「Haisai！我係突然使用沖繩語嚟打招呼嘅亂入先生！疲情開始受控，愈來愈多人開始恢復日本國內旅行，所以今次就等我嚟講下有關於旅行嘅話題啦。
大部分出名嘅地方，我都已經去過玩過吃過哂。
雖然普通嘅沖繩觀光都唔錯，不過這次，我想了解一下沖繩過咗22:00後嘅面貌！
難得去沖繩旅行，我想一直玩到早上唔瞓覺！
事不宜遲，今次就有請FUN！JAPAN最好嘅導遊嚟帶路啦！」
「埼玉縣出身、住咗沖繩3年嘅阿池！！」
「Haisai！我係阿池，有咩問題都可以問我！」
「另外，仲有包括大學時代在內喺沖繩生活咗8年嘅阿西！佢嚟自大阪。」
「Haisai！我係阿西，無咩係我唔知道嘅。」
「今次我哋喺沖繩出身、而家都住喺沖繩嘅大嶺先生身上收集到啲熱門好料，等我哋介紹一下啦！」
「我唔要普通貨色㗎！我想要一啲喺唔想返酒店嘅夜晚都用得著嘅夜遊情報。」
「如果講到要喺晚上玩嘅話，你會去邊度？」
「比起只去某一個地方，我會傾向於連續去幾個唔同嘅地方。根據不同興趣，要去嘅地區也有分別。比如係松山（靠近美榮橋站）有唔同嘅夜店，榮町係一個可以盡興到底嘅不夜城，而北谷（北部嘅城鎮，坐的士或巴士前往）係充滿美國風情嘅小鎮，中之町（北部嘅城鎮，坐的士或巴士前往）就係幾乎只有當地人嘅當地小鎮。」
「我要周圍去飲到癲！今次我哋就去榮町啦。最近嘅車站應該係安里站。」
「好呀！首先想食啲唔會太飽嘅下酒菜。」
「咁燒鳥天國大統領就最啱你喇！」
「呢間餐廳今年先開，係榮町最新最有人氣嘅燒雞肉串專門店！」
「除咗使用嘅蔬菜非常講究，雞肉豬肉同牛肉全部都係沖繩產㗎。呢度係一個可以邊享受美食邊享受泡盛酒嘅地方！」
「睇落好好味呀！我就快流口水啦。因為係新開嘅，所以應該好多人都未嚟過，嚟到就可以喺朋友面前扮下代表喇！」
「最開心嘅係，呢度嘅廁所唔係大部分餐廳會使用嘅共用廁所，女性客人都可以安心使用！」
「我要控制住唔想離開呢度嘅心情，去換個氣氛唔同嘅地方繼續飲。」
「咁去遊處 永樂啦！佢係一間深受當地人喜愛嘅餐廳！」
「老闆石原先生係一位三味線老師，好犀利㗎！唔單止日本國內，甚至有法國人特登上門學師㖭！首先聽下演奏啦！」
「好正呀！喺沖繩大家好似會好開心咁飲酒，而且只要音樂一響起馬上就會令人忘記時間流逝，呢種感覺好好。」
「我推介素麵雜炒，夜晚都食得落！」
「喺音樂中度過嘅夜晚都是沖繩旅行嘅樂趣嚟。」
「夜愈嚟愈深喇，跟住仲要繼續飲！不過今次就到此為止啦！
多謝阿池、阿西同大嶺先生！下星期見。」
「再見！！！」
協助採訪嘅店舖資訊
【燒鳥天國（焼き鳥天国） 大統領】
- 2022年8月1日創業
- 營業時間17:00〜24:00
- 沖繩縣那霸市安里388-74
- 安里站落車直達
【遊處 永樂（あしびどころ えいらく）】
- 2005年9月13日創業
- 營業時間18:00～01:00
- 沖繩縣那霸市字大道172 銘苅大廈 1F
- 安里站落車直達
想知道沖繩更深入更地道情報嘅您！我們好期待您嘅留言。
喺FUN！JAPAN TV，您可以睇到阿池同阿西的幕後花絮！
立即去看下啦！
以前FUN！JAPAN都有相關嘅介紹文章，可以去參考一下㗎！
Comments