「瀨戶內島波海道」被稱為「單車愛好者嘅聖地」，係全球知名嘅單車路線。呢條單車路線嘅起點位於廣島縣尾道，而多個島嶼嘅絕美海景與平穩氣候，亦係吸引全球單車愛好者嘅魅力之處。今次，小編會為各位車友們介紹一間位於尾道地區嘅人氣住宿設施！即刻跟著小編腳步，帶大家去睇睇呢間可以帶著單車一同入住嘅超夢幻酒店有幾吸引啦！
提供與時並進複合型服務嘅全新風格酒店「HOTEL BEACON ONOMICHI」
「HOTEL BEACON ONOMICHI」係將JR尾道站嘅2樓樓層進行全面改裝後所誕生嘅住宿設施，係一間可以攜帶單車一同入住嘅酒店。於2022年7月新開幕，加上與JR尾道站互相連結，非常方便。除咗住宿之外，呢間酒店仲有提供共享工作間、獨立桑拿等，適合現時社會氛圍嘅複合型服務！而且，從展望台上可以飽覽尾道水道、浮現於你眼前嘅向島等尾道特有嘅風景喔！
配合旅行所需，提供不同概念嘅客房類型
「HOTEL BEACON ONOMICHI」內有16間客房，除咗有附設家庭影院嘅套房「SUITE ROOM」、最適合單車之旅嘅客房「CYCLE ROOM」，仲有附設廚房嘅客房「BUNK BED ROOM」等，6種客房類型任君選擇。可以根據個人需求與喜好，自由挑選心儀客房！今次小編會介紹當中嘅4種客房類型喔！
「CYCLE ROOM」(雙床房CYCLE TWIN・角落雙床房CORNER CYCLE TWIN)
客房內設有公路單車專用車架，係可以安心將愛車一同帶入房間嘅客房類型。而且，角落雙床房「CORNER CYCLE TWIN」更加係一間採用兩面採光兼大窗戶設計嘅客房，可以盡情欣賞尾道站嘅路線風景。另外，亦有使用屬於原來嘅尾道站之磚塊，作為房間室內裝飾嘅其中一部分。等你可以同時享受尾道昔今同框嘅氛圍，亦係其魅力所在。
而且，客房更設有80英吋大嘅影院設備，可以瞓住咁睇電影或電視劇，享受一個奢侈好時光。
充分享受日本特色的榻榻米房型「BEACON SUITE」
呢個客房類型係充滿日式風格嘅榻榻米客房，亦可享受和式摩登氛圍。特別係置身於寬敞嘅套房中，房間入面設有「120英吋嘅大屏幕影院設備」，係一間可以盡情欣賞電影等影片，避開「密集」環境，令你無需擔心四周情況，可以盡情暢談嘅客房。
附設廚房的BUNK BED ROOM
附設私人廚房嘅客房類型。因為睡床為雙層床設計，所以最啱帶小朋友入住或團體旅行人士前往住宿。
廚房裡面有雪櫃與餐具，可以喺度玩煮飯仔之餘，又可以將買返嚟嘅食物先上碟再享用，悠閒地於專屬於自己與旅伴們嘅美好空間內大嘆特嘆美食。可以喺度體會一個屬於自己與旅伴們嘅私人時間，享受與過往不同嘅旅遊方式！
講究嘅客房備品亦相當吸睛
「HOTEL BEACON ONOMICHI」嘅客房備品亦成為吸睛焦點。所有客房都放著日本牌子「BALMUDA」嘅電子水壺、膠囊咖啡機、今治毛巾、原創家居服等客房備品。
浴室裡擺放著瀨戶內檸檬味嘅洗頭水！呢一點正正就係廣島獨有嘅講究之處。另外，卸妝水、化妝水、牙刷、梳、男士用護膚品等客房備品亦擺放喺櫃檯旁邊，任你從中挑選所需備品。
超先進！非接觸型服務體驗
「HOTEL BEACON ONOMICHI」嘅入住與退房手續，都可以透過機器完成所有相關程序。除咗日文之外，亦有提供英文、中文等外語對應。
另外，寄存行李嘅時候，亦無需拎「真」鎖匙，只需使用個人交通IC卡或信用卡，喺進行上鎖時，於機器上輕觸拍卡即可鎖上，解鎖時使用同一張卡再次拍卡，便可解鎖。
提供豐富多彩嘅創作餐單「Café restaurant＆Bar舷GEN」
極通風兼開放感十足嘅「Café restaurant＆Bar舷GEN」係一間從早到晚全日營業嘅餐廳。
早餐係將美食塞到滿一滿嘅「Box (盒裝) 形式」，可以享受得到使用大量尾道產蔬菜與水果嘅「原創沙冰」、「自家製法式鹹批」等對身體有益嘅早餐食物。至於午後時段嘅Café Time (咖啡及糕點時間)，可以品嚐得到使用當季食材製作嘅甜品，以及講究嘅飲品等，等大家可以喺度嘆返個悠閒美好時光。
午餐、晚餐皆可品嚐得到瀨戶內海捕獲嘅魚貝類等料理。提供海鮮、縣產品牌牛等豐富多彩嘅創作餐單。就算非住宿人士，亦可以喺度用餐喔。有機會一定要嚟呢度試一試尾道特有嘅豐富美食。
酒店資訊
- 酒店名稱：HOTEL BEACON ONOMICHI
- 地址：廣島縣尾道市東御所町1-1（尾道站2樓）
- 交通方式：
- JR尾道站直結
- 從廣島機場自駕前往，需時約50分鐘
Comments