群馬縣市町村之一嘅高崎市，除咗有高崎城和榛名湖等人氣觀光景點之外，高崎美食亦非常出名。特別受歡迎嘅當地美食係各種不同款式嘅「高崎便當」之中嘅「雞肉飯便當」。因為喺全國都嘅知名度都非常高，所以呢個「雞肉飯便當」仲可以喺高崎站以外，其他縣嘅高速公路服務區（簡稱SA）、停車場購買得到。
本篇文章會為大家介紹關於雞肉飯嘅說明，以及附上食譜影片。不妨跟著食譜影片，落手整返個雞肉飯啦！
日本鄉土料理係？
鄉土料理係指活用各地區嘅當地特產，結合當地風土民情所烹煮出來，並經過長年累月於該區廣泛地傳承下來嘅當地特色料理。唔單止係日本人嘅靈魂食物，亦係日本旅行必食嘅人氣美食。
雞肉飯作為鄉土料理，廣受日本各地人士喜愛。除咗高崎雞肉飯之外，仲有岡山縣雞肉飯、愛知縣高濱雞肉飯、大分縣吉野雞肉飯等，今次會集中介紹群馬縣高崎雞肉飯。
高崎雞肉飯嘅由來
高崎名產雞肉飯係於切成薄片嘅雞肉上加入醬汁，然後放喺米飯上嘅料理。
群馬縣係日本其中一個盛產農畜產品嘅地方，雞肉亦係當地名產品之一。特別係加入縣特產桑葉和梅醋飼料培育嘅「上州土雞」，其特徵係味道鮮嫩多汁。
正因為群馬縣能夠生產出優質嘅雞肉，所以自古以來雞肉飯就非常有名，「高崎便當」嘅「雞肉飯便當」和「登利平」嘅「上州御用雞肉飯」等名物亦隨之誕生。最近，食品超市亦陸續出現令人覺得好似模仿緊人氣便當而製作出嚟嘅雞肉飯便當。
高崎雞肉飯丼食譜
跟著落嚟就會介紹製作方法，有機會不訪親手整返個高崎雞肉飯丼啦！食譜與日式雞肉叉燒相似，但呢個食譜並非使用雞脾肉，而是使用胸肉製作喔。
高崎雞肉飯丼材料（2人份量）
- 雞胸肉 300g（一片）
- 雞肉肉燥（雞肉肉燥製作方法可以參考呢篇文章）
調味醬
- 麺汁 150ml
- 醬油 20ml
- 味醂50ml
- 薑 1片
用於裝飾（可省略）
- 紫菜 一塊
- 青瓜 ½
- 赤柴漬 少量
- 澤庵漬 少量
- 綠豆 少量
高崎雞肉飯丼製作方法
- 用廚房紙將雞胸肉等水分吸乾。
- 雞肉兩面用叉插出多個小洞，以便醃漬入味及容易通火。
- 將調味醬汁嘅材料全部放入鍋裡面煮滾。
- 煮滾後放入雞胸肉。冚上鍋蓋，用中火煮約10分鐘，就翻面再煮多10分鐘。
- 熄火後直接將雞皮一面朝下放置約10分鐘。
- 拎起雞肉，切成想要嘅厚度。
（冷卻後會比較容易切） - 將切片後嘅雞肉放入調味醬汁裡煮滾。
- 喺大碗或便當盒裡放入米飯、紫菜、放上雞肉肉燥，放上#7就完成。
＊可以放入漬物等做裝飾喔。
Comments