有啲酒放得愈耐愈有陳香，而有啲酒最佳嘅賞味期限一瞬即逝。日本有品嘗當季食材嘅飲食文化，而呢種觀念，同樣可以應用喺日本清酒文化之上。每踏入冬天，酒廠就會迎接佢哋一年入面最繁忙嘅時期。
喺選購日本清酒嘅時候，好多人除咗會根據釀酒廠、產地、酒米品種、精米步合、香氣同口味類型嚟揀之外，唔少人仲會鎖定每年嘅「新酒」。人氣釀酒廠嘅新酒，甚至會喺開賣前就已經有好多人搶住預購。咁究竟新酒到底有咩咁大嘅魅力呢？
★嚴禁酒駕
★未成年禁止飲酒
新酒嘅定義
喺進入「新酒」嘅話題之前，一定要先了解一下釀造清酒嘅過程。釀酒嘅周期係由7月1日到下一年嘅6月30日為止嚟計算，日文稱為「酒造年度」。一般嚟講，7月至10月係酒米嘅生長期，收割完嘅酒米會喺11月進入選米同精米嘅階段，為接住落嚟嘅釀酒步驟做準備。12月至下一年嘅3月由於氣溫夠低，酵母可以維持喺相對穩定嘅狀態，因此呢個時期最啱用嚟釀酒，而釀好嘅酒跟住落嚟會準備流通到市面上販賣。到咗5、6月釀酒廠又會再次插秧，栽培下個酒造年度嘅酒米，咁樣就為之釀酒製程嘅一個循環喇！
講返轉頭，咁到底要符合咩條件，日本清酒先可以稱得上為新酒呢？其實新酒嘅定義眾說紛紜，一般最普遍嘅說法係喺同一個酒造年度內，使用秋季收穫嘅酒米喺冬季進行釀造，並於春天出貨嘅酒，就可以稱為新酒。
新酒嘅魅力
期間限定嘅新鮮美味
經過熟成後嘅日本酒，其酸味、甜味同苦味會融合為一體，而口感亦會變得更圓滑、更有深度、層次更豐富。相較於熟成酒，新酒雖然多咗一份新鮮嘅香氣，但亦因為容易受到空氣、溫度、紫外線同儲存方式等外在因素嘅影響而改變口感，因此佢嘅「新鮮感」絕對係期間限定、一眨眼就過！如果可以嘅話，建議開封後一定要盡早飲用喇。
同當季食材同季節料理味道最夾
唔同種類嘅日本酒，有唔同嘅建議飲用方式。強調新鮮口感嘅新酒，最適合就係雪凍嚟飲。啱啱釀好嘅新酒，有一種酵母喺舌尖跳躍嘅奇妙感覺，值得細細品嘗。而新酒嘅販賣時期，大約會係冬天同春天。用佢嚟配搭當季嘅魚生、春季時蔬等食材味道超夾，愈簡單嘅料理，就愈可以突出新酒嘅美味，呢樣亦係新酒獨有嘅特色。
新酒嘅象徵：杉玉
您有無喺酒藏見過圓碌碌嘅「杉玉（すぎだま）」呢？杉玉又名為「酒林（さかばやし）」，係一種用杉樹葉綑成嘅球體。事實上，杉玉同新酒可以話係息息相關。當酒藏吊掛起鮮綠色嘅杉玉，就代表新酒啱啱釀好喇！而隨住時間流逝，杉玉會逐漸變為啡色，過咗一年之後，又會掛上新嘅杉玉，周而復始。近來唔止釀酒廠，就連一啲賣酒嘅商店都會掛起杉玉。除咗用嚟通知大家新酒上市之外，大家亦都可以藉此嚟判斷酒嘅熟成度。時至今日，杉玉可以話係代表住酒藏嘅標誌。
泉橋酒造獨家限定新酒 預購發售中
大部分賞味期限有限嘅新酒，只可以喺日本國內販賣同品嘗，如果海外嘅遊客想一嘗新酒嘅美味，就只可以配合釀酒時期嚟日本旅行先有機會飲得到。
不過FUN! JAPAN嘅讀者有福喇！泉橋酒造嘅獨家限定純米大吟釀新酒，而家喺FUN! JAPAN都可以預購！
泉橋酒造唔單止有釀酒，更自家栽種釀酒用嘅酒米，從原料開始品質把關！「米×酒」係由泉橋酒造同NTT docomo所共同推出嘅特別企劃，今次嘅純米大吟釀使用咗神奈川縣產山田錦酒米，並以嚟自丹澤大山山系嘅伏流水嚟釀造，加埋獨家設計嘅酒標，夠哂有特色！
而家預購嘅話仲會附送一本原創相集，完整收錄半年嚟酒米稻田嘅風光，讓您從酒米嘅生長過程中，體會嚟自釀酒人嘅講究同心意。數量有限，賣完就無，千祈唔好錯過！
商品內容【2023年3月寄送】
・獨家限定日本酒 720ml 1本
【類型】純米大吟釀
【用米】山田錦
【精米步合】48%
【日本酒度】+2
【酒精濃度】16%
【適飲溫度】5~15度
・相片集 1本
【規格】145mm x 145mm／24頁
Comments