日本戰國時期群雄四起，織田信長等戰國武將們，大家都為同一目標「奪得天下」而奔走開戰，經過120幾年嘅戰亂紛擾，最終由「德川家康」統一天下，成為江戶幕府第一任征夷大將軍，開創近270年嘅江戶盛世。2023年嘅NHK大河劇《怎麼辦家康》（《どうする家康》暫譯），再次選擇呢位曾掌握天下政權嘅人物作為主角。今次就等我哋去認識一下，呢位偉大人物嘅出生地「岡崎城」吧。
征夷大將軍嘅出生地
位於愛知縣岡崎市嘅岡崎城建於15世紀，估計係於1452年〜1455年之間所建造，最早嘅築城者係「西郷頼嗣（稠頼）」。由於選擇喺被稱為「龍頭山」嘅丘陵地上建城，因此岡崎城又擁有別名「龍城」之稱。其後，於1531年由德川家康嘅祖父「松平清康」重新擴建整備，11年後嘅1542年，德川家康便於呢座城池出世。
雖然誕生於此，但德川家康6歲開始相繼被送到織田家（織田信秀）、今川家（今川義元）作為人質，早早離開故鄉。直到1560年，桶狹間之戰一役「今川義元」落敗，德川家康脫離今川家重返岡崎，以岡崎城為據點，統一三河國（現愛知縣東部），為日後一統天下立下基礎。
三河武士嘅堡壘
1570年，德川家康將據點轉移至遠江國（現靜岡縣濱松），但仍然相當重視岡崎城，先任命長子德川信康（松平信康）接任城主一職。1579年信康離世後，讓心腹重臣相繼掌管此處。忠臣們多數係與德川家康一樣，為三河出身，例如名將「石川數正」。岡崎城附近亦聚集多位三河武士（又被稱為「三河眾」），並以岡崎城為據點，對德川家康極為忠誠，為江戶幕府嘅成立鞠躬盡瘁。
1590年，呢座象徵德川家康權勢嘅三河武士城堡一度被豐臣秀吉勢力所佔據，豐臣秀吉家臣「田中吉政」成為城主，以掌控岡崎城壓制德川勢力為目的。同時，田中吉政亦重新整備岡崎城，再度擴建整修城牆範圍，改造城下町。
後來德川家康統一天下，岡崎城再度重返德川旗下，並因其為德川家康誕生地而極受重視，甚至被稱為「神君出生之城」，日後皆由德川嘅親信大名擔任城主。
江戶之後嘅新面貌
與其他日本城郭一樣，經歷明治時代嘅廢城令，岡崎城昔日嘅建築物早已拆毀，僅殘留些少石垣、護城河痕跡。當地居民無法忍受岡崎城天守已不復再，於是喺大家強烈懇求之下，於1959年仿造過去設計，重建岡崎城天守閣。
岡崎城被選為日本100名城之一，城堡附近嘅岡崎公園名列日本櫻花名所100選之一。春季粉嫩櫻花搭配白壁黑瓦天守閣，鋼鐵浪漫，彷似講述出三河武士們一生忠誠嘅武士浪漫。
現時包括岡崎城、昔日嘅二之丸與本丸區域，共同被規劃成「岡崎公園」。園區內除咗有石垣、護城河跡，亦保留多個與德川家康相關事物。例如，據聞係德川家康誕生時，初次沐浴時打水嘅水井，仲有幾座雕像與「三河武士館 家康館」（三河武士のやかた家康館），係認識呢位曾掌握天下政權偉人嘅好地方。
岡崎城亦有武將隊「GREAT家康公『葵』武將隊」，除咗喺星期六、日、假日有特別武藝表演之外，平日都會喺岡崎公園內出沒遊走。如果有幸遇上，記得要上前打聲招呼喔。
景點資訊
- 名稱：岡崎城・岡崎公園
- 地址：愛知縣岡崎市康生町561
- 利用時間：
【岡崎城・三河武士館 家康館】9:00～17:00（最後入場時間為16:30） - 費用：
【岡崎城】成人 300日圓、5歲以上 150日圓
【三河武士館 家康館】成人360日圓、5歲以上200日圓
※三河武士館 家康館費用修訂中，最新資訊請到官方網站查閱 - 定休日：12月29日～12月31日
- 交通方式：從名鐵「東岡崎站」東口徒步約15分鐘
Comments