【日本廣島】尾道福山自由行：島波海道周邊景點與美食推薦，探訪吉卜力動畫波兒的舞台

從單車聖地「島波海道」嘅起點廣島縣「尾道市」 一路玩到「福山市」！

日本著名嘅「島波海道」係一條可以欣賞到瀨戶內海島嶼與島嶼之間明媚風光嘅單車道，從日本本州嘅廣島縣尾道市連結至四國嘅愛媛縣今治市，深受國際車友們喜愛。

而廣島縣尾道市與鄰近嘅福山市，由於地理位置優越，除咗踩單車之外，亦成為大家住宿與旅遊嘅據點。今次FUN! JAPAN編輯部特別嚴選出尾道與福山絕對值得朝聖嘅景點、住宿、必嘆美食等資訊，分享畀大家！

尾道市地區

【美食】生蠔左右衛門（かき左右衛門）：生蠔三食、名產鯛魚

瀨戶內海生產豐富嘅魚類海鮮，「生蠔左右衛門（かき左右衛門）」正正就係瀨戶內海牡蠣（蠔）專門料理店，所有蠔從尺寸大小、新鮮度飽滿度、味道都經過精挑細選，料理方式與菜色亦相當多元化，從最基本嘅生食、炸蠔、到特色風味焗蠔等，唔單止可以品嚐得到各種不同口感與風味，更可以感受到香甜多汁嘅新鮮蠔！

「生蠔左右衛門」仲有另一款特色名物，就係鯛魚料理啦。鯛魚刺身肉質透亮，口感鮮嫩彈牙，鯛魚泡飯更加係瀨戶內海一帶必嘆美食。

白天踩完單車觀光結束之後，夜晚記得去尾道「生蠔左右衛門」大食特食，補充體力喔！

店舗情報

• 店鋪名稱：生蠔左右衛門（かき左右衛門）
• 地址：廣島縣尾道市土堂2-9-20
• 營業時間：午餐11:30～13:30、晚餐17:30～22:00（L.O. 21:30）、週日17:00～20:30（L.O. 20:00）
• 定休日：每週二（如遇假日則順延）
• 交通方式：JR尾道站徒步約15分鐘

福山站周邊

【景點】福山城公園

「福山城」又稱為福山城博物館，位於JR福山站旁邊，路程約5分鐘即可抵達。福山城作為江戶時代西國鎮衛嘅據點，於西元1622年完工，現時主要嘅觀光重點有五重天守閣、本丸、二之丸嘅城門、箭樓等。白天與傍晚有著不一樣嘅氛圍，夜晚仲會進行點燈喔！

施設情報

• 設施名稱：福山城博物館
• 地址：廣島縣福山市丸之内1-8
• 開館時間：9:00～17:00
• 定休日：每週一（如遇假日則順延）、年末（12月28日～12月31日）
• 交通方式：JR福山站北口，徒步約５分鐘

福山市鞆之浦地區

「鞆之浦（鞆の浦）」位於福山車站南方瀨戶內海沿岸上，係一個昔日因海潮而熱鬧繁華嘅港町。

瀨戶內海以海象平穩著名，去到「鞆之浦」可以欣賞到仙醉島與弁天島漂浮於海上嘅美景。呢度亦保留著多個古老日式民家建築，吉卜力工作室動畫《崖上的波兒》亦係以呢個寧靜純樸嘅小港町作為故事舞台喔！

【住宿】酒店鷗風亭：邊浸溫泉邊睇港灣海景

「酒店鷗風亭」係一間座落於海港邊嘅溫泉旅館，從一樓接待大廳到客房、大眾溫泉池都可以眺望得到瀨戶內嘅明媚風光，以及保留著自江戶時代歷史風情嘅街道。

附有露天溫泉嘅和洋式客房、標準和式客房、洋式雙床房，甚至可以270度欣賞到海景、附觀景浴缸嘅超豪華甜蜜套房等，整潔亮麗，令人超級想入住喔！

「酒店鷗風亭」嘅鞆之浦溫泉係日本少有富含大量鐳元素嘅單純弱放射能溫泉，對於緩解疲勞、加強新陳代謝、舒緩關節炎、神經痛等都有唔錯嘅效果。重點係可以一邊浸溫泉一邊欣賞美麗海景，真係人生一大享受！

酒店資訊

• 酒店名稱：酒店鷗風亭
• 地址：廣島縣福山市鞆町鞆136
• 交通方式：JR福山站南口乘搭鷗風亭免費接駁車（運行時間表請參考官網）或乘搭鞆鐵巴士喺鞆之浦站落車，徒步4分鐘

【美食】千歲（千とせ）：當地活魚料理，必食名產鯛魚飯

鞆之浦自古以來就以鯛魚而聞名，當地延續380多年嘅「鯛網」捕漁法，被福山市指定為無形民俗文化財，由此可見昔日嘅鞆浦地區，捕獲鯛魚此舉確實相當盛行。

「千歲（千とせ）」係當地極具人氣嘅活魚料理、鯛魚飯專門店，仲可以喺度眺望得到仙醉島與弁天島。

餐單以鯛魚為主，包括鯛魚飯、茶泡飯、鹽烤鯛魚、炸鯛魚、燉煮鯛魚、鯛魚刺身等，肉質彈牙，食落完全無腥味，調味簡單反而更能帶出鯛魚本身嘅鮮甜風味。特別推薦「瀨戶內會席套餐（せとうち会席）」，喺度可以享受到多款鯛魚嘅食法，簡直係鯛魚美食嘅天堂！

店鋪情報

• 店鋪名稱：千歲（千とせ）
• 地址：廣島縣福山市鞆町鞆552-7
• 營業時間：午餐11:30～15:00（LO 14:30）、晚餐18:00～21:00（LO 20:30）
• 定休日：每週二（如遇假日則延至週四）
• 交通方式：JR福山站南口乘搭鞆鐵巴士至鞆之浦站，徒步約3分鐘

【美食】汐之音（汐ノ音）：海港小鎮必去打卡景點 鞆之浦大福特色甜點

鞆之浦有著美麗嘅瀨戶內港町海岸線與懷舊民家石板路，嚟到呢度都會忍唔住放慢腳步享受悠閒時光。「汐之音（汐ノ音）」正正係一間將以上元素互相結合，推出惟有鞆之浦先至食得到嘅大福專門店。

店內嘅大福使用瀨戶內海嘅微鹹角鹽，增添豆沙內餡與奶油忌廉嘅甜味。

鞆之浦大福「海」非常特別，除咗角鹽之外，仲會使用廣島產檸檬與愛媛縣產嘅柑橘，因此帶有清爽香氣，最過癮嘅係外皮竟然灑著超懷舊嘅爆炸糖，令人食得特別開心，腦海中不禁一閃而過波兒唱歌跳舞嘅畫面！

其他必點人氣商品包括限量嘅「鞆之水滴（鞆の雫）」，以波兒嘅藍色氣泡為概念，透亮水感嘅水餅（類似啫喱）搭配上黃豆粉及黑糖一齊享用。

「鞆蘇打雪糕汽水（鞆ソーダフロート）」亦相當受歡迎，非常有海洋度假風，好食好飲又超好影！

店舗情報

• 店鋪名稱：汐之音 鞆浦大福（汐ノ音 鞆の浦大福）
• 地址：廣島縣福山市鞆浦鞆869-1
• 營業時間：平日11:30～17:00、週末及公眾假期10:00～18:00
• 交通方式：從常夜燈徒步約1分鐘

位於瀨戶內海地區嘅廣島縣福山市與尾道市，風景優美之餘，仲可以嘆盡各種海鮮美食，步調亦比其他大城市悠閒緩慢些少，非常適合想要享受慢節奏旅遊嘅朋友。睇完今次介紹之後，係咪好想即刻出發去趟瀨戶內海旅行呢？記得將福山市與尾道市列入行程喔！