唔知你有無想像過「將煎餅整碎再放入湯裡面」嘅味道，係點嘅呢？其實喺青森縣有一種叫做「煎餅湯」嘅美食，源自於青森縣八戶市周邊，於江戶時代誕生嘅傳統鄉土料理。其使用煎餅湯專用嘅南部煎餅，烹煮成醬油味嘅煎餅湯或鍋料理。今次，小編會同大家分享煎餅湯嘅由來與食譜介紹。
日本鄉土料理係？
鄉土料理係指活用各地區嘅當地特產，結合當地風土民情所烹煮出來，並經過長年累月於該區廣泛地傳承下來嘅當地特色料理。唔單止係日本人嘅靈魂食物，亦係日本旅行必食嘅人氣美食。
八戶煎餅湯嘅起源
南部煎餅係舊南部藩地區，青森縣東南部至岩手縣北部嘅傳統食品，於麵粉中加入鹽和水，以鐵製模具所烤製而成。戰前，大部分農家都擁有鐵製模具。對於冷害多、稻米難以收成嘅地區嚟講，煎餅係珍貴嘅保存食品。將煎餅放入味噌湯、鍋裡面烹煮就成為煎餅湯。據說於戰前，當地人會使用於河裡捕獲嘅「珠星三塊魚」所烹煮嘅魚湯裡面放入煎餅，係當地傳統家傳戶曉嘅菜式。但係「煎餅湯」呢個稱呼，直至平成時代之後先至被命名。皆因八戶市嘅旅遊團體機構，想將平時只會喺屋企先食得到嘅樸素料理，讓更多遊客知悉並演變成當地名物，更為此進行相關文宣活動。現時，煎餅湯已成為全國聞名嘅青森鄉土美食喔。
成為固定嘅飲食文化與習慣，戰後為東北鄉土料理嘅代表！
昔日，每個家庭都會於家中烤製煎餅，但由於戰爭期間需要供出鐵鍋以作為軍用物資，此後農民們便無法於家中烤煎餅。戰後，製造業者開發出一種煎餅，即使吸收了湯汁亦唔會影響其帶點煙韌嘅口感。其後更作為煎餅湯用嘅煎餅開始發售。現時除咗會於寒冷時，家中味噌湯、鍋料理會出現煎餅之外，煎餅湯經已成為備受遊客歡迎嘅當地特色美食，於飲食店、各活動中都會見到煎餅湯嘅蹤影喔。
食法
煎餅湯最普遍嘅食法係喺醬油味雞湯嘅鍋中放入蔬菜、蒟蒻絲等食材，再加入煎餅烹煮。除此之外，亦可根據個人喜好放入鴻喜菇等菇類。另外，亦有加入鱈魚、鹽燒鯖魚等帶點鹹香味，富有港口城市特色嘅煮法（喺屋企煮嘅話，可以用水煮鯖魚罐頭代用），仲有加入馬肉所烹煮製作嘅名物櫻花鍋等，種類相當豐富。
煎餅湯材料
- 煎餅湯用嘅煎餅 2塊
- 長葱 1/2條
- 雞胸肉 100 g
- 蒟蒻絲 80g
- 牛蒡 1/4條
- 豆腐 5g
- 紅蘿蔔（中型）1/4條
- 鴻喜菇 1/4份
- 水 2杯
【調味料A】
- 高湯粉 1茶匙
- 醬油 1湯匙
- 酒 1湯匙
- 味醂 1茶匙
- 鹽 少許
- 七味粉（按個人喜好） 少許
附上製作影片
食譜影片請參考（附有CC字幕）👇👇👇
- 將雞肉切成一口大小。紅蘿蔔切成細絲、牛蒡切成細絲、斜切長葱。
- 於鍋裡倒入熱水，放入蒟蒻絲快速汆燙以去除其臭味，然後瀝幹水分。
- 倒掉鍋中汆燙過蒟蒻絲嘅熱水後，再次開火，然後於鍋中倒入油。
- 將雞肉煎至表面變色。
- 放入蔬菜繼續炒。
- 通火後放入水，沸騰後倒入高湯粉。
- 撈走浮出嘅白泡沫。
- 加入酒、味醂、醬油、鹽。
- 放入豆腐，煮至熟透。
- 整碎煎餅後，放入鍋中。
- 完成
Comments