位於日本最北端嘅北海道係櫻花開花時間最遲嘅地區。因此，就算錯過咗其他地區嘅櫻花綻放時期，都可以去北海道享受賞花與櫻花祭等活動。今次小編會為你介紹FUN! JAPAN嚴選8個北海道賞櫻名勝。當中，除咗有被櫻花包圍嘅絕佳散步景點，仲有樹齡超過100年嘅櫻花樹等，有好多私心推薦嘅賞櫻名勝喔！
1. 道央地區：札幌市 北海道神宮
北海道內首屈一指嘅能量景點「北海道神宮」。從東京搬遷到函館，最後於1871年搬到此地點建造神殿。北海道神宮裡種植了染井吉野櫻、八重櫻等約1400棵櫻花與約250棵梅花。特別係從第二鳥居到正殿嘅表參道上嘅櫻花林蔭大道非常壯觀。賞花時期亦會有屋台攤販檔，可以充分感受得到祭典嘅氛圍。
景點資訊
- 賞櫻時期：4月底～5月頭
- 交通：從地下鐵札幌站到地下鐵大通站約2分鐘，到地下鐵圓山公園站約6分鐘，落車後徒步約15分鐘
- 地址：Map
2. 道央地區：小樽市 手宮公園
「手宮公園」位於可以俯瞰小樽市內高地上，19.7公頃廣闊嘅園地種植了代表著北海道、色彩鮮豔嘅蝦夷山櫻、淡粉色嘅染井吉野櫻等約700棵櫻花。喺手宮公園可以欣賞到由各種不同粉色櫻花所交織嘅獨特美景。另外，由於公園位於高地上，因此可以眺望到湛藍大海、殘留著白雪嘅群山、綠油油嘅樹木等與粉紅櫻花同框嘅景色，色彩對比鮮明，令人目不暇給。
景點資訊
- 賞櫻時期：5月頭～～5月中
- 交通：從「小樽驛前」巴士站乘搭巴士到「手宮」約10分鐘，落車後徒步10分鐘
- 地址：Map
3. 道央地區：深川市 櫻山公園
「櫻山公園」係種植了蝦夷山櫻、千島櫻等約800棵櫻花嘅自然公園。每年櫻花盛開嘅時候都會舉辦「市民櫻花祭」，吸引眾人參加，氣氛相當熱鬧。另外，鋪上野餐墊，一邊眺望櫻花一邊享受野餐，亦係其魅力所在。園內亦有展示蒸汽火車，搭配上櫻花美景，營造出動人心弦嘅懷舊氛圍。
景點資訊
- 賞櫻時期：5月頭～5月中
- 交通：從JR深川站步行約5分鐘到「深川十字街」巴士站乘搭空知中央巴士，到「櫻山入口」約8分鐘，落車後徒步約10分鐘
- 地址：Map
4. 道央地區：新日高町 二十間道路櫻花林蔭大道
「二十間道路」係一條長達7米嘅櫻花林蔭大道。由於移植櫻花時因左右道路嘅闊度正好係二十間（約36 米）因而得名二十間道路。種植了約2000棵以上嘅櫻花，係日本屈指可數嘅櫻花林蔭大道，亦被選為「櫻花名所100選」嘅賞櫻名勝。至於所種植嘅櫻花種類有70%係蝦夷山櫻，而且過半數嘅樹齡經已超過90年。每年花開時節都會舉辦「靜內櫻花祭」，仲會見到唔少販售當地特產嘅攤檔喔。另外，可以於盛開著櫻花嘅粉紅隧道中悠閒地漫步，感受非日常嘅氛圍。
景點資訊
- 賞櫻時期5月頭～5月中
- 交通：從舊JR靜內站嘅巴士總站乘搭道南巴士到「櫻丘小學前」約20分鐘，落車徒步約20分鐘
- 地址：Map
5. 道南地區：函館市 五稜郭公園
五稜郭係明治時代江戶幕府軍與新政府軍戰爭嘅最後一個據點，亦係日本首個設計成美麗星形嘅西洋式城堡。而此城跡嘅五稜郭公園有一片廣闊土地種有約1500棵櫻花。春天櫻花盛開時，夜晚會有燈飾點綴，打造成夢幻美麗嘅場景（2022年取消）。另外，如果想俯瞰五稜郭櫻花盛開嘅全景，推薦前往鄰近嘅五稜郭塔，係一個連函館市區、津輕海峽都可以眺望得到嘅絕景景點。
景點資訊
- 賞櫻時期：4月底～5月頭
- 交通：從市電站（路面電車）「函館驛前」乘搭市電約16分鐘，於「五稜郭公園前」市電站落車，徒步約15分鐘
- 地址：Map
6. 道南地區：森町 青葉丘公園
1914年開園嘅「青葉丘公園」仍保留部分於開幕當初栽種、樹齡超過百年嘅染井吉野櫻，春天可以欣賞到約1000棵櫻花樹盛開嘅美景，非常壯觀。另外，亦有種植森小町、青葉枝垂等森町固有兼屬稀有品種嘅櫻花。而且，從1950年開始每年5月都會舉辦「森町櫻花祭」，晚上會亮燈。另外，有攤檔販售用羊肉烤製而成嘅成吉思汗烤肉，可以喺度體驗邊賞花邊嘆成吉思汗烤肉，相當寫意。
景點資訊
- 賞櫻時期：5月頭～5月中
- 交通：從JR函館站到JR森站約50分鐘（特急列車），落車後徒步10分鐘
- 地址：Map
7. 道東地區：大空町 東藻琴芝櫻公園
「東藻琴芝櫻公園」位於面積廣達10公頃嘅山坡上。可以喺度欣賞到由粉色、紅色、白色交織而成嘅一大片夢幻花海。芝櫻花季時仲會舉辦「芝櫻祭」，吸引大量人潮，相當熱鬧。另外，雖然一般芝櫻嘅花瓣數量為5瓣，但呢度間中都會出現4、6、7瓣等花瓣數量嘅幸運芝櫻喔。不妨喺園內邊散步邊尋找幸運芝櫻啦！
景點資訊
- 賞櫻時期：5月中～6月頭
- 交通：從綱走站嘅巴士中心乘搭巴士到「東藻琴」巴士站約35分鐘，落車後搭5至6分鐘的士
- 地址：Map
8. 道東地區：別海町 野付的千島櫻
「野付的千島櫻」係於1906年左右被當時一位小學生移植到野付小學裡面嘅櫻花樹。估計樹齡超過100年，被定為別海町嘅天然紀念物。櫻花於5月盛開時，白色與淡粉紅色嘅花卉為四周橫向生長嘅茁壯樹枝增添豐富色彩。櫻花樹處於海峽嘅嚴寒與強風中不斷成長，所以其高度會比一般櫻花樹矮，喺度賞櫻嘅話就唔使抬起頭仰望，別有一番風味。另外，因為櫻花位於小學範圍內，所以建議揀小朋友唔喺學校嘅時候前往欣賞喔。
景點資訊
- 賞櫻時期：5月頭～5月中
- 交通：從根室中標津機場乘搭「中標津機場線」巴士到「別海町交流館Purato」巴士站約40分鐘，轉乘「尾岱沼線」到「小學校」巴士站約55分鐘，落車後徒步1分鐘
- 地址：Map
Comments