「唐吉訶德」（香港稱為「DON DON DONKI」，下文簡稱為「DONKI」），係日本最大規模嘅綜合折扣店。 喺香港亦設有海外分店，相信有唔少讀者們都係常客吧？
「DONKI」遍佈全日本，當中，從JR澀谷站徒步5分鐘即可抵達嘅「MEGA唐吉訶德澀谷本店」，更加係24小時營業嘅購物天堂。本篇文章，除咗會為你介紹有關「MEGA唐吉訶德澀谷本店」嘅魅力之外，仲會送上全日本「DONKI」都可以使用嘅85折優惠券，大大力咁支持你嘅日本之旅！
※店鋪內部裝修、商品、銷售價格等，皆為採訪時嘅資訊。
東京「MEGA唐吉訶德澀谷本店」有咩商品？
今次，FUN! JAPAN編輯部會去直擊「DONKI」旗艦店——位於東京嘅「MEGA唐吉訶德澀谷本店」，為大家作詳細報導。呢間店舖由地庫1樓（B1）至地上7樓（7/F），所銷售嘅商品竟然有成8萬件！當中，遊客滿心期待嘅商品更加係塞到滿一滿喔。
【B1】食品、麵包、調味料、酒、飲料、冷凍食品、蔬果等
地庫1樓有飯糰、便當、冷凍食品、速食食品、飲品等……眼前所見美食商品非常豐富。無論係半夜肚餓、喺澀谷購物完，覺得攰攰地想搵款可以慰勞自己嘅食品、抑或係想買第2日嘅早餐等各種情况，都可以去呢間「MEGA唐吉訶德澀谷本店」行個圈，滿足你當下嘅需求喔。
喺賣酒場，可以搵到清酒、啤酒、水果酒、威士忌、白蘭地等，約3,000種類嘅酒類商品。當然，亦有販售多款飲酒時嘅最佳搭檔「下酒菜」喔。
【1F】Party關連商品、彩色隱形眼鏡、服務櫃檯等
1樓入口處，擺放著因應唔同季節而更替嘅相關Party商品，令人印象零舍深刻。根據唔同時期商品亦會有所不同，所以無論去幾多次，都極具新鮮感。
【2F】零食點心、雪榚、寵物用品、日用品等
Pocky、KitKat、明治牛奶朱古力、一蘭拉麵等，你將會爆買嘅候選商品皆聚集喺2樓！另外，護膚品等日用品亦相當豐富。要注意唔好買太多，以免拎唔晒返香港喔！
【3F】化妝品、醫藥品、美容品、體育用品、日用品、免稅櫃檯等
至於3樓最引人注目嘅商品，就係滿載 「最新」、「具話題性」、「流行」嘅化妝品。除咗有大型化妝品品牌嘅商品，仲有多款女士們愛用嘅熱門商品。只要喺度行個圈，就可以知道關於日本化妝品嘅所有資訊。你嘅購物清單上嘅醫藥品、健康、美容等商品絕對都可以喺度搵到。
【4F】名牌、手錶、服裝（男士女士）等
無論係全新，抑或係二手嘅高級名牌手袋、銀包、手錶等都被排列於櫥窗裡面，例如有Gucci、Prada、ROLEX……。另外，亦有一系列「獺祭」等高級日本酒。現時處於日圓持續貶值嘅趨勢下，就可以用比以往更抵嘅價錢，入手你所憧憬嘅豪華品牌商品啦。
【5F】廚房用品、烹調用具、清潔用品、洗衣用品、浴室用品、玩具等
5樓會見到多款令生活更舒適、方便打掃、烹飪等各種用品與器具。無論邊款商品，都係值得入手嘅家居用品喔。如果鍾意動畫嘅話，記得去睇埋同層嘅Sanrio、Pokémon等相關商品啦。
【6F】電器、美容家電、智能手機配件、室內裝飾、寢具、文具等
喺6樓，除咗會見到多款可以消除平日疲勞嘅小型家電、適合作為禮物嘅美容家電之外，仲可以搵到唔少可以喺旅行中大派用場嘅智能手機相關商品。當你唔記得帶充電器、轉插等用品時，呢邊嘅商品簡直就好似救世主一樣嘅存在喔。
【7F】日本特產、行李箱、手袋、扭蛋樂園、免稅櫃檯等
最頂層可以搵到大量好啱帶返香港，兼充滿日本回憶嘅手信區域。除咗有經典嘅零食點心、朱古力等零食之外，仲有象徵著澀谷嘅「忠犬八公」、「DONKI」嘅吉祥物「Donpen」與「Donko」相關嘅商品。
同層仲設有挾公仔機、80部扭蛋機。另外，注意免稅櫃檯係位於3樓和7樓喔。
DONKI購物嘅著數慳錢招數①：原創品牌「情熱價格」CP值超高！
店內隨處可見配上「DONKI」日文片假名嘅第一個字「ド」嘅商品，包括食品、家居雜貨、日常用品、美容、家電、室內裝飾……等商品。仲未買過、領略過其震撼價？一於唔好執輸，即刻話你知「情熱價格」商品有幾抵買啦！
「情熱價格（日文為情熱価格）」係由2009年10月，「DONKI」所推出嘅自家品牌。從企劃、開發到製作都係自己公司親手包辦，因此可以製作出性價比極高嘅商品。而且，唔單止以「平」取勝，亦致力提供兼備美味、樂趣、時尚、便利等因素嘅商品。更獲得2022年度嘅「優良設計獎（*1）」，絕對係實力派品牌。
*1：日本唯一綜合性設計評估、推薦嘅活動。作為擁有全球數一數二嘅規模與實績嘅設計獎而聞名。
薏仁化妝水/500日圓（不含稅）
「情熱價格」嘅最大魅力係意想不到嘅震撼價，CP價超高！例如上圖，呢枝有成1,000mL，仲大過塊面嘅「薏仁化妝水」，價格竟然只係500日圓。誇張啲講句，用成年都用唔晒吖！亦係編輯部小編們勁推嘅商品之一。
しいたけスナック / 598円（税別）
呢包「香菇零食」，係一包放滿原粒冬菇嘅零食！食落嘅口感就好似烤煎餅一樣，搭配上鹹香味嘅調味，真係令人食到停唔到口，亦成為社交媒體上嘅人氣熱話喔！另外，亦加被某日本雜誌選為「2022年熱門商品前30名」。當然，編輯部小編A亦係粉絲之一，喺採訪當日一口氣買咗3包返屋企。
DONKI購物嘅著數慳錢招數②：必睇！優惠資訊滿載嘅POP牌
吸睛嘅手寫「POP牌（廣告牌）」，亦係「DONKI」嘅名物之一。根據唔同店鋪，所挖掘到嘅商品亦會有所不同，藏有唔少「驚安（充滿歡欣雀躍・令人既心動又快樂兼相當驚喜嘅勁抵價）」商品，POP牌上寫著嘅優惠資訊絕對唔可以錯過！如果喺度發現心儀商品嘅話，建議你立即放入購物籃喔。
「低價保證商品（ロープライス保証商品）」（左）
「低價保證商品」係指，如果售價比其他店舖貴1日圓嘅話，保證會奉還差額。正因為標記著「挑戰地區最低價」（地域最安値に挑戦），所以能夠以極高比率，買到平價商品。
「限定價格（限定価格）」（右）
望見個價錢牌，真係好想大嗌返句「咁平真係得咩？」，總之就真係勁平！烏冬、日本蕎麥麵、炒麵（1包150g），一包嘅價錢竟然係20日圓！天呀！真係平到你唔信！！！
※根據唔同店鋪，其對象商品亦可能會有所不同。
東京嘅「DONKI」新型態店鋪亦不能錯過！
近幾年「DONKI」喺全日本陸續開設新型態嘅店鋪。小編揀咗兩間喺日本引起極大回響嘅東京店鋪，為大家進行詳細報導。
菓子DONKI、酒DONKI
「菓子DONKI、酒DONKI」誕生於2021年，除咗有賣附送人氣動畫模型嘅食品玩具、生手工啤酒、高級香檳之外，仲有淨係可以喺度先買得到嘅罕見酒品、進口零食點心等商品。位於地理位置極佳嘅東京站，營業時間為早上9點到晚上9點。
KIRAKIRA DONKI DiverCity Tokyo Plaza店
以10至20幾歲嘅Z世代為目標，展開新型態嘅店鋪，販賣著一系列吸睛亮麗嘅商品。除咗有性價比高嘅可愛又實惠化妝品、仲有超吸睛嘅橡皮糖、糖果等，結集日本年輕人所關注嘅流行趨勢商品。
即刻拎走可以喺日本國內「DONKI」使用嘅優惠券啦
小編要喺大家嘅購物欲望不斷湧出嘅時候，介紹有關呢張可以喺日本國內「DONKI」使用嘅優惠券。使用方法非常簡單，只需要點擊以下圖片，結帳時按照免稅櫃檯收銀員嘅指示出示條碼即可。另外，記得要喺結帳前閱讀以下相關注意事項。
FUN! JAPAN限定「DONKI」優惠券詳細資訊
- 對象：訪日香港遊客
※在日外國人不能使用 - 內容：購物滿10,000日圓（不含稅）以上，可獲免稅10%+5%折扣優惠
※只能使用1次 - 對象店鋪：日本國內「DONKI」
※包括綜合超市「APITA」、「PIAGO」嘅店鋪（部分店鋪除外）
※不包含香港當地店鋪 - 有效期：無
- 使用方法：結帳時請向收銀員出示優惠券畫面（條碼）。
※其他詳細與注意事項請於以下URL確認。 - https://japanportal.donki-global.com/coupon/?ptcd=0045000103
店舖資訊
「MEGA唐吉訶德澀谷本店」（MEGA ドン・キホーテ渋谷本店）
- 地址：東京都澀谷區宇田川町28-6
- 營業時間：24小時營業
- 交通方式：從各線「澀谷站」徒步約5分鐘
【菓子DONKI・酒DONKI】（お菓子ドンキ・お酒ドンキ）
- 地址：東京都中央區八重洲2-1八重洲地下街北1號（外堀地下2番通）
- 営業時間：09:00～21:00
- 交通方式：各線「東京站」八重洲中央口、八重洲南口、八重洲北口直達
【KIRAKIRA DONKI DiverCity Tokyo Plaza店】（キラキラドンキ ダイバーシティ東京 プラザ店）
- 地址：東京都江東區青海1-1- 10 DiverCity Tokyo Plaza 2樓
- 營業時間：10:00~21:00
- 交通方式：從百合海鷗號「台場」站步行約5分鐘
Comments