現時風靡全球嘅「Pokémon Trading Card Game」（簡稱PTCG，下稱「Pokémon卡牌遊戲」），其實喺日本秋葉原就有唔少專賣卡牌等相關商品嘅店舖。今次，小編親身嚟到呢間專賣「Pokémon卡牌遊戲」相關商品嘅「HARERUYA 2」（晴れる屋2）進行實地採訪！除咗會向大家報導日本「Pokémon」嘅最新情况、店內豐富嘅商品、仲有隨機式販售稀有卡牌嘅自動販賣機等，分享「Pokémon卡牌遊戲」專賣店先至有嘅獨家玩法！
「Pokémon卡牌遊戲」係？
誕生於日本嘅《Pokémon》（寶可夢，香港稱為寵物小精靈）系列，喺世界各地都極具人氣，當中「Pokémon卡牌遊戲」係一款集換式卡牌遊戲，由1996年開始發售，於2021年迎接25週年，熱度並無隨著時間減退，現時每年都會舉辦世界大會「Pokémon World Championships（寵物小精靈世界錦標賽、簡稱Pokémon WCS）」，可謂相當受歡迎。
一般嚟講，集換式卡牌遊戲嘅玩法係，使用以組合卡牌成「牌組」與對手對戰嘅卡牌遊戲。「Pokémon卡牌遊戲」係以「Pokémon（寶可夢卡）」、「Energy（能量卡）」、「Trainer（訓練家卡）」、「Pokémon V（特殊卡牌）」等合共60張卡牌所組合而成嘅「牌組」進行對戰。
想要入手「牌組」，可以購買有齊遊戲所需要用到嘅牌組、硬幣、對戰桌墊等「初階牌組」等牌組套裝，又或者想要製作個人喜好牌組嘅話，可以購買一套有5~10張遊戲卡嘅「擴充包」，親手組合牌組內容。
不過由於近年「Pokémon」人氣熱度有增無減，新發售嘅「擴充包」都係以抽選形式發售，加入了VMAX、VSTAR等「Pokémon V卡」難以入手，所以唔少人會喺二手店購買戰鬥力强大嘅卡牌，式玩家與商店所製作嘅「原創卡包」喔。
「Pokémon卡牌遊戲」專門店「HARERUYA 2」係？
「HARERUYA 2」係專賣「Pokémon卡牌遊戲」相關商品嘅專門店。從JR秋葉原站電器街南口徒步只需2分鐘，交通非常方便。日本版全年代嘅Pokémon卡牌、商品、海外產品等都應有盡有，商品可謂相當豐富。
店內從地庫1樓到5樓一共有六層樓層。地庫1樓係收購，1樓至3樓係卡牌銷售，4樓至5樓係進行Pokémon對戰、舉辦活動等免費遊戲席。
簡直就係Pokémon卡牌迷嘅樂園！成個樓層都被Pokémon卡牌包圍超級滿足！
小編會由1樓到3樓販賣卡牌嘅樓層、 地庫1樓嘅收購樓層開始進行介紹。
1樓售賣近代卡牌嘅樓層
1樓係可以購買得到最新系列嘅Pokémon相關商品、「HARERUYA 2」嘅原創牌組，以及其他折扣優惠商品。
嚟到「HARERUYA 2」嘅尋寶人士大致可分為「想享受正式比賽與卡牌遊戲嘅人」和「想收藏卡牌嘅人」兩種。
「Pokémon卡牌遊戲」嘅正式大會上，對於所使用嘅卡牌種類有所規定，基本上只能使用最近2~3年嘅新卡牌。因此尋找最新系列中高戰鬥力嘅卡牌、原創卡包、牌組等人士可以喺呢個樓層精挑細選。
與網店相比，店舖內除咗有眾多以優惠價格發售嘅商品，仲有人氣嘅比卡超、雷伊貝、超夢夢等多款卡牌！根據卡牌嘅新淨度、損傷度等分成4個唔同等級嘅評估，因為有價格上嘅差距，所以亦有可能以勁抵價入手意想不到嘅稀有卡牌喔！
另外，亦可以去試試抽稀有卡牌，1次為1000~3000日圓，當中亦可遇到獨特嘅搭配組合。無論係情侶、親友、甚至親子組合嘅Pokémon迷，嚟到呢度都可以過癮地尋寶喔！
2樓販賣絕版卡牌嘅樓層
2樓售賣多種舊卡牌同稀有卡牌，好適合有特別想收藏嘅Pokémon或日版卡牌嘅Pokémon迷喔。
Pokémon卡牌至今為止推出了13種語言、於77個國家與地區發售（數據參考來源：Pokémon in Figures），現時市面上流通嘅日版與海外版Pokémon卡牌，背面嘅圖案係唔一樣㗎。所以有唔少海外粉絲會購買日版作收藏之用。
「HARERUYA 2」亦有發售被稱為「舊裏（旧裏）」嘅超級初期日版卡牌，背面圖案非常稀有嘅卡牌，稍微眺望店內四周會發現唔少熟悉嘅Pokémon喔！
呢個樓層另一個魅力就係，可以用入手最平1張50日圓起嘅特價卡牌「特價卡牌區」（特価品カードコーナー）、以及可以遂張尋找想要嘅卡牌圖案與Pokémon嘅「挖掘物品區」（掘り出し物コーナー），絕對可以喺度度過一個愉快嘅尋寶好時光！
另外，Pokémon卡牌遊戲對戰相關嘅商品亦非常豐富，除咗有過去發售過嘅限定商品，連海外商品、罕見商品都可以喺度搵得到！比賽中雖然係要使用指定嘅卡牌系列，但其他嘅物品就算係使用舊物品、海外版都無問題，所以唔少人會收集心儀嘅Pokémon、唔同圖案嘅商品。淨係望住店入面嘅商品，就已經相當興奮！
3樓領取網購、店面訂購卡牌/地庫1樓收購櫃檯
3樓係領取商品嘅櫃檯。事先喺網站上所訂購嘅商品，或於透過店鋪1樓同3樓設置嘅電腦所購買嘅商品，都可以喺度領取。另外，呢層亦設有原創牌組嘅自動販賣機，非常推薦趁機試試運氣。
而且，地庫1樓係收購專用樓層。外國人想將手上嘅卡牌放賣時，只要持有在留卡，遊客的話有寫上現居地址嘅護照，都可以向店家出售手持卡牌。如果屋企有沉睡中嘅卡牌等商品嘅話，不妨去東京旅遊時，趁機去一轉收購專用樓層行個圈啦？
店舖資訊
- 名稱：「HARERUYA 2」（晴れる屋2）
- 地址：東京都千代田區外神田1丁目2-5 MIKASA BLDG
- 交通方式：從JR秋葉原站電器街南口徒步2分鐘
- 營業時間：10:00～22:00
- 定休日：年中無休
Comments