日本47個都道府縣每個地區都有不同特色，無論係街道建築、歷史文化、傳統工藝、美食等等都各具特色。日本居民根據成長地區嘅文化、風俗民情等等發展出獨特嘅當地人民性格， 日文稱之為「縣民性」。FUN! JAPAN編輯部推出【日本47都道府縣特輯】系列，介紹每個都道府縣不為人知嘅另一面，而今次要介紹嘅就係位於本州中央內陸地區嘅長野縣。即刻去睇睇擁有善光寺、國寶松本城、著名冬季景點地獄谷野猿公苑雪猴，以及滑雪觀光名勝白馬村嘅長野縣，有咩不為人知嘅一面啦！
擁有多款生產量為日本第一嘅蔬菜水果&當地名產！好多縣民都非常鍾意蔬菜嘅健康縣
實際上，位於中部地區嘅長野縣，其市民平均壽命為日本第一，長壽縣呢個稱謂可以話係當之無愧。從每5年一度嘅都道府縣平均壽命排行榜嘅資料顯示，於2010年中男性和女性嘅榜上，長野縣都居高第1名，而2015年女性榜中獲得全國第1名，而男性榜更喺2015年後一直保持著全國第2名。2022年嘅排行榜資料顯示，女性排名為全國第4（88.23歲），男性排名為第2（82.68歲），於47個都道府縣中保持著前列排名。
長野縣市民平均壽命長嘅關鍵，在於健康嘅飲食生活！Kagome於2018年進行一項有關「每日蔬菜平均攝取量」嘅調查，根據其排行榜資料顯示，長野縣居高第一，呢個係證明長野縣民擁有健康飲食生活嘅最佳證據。其實從長野縣名產上，亦會見到唔少健康飲食嘅蛛絲馬跡，譬如野澤菜、蕎麥麵、御燒餅（將小麥粉、蕎麥粉等用水溶解後攪拌，用薄薄嘅皮包上紅豆、經調味嘅蔬菜和山菜，就好似燒烤過嘅饅頭一樣）、蘋果、生芥末等，明顯地有好多蔬菜和水果類名產。
除咗生菜、加工蕃茄、金針菇、鴻喜菇等蔬菜產量為日本第一之外，寒天、味噌、康乃馨、土耳其桔梗等出貨量亦係日本第一。
有咁多新鮮美味嘅蔬菜和食品，縣民又咁鍾意蔬菜水果，難怪長野縣會成為全國屈指可數嘅長壽縣。
縣民對長野嘅愛無止境！蘋果&北阿爾卑斯群山嘅驕傲！
長野縣民以一本正經嘅性格、熱愛故鄉而聞名。根據長野縣實施嘅問卷調查（2015年），竟然有8成縣民識得唱縣歌「信濃之國」！實際上，唔單止有發售唱片，連學校上堂，卡拉OK或縣民聚會上亦會經常高唱縣歌。縣民亦只會食長野產嘅蘋果，唔會食青森產添。
另外，長野縣位於本州中央高地上，係一個無海嘅內陸縣，約8成面積係高山與盆地，更擁有八岳、上高地、御嶽山、槍岳等名峰。縣民嘅中學生時代通常都會有2日1夜左右嘅登山活動。可能係因為細細個就開始進行有關山峰嘅英才教育，縣民只要望見北阿爾卑斯山，就可以大致掌握得到自己身處嘅位置與方向......就如上述所講，長野縣民熱愛本地產食品、群山與大自然。
順帶一提，每年舉辦嘅「想移居嘅日本都道府縣排行榜」中，長野縣自平成18年（2006年）以來，一直位居榜首。擁有豐富大自然和四季美景、美味水源、大量當地食材，可謂魅力滿載！無論係嚟自國內外嘅移居者或遊客，都對長野縣評價非常高，亦係當地人嘅驕傲。
「竟然喺麥茶入面加砂糖！蔬菜唔放雪櫃係放入雪中保存！？」長野大雪地帶嘅獨特習慣大解構！
長野縣位於全國屈指可數嘅「豪雪地帶」，自古以來就以滑雪旅遊而聞名。以下落嚟，會介紹唯有多雪地域先至有嘅習慣，以及利用雪所誕生嘅名產！
飲用微香少甜嘅加糖麥茶溫暖身體
麥茶擁有大麥香氣，飲落清涼，係夏天人氣嘅無咖啡因飲品。一般情况，大部分人都係直接飲用，但係位於東北地區嘅富山、新瀉，以及山梨等，冬天寒冷嘅豪雪地區，就有喺熱麥茶中加入砂糖飲用嘅習慣，亦有唔少長野縣民會喺冬天飲用加糖熱麥茶。加入砂糖後嘅麥茶，飲落香氣更加突出，味道就好飲緊加入砂糖嘅紅茶一樣，帶些少甜味，非常好飲，如果有機會嘅話一定要試一試！
利用豪雪去孕育雪地紅蘿蔔&越冬蔬菜等隱藏名物！
長野嘅超市等蔬菜賣場，經常有賣寫上「雪之下〇〇」等詞彙嘅「越冬蔬菜（雪中蔬菜）」。
長野縣擁有以滑雪旅遊聞名嘅白馬、野澤溫泉、以雪洞之里聞名嘅飯山市等多個「豪雪地帶」，自古以來，將蔬菜「埋入雪地」呢個做法，已成為其保存方法之一。
當中，最具代表性嘅就係位於豪雪地帶嘅飯山，利用雪去保存嘅雪地紅蘿蔔。將秋天該收成嘅紅蘿蔔埋喺雪地下，並不使用農藥，越冬約6個月，待積雪融化後收成。紅蘿蔔經過儲藏於雪地中嘅階段，去除其獨特嘅苦澀生味，成為超級甜且充分礦物質成份嘅紅蘿蔔。由於產量極少，係一款鮮有人知，惟有豪雪區域飯山先至有嘅特產。
因為「越冬蔬菜」收成後唔耐放，所以一般只會出現喺當地嘅超市、直銷點等店舖。如果有機會去長野嘅話，就一定要買嚟試一試！
日本47都道府縣特輯其他文章：
- 【日本47都道府縣特輯：青森篇】青森縣民忍耐力强兼特別好甜食！全國數一數二積雪量之地所創造的縣民性係？
- 【日本47都道府縣特輯：山梨篇】原來全日本最鍾意食壽司嘅係山梨縣民！？
- 【日本47都道府縣特輯：石川篇】石川縣皮膚好嘅女性人數係日本榜首？究竟「美肌第一縣」嘅秘密係…？
- 【日本47都道府縣特輯：神奈川篇】逃離東京、移居神奈川嘅日本人正激增中！？
- 【日本47都道府縣特輯 Vol.1】 北海道不存在「小強」！？盤點日本全國城市傳聞 ～北海道篇～
- 【日本47都道府縣特輯 Vol.2】 沖繩人遲到係家常便飯！？盤點日本全國城市傳聞 ～沖繩篇～
- 【日本47都道府縣特輯 Vol.3】 千祈唔好輕易相信京都人嘅稱讚說話！？盤點日本全國城市傳聞 ～京都篇～
- 【日本47都道府縣特輯 Vol.3】 大阪每個家庭都有一部章魚燒機是常識吧！盤點日本全國城市傳聞 ～大阪篇～
- 【日本47都道府縣特輯 Vol.5】 邊個話奈良只得鹿！盤點日本全國城市傳聞 ～奈良篇～
- 【日本47都道府縣特輯 Vol.6】福岡縣點解特別多靚仔靚女！？盤點日本全國城市傳聞 ～福岡篇～
- 【日本47都道府縣特輯 Vol.7】買地就送森林 ！？盤點日本全國城市傳聞 ～佐賀篇～
- 日本47都道府縣特輯 Vol.8 鹿兒島篇「鹿兒島縣的〇〇好厲害！」
- 日本47都道府縣特輯VOL.9 「千葉縣民以縣嘅〇〇為榮，無得輸！」
- 日本47都道府縣特輯Vol.10 「愛知嘅○○好厲害！」
- 日本47都道府縣特輯VOL.11 栃木篇「栃木縣嘅○○好厲害！」
- 日本47都道府縣特輯VOL.12 兵庫篇「與其話係縣民特質、倒不如話係為市民特質？兵庫縣縣民人人都憧憬神戶市？」
- 日本47都道府縣特輯Vol.13 熊本篇「熊本縣的○○很厲害！」
- 日本47都道府縣特輯Vol.14 長崎篇「長崎的○○很厲害！」
- 日本47都道府縣特輯Vol.15 群馬篇「群馬嘅〇〇好厲害！」
- 日本47都道府縣特輯Vol.16 埼玉唔老土嘅「埼玉都(?)民」傲氣
Comments