以「冒險與想像之海」為概念嘅「東京迪士尼海洋®」，係全球第一個以「海」為主題嘅迪士尼公園，唔單止日本人鍾意，亦備受外國遊客歡迎嘅人氣景點。
另外，不得不提「東京迪士尼海洋®」仲有一大魅力位，就係園內設有名為「東京迪士尼海洋觀海景大飯店®」嘅酒店喔！而且可以從部分客房與餐廳飽覽園內美景，住宿於此絕對會令你嘅「東京迪士尼海洋®」之旅更加FUN♪
今次，FUN! JAPAN編輯部親身去到「東京迪士尼海洋®」進行實地採訪，為大家徹底報告其魅力所在！
關於東京迪士尼海洋觀海景大飯店
與東京迪士尼海洋同樣於2001年開幕嘅「東京迪士尼海洋觀海景大飯店」，為東京迪士尼度假區 ® 內唯一一間嘅主題樂園一體型酒店，其日文原稱為「ミラコスタ」，源自於意大利文「Mira Costa」一詞，意思為「眺望海洋」。位於東京迪士尼海洋內，擁有面向地中海港灣嘅港街「海港區」嘅客房與餐廳，可以一邊眺望美麗景色，一邊享受住宿與美食嘅樂趣。另外，與東京迪士尼海洋站相連接，交通可謂非常方便，亦係其特徵之一。
另外，最令人興奮嘅係，館內設置通往東京迪士尼海洋嘅大門，住宿者帶著門票便可以使用此大門再入園，進入東京迪士尼海洋簡直就好似去後花園一樣咁方便，真係太神奇！
被冒險氛圍所圍繞，令人更期待明日之旅嘅「東京迪士尼海洋觀海景大飯店」
「東京迪士尼海洋觀海景大飯店」以「美好優雅古都時代嘅意大利」為主題，係一個充滿華麗優雅氛圍嘅空間。正如「東京迪士尼海洋觀海景大飯店」理念一樣，可以一邊回顧樂園中嘅冒險環節，一邊期待第二日嘅航海之旅。另外，入口處設有一座海洋生物雕刻嘅噴泉。
進入大廳後，最引人注目嘅係，位於中央位置嘅加利恩帆船，相當適合以「海」為主題嘅東京迪士尼海洋。廣闊嘅天花板上所細緻描繪嘅8幅天花板畫亦令人印象深刻。據說每幅畫都代表著迪士尼海洋中嘅海港區域，並描繪象徵著各個主題海港區域嘅女神。
另外，喺主題樂園經常出沒嘅「隱藏米奇」都可以喺度搵得到！當然天花板畫數目繁多，記得要準備好你嘅金睛火眼尋找一番啦！
酒店嘅內部設計相當符合，與以大海為主題嘅東京迪士尼海洋融合為一之理念，不經意地加入與大海相關嘅生物，以及迪士尼角色於其中。
可以沉醉於東京迪士尼海洋世界嘅客房
擁有融入東京迪士尼海洋景色外觀嘅「東京迪士尼海洋觀海景大飯店」，其客房共有502個客房。 分別由托斯卡納區、威尼斯區、海港區，3種唔同風情嘅客房類型組成。
小編想向大家介紹一下從部分客房可以飽覽得到嘅美景。另外，根據客房嘅唔同位置，可以望到嘅景色都會有所不同，以下介紹絕對有一定嘅參考價值喔。喺打開房門之前，少不免會對於即將映入眼簾嘅未知景色感到又驚又喜，下次有機會不妨親身嚟感受一下啦！
托斯卡納區 米奇船長精緻客房
象徵著東京迪士尼海洋嘅大型地球模型噴泉 「水之行星」位於東京迪士尼海洋嘅入口，以及酒店嘅入口處附近，並可從部分客房欣賞得到，如果想眺望閉園後嘅「水之行星」嘅話，擁薦喺客房中悠閒地欣賞，度過一個美好時光喔。
托斯卡納區特徵係以米奇老鼠與夥伴們航海為主題，到處都描繪著冒險嘅模樣。天花板上畫有迪士尼夥伴們嘅星座圖。不妨搵一搵你嘅星座係代表邊一個迪士尼角色啦！
威尼斯區 精緻客房
面向東京迪士尼海洋運河嘅街道「宮殿運河」嘅位置，從窗戶可眺望園內迪士尼海洋渡輪航線嘅運河景致。去到夜晚，仲可以欣賞其點燈後嘅美景，感受比白天更浪漫嘅氣氛。
除咗客房內床頭板上畫有威尼斯美麗嘅街道，床尾巾上亦畫上化身成美人魚嘅米妮老鼠，再加上配合外面嘅景色所設計嘅內觀，擁有一股平靜嘅氣氛。。
海港區 精緻客房
海港區客房面向東京迪士尼海洋嘅地中海港灣，仿佛無論何時都可以體會得到置身於樂園裡嘅心情！唔單止可以感受港口城市充滿活力嘅獨特氛圍、仲可以體會得到閉園時安靜嘅模樣子，全日24小時盡享東京迪士尼海洋嘅歡樂時光。
客房內嘅風格為沉穩南歐風嘅優雅設計，唔單止可以喺床尾巾望見化身成美人魚嘅米妮老鼠，據聞喺床頭板度仲可以搵到隱藏米奇嘅蹤影喔。
能感受得到「Mira Costa」世界觀嘅客房備品亦不可錯過！！
由東京迪士尼度假區直營嘅迪士尼酒店，所提供嘅房間備品亦非常可愛，住宿後可以將精美嘅房間備品帶走，亦係其魅力所在之一。住宿「東京迪士尼海洋觀海景大飯店」，除咗可以使用繪畫上迪士尼卡通人物嘅浴室備品、牙刷等原創備品，仲可以選擇帶返屋企！
另外，睡衣與馬克杯等以酒店嘅英文名稱「Mira Costa」，第一個英文「M」所設計，不過要注意，呢幾款備品係唔可以帶走喔！
可以盡情飽覽地中海港灣嘅景致「美景廳」
「美景廳」 嘅日文係「ベッラヴィスタ・ラウンジ」，意大利文中有著「美麗景色」嘅含義，呢度亦正如其名，可以眺望得到風光明媚兼充滿活力嘅地中海港灣街景。另外，根據唔同嘅時間帶，仲有機會欣賞得到東京迪士尼海洋舉行嘅海港Show添！
※要去「美景廳」用餐嘅話，建議事先預約好再前往
可以從專用露台欣賞表演嘅餐廳「海洋宮」
「海洋宮」日文為「オチェーアノ」，意大利文嘅意思為「海」，係一間以海洋世界為主題嘅餐廳。餐廳內以貝殼、珍珠等設計成3個猶如美麗海洋世界一樣嘅用餐區域，並提供自助餐與套餐兩種選擇。根據使用嘅時間帶，可以從專用露台欣賞表演亦係其魅力所在之一。
※要去「海洋宮」用餐嘅話，建議事先預約好再前往
「東京迪士尼海洋觀海景大飯店」有多款原創商品「米奇朗基羅禮品」
可以喺商店「米奇朗基羅禮品」見到多個「米奇朗基羅」嘅蹤影，並非意大利文藝復興時期偉大嘅藝術家米開朗基羅，而係「米奇朗基羅」喔。仲可以一邊購物，一邊欣賞製作中嘅石像、天花板，而且店內除咗有淨係得呢度先有得賣嘅「東京迪士尼海洋觀海景大飯店®」原創商品、東京迪士尼度假區®商品之外，仲有日用品等種類繁多嘅各種商品任君選擇。
除此之外，仲有哺乳室、提供廣東料理嘅餐廳「絲路園」、游泳池、「尊榮客房＆套房」嘅住宿者專用貴賓室「德拉米可廳」等設施，相當充實。可以一次過滿足住宿、遊玩、餐飲等需求，係主題樂園一體型酒店「東京迪士尼海洋觀海景大飯店” ®」嘅獨有優勢喔！下次不妨親身嚟體驗一下有幾好住好食好玩，順便出發一場海洋冒險之旅吧！
小編祝你旅途愉快！
酒店情報
- 酒店名稱：東京迪士尼海洋觀海景大飯店
- 地址：千葉縣浦安市舞濱1-13
- 客房數：502間
- 交通：從東京迪士尼海洋站可直達
- 入住/退房：15:00/12:00
Comments