掀起全球熱潮嘅日本食物「納豆」，係將經過煮、蒸等過程後變軟嘅大豆，透過納豆菌發酵製成嘅一種發酵食品。一般係指「拉絲納豆」。作為日本料理嘅基本食材之一，一年四季都可以喺日本全國嘅食品賣場買得到，係一款又平又易入手嘅食品。
「蘿蔔乾納豆」係一道用納豆和蘿蔔乾製作，以日本茨城縣水戶市為中心嘅縣央地區嘅鄉土料理而聞名。本篇文章會為大家介紹關於「蘿蔔乾納豆」嘅相關資訊，睇完不妨跟著食譜影片，落手整返個「蘿蔔乾納豆」啦！
日本鄉土料理係？
鄉土料理係指活用各地區嘅當地特產，結合當地風土民情所烹煮出來，並經過長年累月於該區廣泛地傳承下來嘅當地特色料理。唔單止係日本人嘅靈魂食物，亦係日本旅行必食嘅人氣美食。
納豆嘅起源&歷史
其實納豆嘅來歷、發源地眾說紛紜，當中最有說服力嘅係茨城縣水戶市。水戶納豆擁有悠久歷史，可追溯至1083年。據聞當時，平安時代嘅武將源義家前往奧州途中，投宿喺水戶市渡里町嘅豪族「一盛長者」宅邸時，家僕將已煮熟作為馬飼料嘅豆用稻草包好，而包好嘅熟豆不知不覺地發酵，便成為拉絲豆。試食之下意外地好味道，將其獻畀義家後大為高興。自此之後，向將軍獻上拉絲豆嘅習慣便廣泛流傳，由於被稱為「獻畀將軍嘅豆」，日文係「将軍に納める豆」，所以被稱為「納豆」。
蘿蔔乾納豆嘅來歷
「蘿蔔乾納豆」係指將納豆和蘿蔔乾混合後，用鹽和醬油等醃製而成嘅水戶市傳統料理。蘿蔔乾係指將蘿蔔放置於日光和寒風中曬3日，最後一晚於夜風吹拂中，凍乾而成嘅乾物。
蘿蔔乾納豆嘅日文係「そぼろ納豆/Soboro nattō」，當中「そぼろ/Soboro」一詞，一般係指烹煮豬肉和雞肉後將其撕開，再炒至收汁為止嘅食物，亦有「細小嘅東西」、「切碎嘅東西」等含義。順帶一提，「そぼろ納豆/Soboro nattō」有時亦會被稱為「おぼろ納豆/Oboro nattō」或「しょぼろ納豆/Shobo ro nattō」，雖然文字唔同，但意思係一樣喔。
「蘿蔔乾納豆」之所以誕生，係因為茨城縣盛行製作蘿蔔和納豆。茨城縣水戶市於江戶時代，為咗可以美味地品嚐颱風到來前所收成嘅大豆，因此盛行於納豆製作。當時，有用秋天收成嘅大豆製作納豆，分派畀鄰居和寺廟等習慣，亦為咗能夠以更長時間食用分派後所剩低嘅納豆，除咗納豆之外，亦隨之誕生利用納豆製作嘅各種鄉土料理。
蘿蔔乾納豆亦係由此誕生嘅鄉土料理之一。當時，如果製作出嚟嘅納豆唔太拉絲，就會加入使用蘿蔔製成嘅耐放食品「切干大根」（蘿蔔絲乾）醃製混合而成嘅一款納豆料理，正正係蘿蔔乾納豆嘅原型。因為製作蘿蔔乾納豆嘅步驟非常簡單，所以時至今日，亦經常成為家常菜之一。現時多數使用醬油和味醂等作調味去烹煮蘿蔔乾。
蘿蔔乾納豆嘅介紹就到此為止，大家了解完其歷史和來歷之後，即刻睇埋製作方法！落手整返個蘿蔔乾納豆啦！
蘿蔔乾納豆食譜
蘿蔔乾納豆材料（2人份量）
「切干大根」係？
切干大根係將蘿蔔切成細絲，喺陽光下曬乾而成嘅食品。沐浴於陽光下會增加甜味，產生獨特嘅脆脆口感。一般嚟講，蘿蔔乾係會切成細絲，但亦有將蘿蔔切成粗塊狀嘅「割干大根」，更能享受嚼勁。
- 「切干大根」蘿蔔絲乾（曬乾） 15g
- 納豆 2盒
- 醬油 1湯匙
- 味醂 1湯匙
- 酒 1湯匙
蘿蔔乾納豆製作方法
- 將「切干大根」蘿蔔絲乾用水快速清洗，放入水中浸泡15分鐘左右。
- 蘿蔔乾泡水回軟，擠幹水分，切成適當大小。
＊可以用菜刀切，亦可以用鉸剪剪。 - 喺平底鍋或小鍋裡放入切干大根蘿蔔絲乾、醬油、味醂、酒，用細火加熱。為咗令調味料可以混合至全體，邊略炒邊混合。
- 炒至調味料醬汁收汁就熄火。喺碗中放入納豆、附帶嘅醬汁和黃芥末醬，然後加入炒好嘅蘿蔔乾。
- 攪拌均勻全體後即完成。
Comments