相信唔少人一講起日本嘅咖喱，首先會諗起北海道嘅湯咖喱吧。不過，今次介紹嘅係神奈川縣縣民熱愛，極具代表性嘅神奈川縣鄉土料理——橫須賀海軍咖喱風味嘅咖喱食譜。食落除咗會感受到蔬菜嘅甜味，恰到好處嘅辣味，仲有濃厚嘅粘稠感，口感豐富兼味道濃郁，相當好滋味，下次不妨跟住以下食譜，試吓親手整啦！
喺介紹食譜之前，首先了解一下橫須賀海軍咖喱吧！
日本鄉土料理係？
鄉土料理係指活用各地區嘅當地特產，結合當地風土民情所烹煮出來，並經過長年累月於該區廣泛地傳承下來嘅當地特色料理。唔單止係日本人嘅靈魂食物，亦係日本旅行必食嘅人氣美食。
關於橫須賀海軍咖喱
橫須賀昔日作為與日本海軍淵源甚深之地而廣為人知，橫須賀海軍咖喱係一道重現當時軍隊伙食嘅料理，亦被稱為日本一般家庭享用嘅咖喱飯之根源。
明治時代，日本海軍嘅飲食主要以白米為主，因而導致維他命不足，軍隊內患上「腳氣病」嘅患者不斷增加。有見及此，為改善軍人們飲食營養，將加入大量蔬菜和肉嘅咖喱放入軍隊伙食中。此後，腳氣病患者减少，退役士兵們返回故鄉後，更喺日本全國推廣呢款海軍式咖喱飯。
由於擁有與海軍甚有淵源嘅特殊背景，橫須賀市更重現呢款軍隊伙食嘅食譜，更於1999年公布「咖喱街宣言」，新名物「橫須賀海軍咖喱」隨之誕生！
自橫須賀海軍咖喱誕生以來，便作為代表著神奈川縣嘅鄉土料理受到廣泛喜愛，現時亦成為縣外遊客中嘅人氣美食。除咗飲食店會提供之外，連即食咖喱包都相當受歡迎，仲可以喺部分超市和網店購買得到喔。
橫須賀海軍咖喱嘅特徵
究竟「海軍咖喱」與普通咖喱飯又有咩唔同呢？
要成為當地海軍咖喱嘅認可店舖，必須要使用昔日紀錄文件「海軍烹調術參考書」嘅食譜，咖喱再配上沙律與牛奶，提供一式三樣食品嘅套餐。另外，根據「海軍烹調術參考書」資料顯示，橫須賀海軍咖喱嘅食材係咖喱粉、小麥粉、肉（牛肉或雞肉）、紅蘿蔔、洋葱、馬鈴薯。
橫須賀海軍咖喱嘅相關介紹就到此為止，即刻去睇睇呢款橫須賀海軍咖喱嘅製作方法吧！
食譜影片請參考（附有CC字幕）👇👇👇
橫須賀海軍咖喱材料（2人份）
- 咖喱磚 1/2盒（80g）
- 牛油（或沙律油） 1湯匙
- 水 550ml
- 飯 兩碗
食材
- 使用牛肉或雞肉 150g（使用其他肉類亦OK）
- 薯仔 2個（150g）
- 紅蘿蔔 半條（100g）
- 洋葱 1個（200g）
橫須賀海軍風味咖喱嘅製作方法
- 鍋中加熱牛油，用中火輕輕炒肉。
- 加入切成一口大小嘅食材翻炒。
- 放入水後煮約20～25分鐘，直至食材變軟身。
- 轉細火，放入咖喱磚。
- 一邊攪拌，一邊煮約5分鐘。
- 攪拌均勻至整體，熄火並離開火爐。
- 喺準備好嘅容器內裝好飯，放上咖喱，即大功告成。
＊如果想更享受橫須賀海軍咖喱嘅話，記得一定要配上牛奶和沙律享用喔。
Comments