【食譜影片】健康又吸睛！甘酒士多啤梨布甸食譜♪

「甘酒」係日本傳統發酵食品之一，因為含有豐富營養，更有「飲用點滴」之稱。可能大家聽到甘酒，不其然都會聯想起日本新年參拜時期嘅神社、佛寺，會供應參拜者飲用嘅傳統飲品。不過近年，甘酒嘅健康功效廣受關注，除咗出現唔少甘酒專門店，就連喺超市、便利店等都會見到甘酒嘅蹤影，成為一股新風潮。

另外，甘酒除咗飲用之外，仲可以用嚟整唔同嘅菜式、甜品等各種美食，被廣泛使用。今次小編要為大家介紹嘅係「甘酒士多啤梨布甸」食譜，簡單免焗又易整。而且無加入任何砂糖，可以感受甘酒天然甜味，搭配士多啤梨嘅酸甜組合，健康又好味♪

喺介紹食譜之前，首先了解一下「甘酒」究竟係何方神聖，以及當中所含嘅營養價值。介紹完畢後，除咗會有文字食譜記載，同會有附上字幕嘅食譜影片，記得睇完之後，不妨跟住食譜試試落手整返個「甘酒士多啤梨布甸」啦！

甘酒係？

「甘酒」係一款日本傳統甜飲，外表呈渾濁白色，於江戶時代更為預防夏天中暑而盛行飲用嘅飲品。

甘酒有「米麴」和「酒粕」兩種。材料來源為「米麴」嘅甘酒，係將蒸好嘅白米加上麴菌，再加以發酵所製作而成，酒精成分為0%，小朋友都可以安心飲用。

另外，材料來源為「酒粕」嘅甘酒，係使用日本酒糊（製作日本酒時嘅發酵源頭液體）經壓搾後殘留嘅白色固體所製作而成，含有酒精成分。

甘酒中含有豐富嘅維他命B1、維他命B2等種類多元嘅維他命，以及人體必需嘅氨基酸等營養成份。由於甘酒所含有嘅營養成份與打點滴「吊鹽水」嘅營養劑相似，因此亦被稱為「飲む点滴」，即係「飲用嘅點滴」。當中，「米麴」、「酒粕」兩種甘酒嘅營養成份亦各有差異。

材料來源為「米麴」嘅甘酒，含有由米中澱粉還原成葡萄糖、寡醣等成份，係推動大腦和身體能量來源嘅營養素。另外，仲含有豐富嘅維他命。

材料來源為「酒粕」嘅甘酒，除咗含有蛋白質和膳食纖維，仲擁有唔少從酒精發酵中所生產嘅營養成份，例如，麴菌與酵母菌中所含有嘅β‐葡聚糖、葉酸等。無論係邊種甘酒，都含有大量嘅營養成份喔。

甘酒嘅相關介紹就到此為止，即刻去睇睇「甘酒士多啤梨布甸」嘅製作方法吧！

食譜影片請參考（附有CC字幕）👇👇👇

＊根據容器大小，約2～4個份量