FUN! JAPAN 旅遊 關西 京都府

FUN! JAPAN PR

「新日本・心體驗」關西地區五日四夜推薦行程：京都港町、鳥取砂丘滑翔傘等體驗

  • 2022年11月28日
  • 2022年10月31日
  • Angie CHENG
# 兵庫 # 關西地方 # 京都 # 自然美景, 風景 # 鳥取

講到西日本嘅關西地區，大部分人嘅印象可能都停留喺大阪以及京都市區。不過其實呢度仲有好多被山海環繞，兼可以體驗充滿魅力嘅活動景點㗎。

日本國家旅遊局(JNTO)嘅「新日本 心體驗」網站入面有日本全國各地嘅經典旅遊路線行程，期待外國旅客再次到訪日本之時，可以進行深度之旅，再次發現日本之美！

今次介紹關西地區嘅京都府、兵庫縣，以及近郊嘅鳥取縣，而家就一齊嚟睇吓點樣玩遊走西日本啦！

「關西地區」五日四夜推薦行程

Day 1京都龜岡【將大鍛刀場】手製日式小刀 ⇒ 天橋立智恩寺、傘松公園 ⇒ 入住【伊根舟屋】

Day 2

【伊根灣觀光遊覽船】 ⇒ 城崎溫泉街散策 ⇒入住【西村屋】

Day 3 

城崎溫泉 ⇒ 鳥取砂之美術館、【砂丘滑翔傘】

Day 3 另一路線

城崎溫泉 ⇒ 倉吉白壁土藏群老街散策、酒廠參觀

Day 4

鳥取／倉吉 ⇒ 姬路城 ⇒ 神戶牛鐵板燒名店【雪月花】

Day5  

大阪觀光購物

「海之京都」 欣賞絕色美景及美食之旅
https://www.japan.travel/hk/hk/japan-activities/kansai/itineraries-1/

京都府

京都龜岡「將大鍛刀場」：體驗手作一把屬於你嘅日本小刀

京都龜岡「將大鍛刀場」：體驗手作一把屬於你嘅日本小刀

「將大鍛刀場」係京都僅存嘅唯一一間鑄刀場，目前全日本現役嘅刀匠已少於300人，令鑄刀工藝更顯珍貴。

喺呢度，你可以製作一把專屬你自己嘅日本小刀。材料係嚟自出雲嘅珍貴「玉鋼」，專業刀匠會示範教學，一步步從煉鋼、淬火到研磨，帶大家完成獨一無二嘅日本小刀。

除咗可以喺刀面上刻名或自己鍾意嘅字樣，成品仲會附上由刀匠製作嘅專屬手工皮套，送禮自用兩相宜，相當有紀念價值！


將大鍛刀場

日本三景「天橋立」：喺傘松公園眺望宮津灣、智恩寺買超可愛扇型詩籤

日本三景「天橋立」：喺傘松公園眺望宮津灣、智恩寺買超可愛扇型詩籤

位於京都府北部宮津灣嘅「天橋立」，係一個全長約3.6公里嘅細長沙洲。呢度唔單止有著茂密嘅松樹，地形仲相當獨特，喺傘松公園望過去，就好似一座橫架於天空中嘅橋樑，彎低腰從雙腳之間望過去，眼前天地倒轉嘅景色，更有如古老傳說中，飛龍昇天嘅姿態。

天橋立車站附近嘅「智恩寺」係日本三文殊第一靈場，境內嘅松樹上掛滿無數把摺扇，而呢啲小摺扇，其實係智恩寺最受歡迎嘅詩籤。大家會將抽到嘅詩籤掛喺松樹上，祈求心想事成、解厄消災。睇住呢啲細細把又超可愛嘅摺扇隨風飄蕩，感覺好治癒呀！

傘松公園

智恩寺

海之京都「伊根」：可以令人忘卻時光流逝嘅寧靜海灣小鎮

海之京都「伊根」：可以令人忘卻時光流逝嘅寧靜海灣小鎮

位於京都府北部嘅「伊根」，係一座早期漁業盛行嘅海灣小鎮。由於海灣內風平浪靜，因此好多漁夫會將佢哋嘅屋企「舟屋」起喺海灣沿岸。

一樓係船庫，漁夫出海捕魚時會直接打開庫門將船駛出海灣，而二樓就係生活起居嘅地方。

海之京都「伊根」：可以令人忘卻時光流逝嘅寧靜海灣小鎮

雖然今時今日漁夫人數銳減，不過伊根仍然保留住呢啲咁有特色嘅古老建築，而呢度亦被列為重要傳統建築物群保存地區。當中，部分舟屋被改造成咖啡廳或高雅又有日式風情嘅民宿。除咗喺純樸嘅街道漫步，亦相當推薦大家乘搭觀光船，於海上欣賞舟屋美景！

伊根町觀光協會

  • 地址：京都府與謝郡伊根町字平田491
  • 交通：天橋立站乘搭路線巴士約1小時
  • 官網：https://www.ine-kankou.jp/

兵庫縣

溫泉勝地「城崎溫泉」：入住老字號溫泉旅館西村屋、七大外湯任你浸

溫泉勝地「城崎溫泉」：入住老字號溫泉旅館西村屋、七大外湯任你浸
御所之湯 

創業160年以上の老舗温泉旅館「西村屋本館」。姉妹館「招月庭」では、伝統的な旅館の雰囲気だけでなく、大自然に囲まれる贅沢な貸切温泉、四季折々の料理を楽しめる。「西村屋」係一間創業至今已有160多年歷史嘅老字號溫泉會館，喺別館「招月庭」唔單止可以感受到日式傳統旅館嘅氣氛，仲可以喺大自然綠意之中享受奢華嘅個人湯屋、品嚐四季美食料理。

溫泉勝地「城崎溫泉」：入住老字號溫泉旅館西村屋、七大外湯任你浸

城崎溫泉擁有著名嘅七大外湯，無論喺建築抑或係溫度特性等方面，皆各具不同特色。例如「御所之湯」，仿照京都御所嘅建築設計，加上因為設有蒸氣桑拿而深受女性族群喜愛，更有美人之湯嘅稱號。只要憑外湯入浴共通券，掃QR code即可無限暢遊七大外湯浴場。

喺城崎溫泉仲可以食到松葉蟹等美味海鮮，仲有但馬牛等美食，係一個連日本人都好鍾意嘅溫泉勝地。

西村屋酒店 招月庭

城崎溫泉觀光協會

世界遺產「姬路城」：關西必到經典景點

世界遺產「姬路城」：關西必到經典景點

姬路城擁有400多年歷史，逃過戰爭摧殘或地震侵襲，係一座保留度極為完整嘅城堡，與熊本城、松本城並稱為日本三大名城，而姬路城嘅天守閣亦都係日本12座現存天守之一。明亮嘅雪白城牆，就好似一隻優雅嘅白鷺一樣，因此又被稱為「白鷺城」。

姬路城從城郭至天守閣內部，處處都可以見到戰國時代易守難攻，充滿細節位嘅獨特城堡設計。

與櫻花、紅葉相輝映嘅姬路城景致同樣美麗動人，一年四季都值得嚟好好參觀。

用嚟自姫路雞蛋農場嘅新鮮雞蛋嚟整嘅雞蛋撈飯，係日本獨有美食，絕對唔可以錯過！

姫路城

  • 地址：兵庫縣姫路市本町68番地
  • 交通：JR姬路站乘搭路線巴士約5分鐘
  • 營業時間：9:00～17:00（最後入場時間16:00）
  • 休城日：12月29日、30日
  • 官網：https://www.himejicastle.jp/cn_han/

神戶牛鐵板燒「雪月花」：品嚐三大和牛「神戶牛」嘅滋味

神戶牛鐵板燒「雪月花」：品嚐三大和牛「神戶牛」嘅滋味

神戶三宮站附近嘅「雪月花」本店，係連續六年獲得米芝蓮一星嘅神戶牛鐵板燒名店。

嚴選出生於兵庫縣同飼養30個月以上嘅純種但馬雌牛，肉色紅潤，肉質纖細，脂肪分佈均勻到好似雪花一樣，而且融點低，含有豐富嘅氨基酸。以長期熟成技術去除多餘嘅水分，再以低溫烹調嘅方式，令脂肪與鮮美肉汁完美結合，食落口感細緻，軟嫩又香甜。

搭配伊勢蝦、帆立貝、鵝肝等高級食材與新鮮季節性蔬菜，豪華美味嘅神戶牛海陸鐵板燒套餐，食完超滿足！

雪月花 本店

鳥取縣

日本海絕景「鳥取砂丘」：體驗滑翔傘，喺空中欣賞日本最大嘅砂丘

日本海絕景「鳥取砂丘」：體驗滑翔傘，喺空中欣賞日本最大嘅砂丘

「鳥取砂丘」有風紋同砂簾等獨特嘅地理景觀，作為海岸砂丘，更擁有世界罕見嘅高低落差，以及珍貴嘅植物群，因此亦被列為特別保護區。

日本海絕景「鳥取砂丘」：體驗滑翔傘，喺空中欣賞日本最大嘅砂丘
日本海絕景「鳥取砂丘」：體驗滑翔傘，喺空中欣賞日本最大嘅砂丘

除咗令人歎為觀止嘅自然景色外，仲可以喺砂丘進行騎駱駝、滑翔傘或者滑沙等有趣嘅體驗活動。

當中特別推薦滑翔傘體驗，由於砂丘柔軟又無障礙物，喺專業教練嘅指導下，無論係小朋友、長者或者係無運動習慣嘅人都可以輕鬆完成。一於乘風翱翔天際，喺空中欣賞超靚嘅日本海同砂丘絕景啦！

鳥取砂丘

「砂之美術館」：世界首座沙雕美術館，既壯觀又不可思議嘅沙雕藝術

「砂之美術館」：世界首座沙雕美術館，既壯觀又不可思議嘅沙雕藝術

「砂之美術館」係全球首座以「砂」為材料，展示雕刻作品嘅美術館。以「砂之世界旅行」為主題，透過細膩嘅沙雕藝術，帶大家走訪各地嘅世界遺產同著名景點，了解當地嘅人文風情和歷史。

最新一期嘅展覽「砂之世界旅行—埃及篇」於2022年7月30日盛大展開，預計展出至2024年1月3日，一齊嚟鳥取探索神秘嘅埃及與欣賞沙雕藝術之美吧！

砂之美術館

  • 地址：鳥取市福部町湯山2083-17
  • 營業時間：平日與星期日9:00～17:00（最後入館16:30）／星期六9:00～18:00（最後入館17:30）
  • 官網：http://www.sand-museum.jp/

「倉吉白壁土藏群」：充滿日式風情嘅懷舊老街

「倉吉白壁土藏群」：充滿日式風情嘅懷舊老街

「倉吉白壁土藏群」係國家重要傳統建築物保存地區，呢度保留咗好多江戶同明治等時代嘅建築物。白色牆壁、紅色磚瓦屋頂，以及黑色嘅杉木木板腰牆，正正係倉吉白壁土藏群嘅一大特色。

現時，古老嘅倉庫與町家建築，被改造成時尚嘅文青咖啡廳同手工藝品店等店舖，當中亦有傳統酒廠與醬油工廠。鍾意日式懷舊風情嘅朋友們不妨嚟倉吉行返轉！

倉吉觀光MICE協會

呢次「新日本 心體驗」特別為大家介紹日本各地嘅深度景點與體驗活動，期待大家可以再次到訪日本，來一趟有別以往嘅日本之旅。想了解更多詳細資訊，記得參考活動網頁！

「海之京都」 欣賞絕色美景及美食之旅

https://www.japan.travel/hk/hk/japan-activities/kansai/itineraries-1/

新日本・心體驗

https://www.japan.travel/hk/hk/japan-activities/

目錄

Comments

      Recommend