments