北海道位於日本最北端，擁有多個雄偉自然美景，以及各種豐富食材。加上北海道四季皆美侖美奐，無論您喺邊一個季節前往，都會令您感到魅力無窮，甚至帶嚟意想不到嘅驚喜旅遊勝地。尤其係札幌，唔單止位置距離新千歲機場非常近，前往富良野和二世古（新雪谷）嘅交通相當方便，仲係北海道嘅人氣旅遊據點。如果將札幌當成北海道旅遊第一站嘅話，您會最想去邊度玩呢？心大心細唔知點揀至好嘅話，可以參考呢篇北海道札幌旅遊全攻略文章，小編已為您搜羅出以下幾個必去嘅旅遊&購物景點！
札幌必去旅遊景點與美食介紹
首先講講前往札幌嘅交通方式，可以從新千歲機場乘搭電車 JR快速Airport號，全程約40分鐘。札幌係北海道嘅道廳所在地，亦係北海道最大嘅繁華地區。從札幌站徒步即可抵達札幌市鐘樓、北海道廳舊本廳舍（紅磚廳舍）等擁有100年以上歷史嘅建築物，亦係人氣嘅打卡勝地喔。
每年2月初，位於市中心嘅大通公園會舉辦「札幌雪祭」，大家可以身處於巨大雪雕和冰雕嘅現場，親身感受被浪漫氣氛包圍嘅夢幻體驗。雖然2022年因COVID-19疫情影響，改為網上舉辦，但預計2023年將會恢復正常，係一項相當值得期待嘅盛舉！
講到札幌嘅美食，就不得不提以當地捕獲嘅新鮮海鮮所製成嘅壽司、於味噌拉麵上放上粟米嘅札幌拉麵、用鐵板燒烤羊肉與蔬菜嘅成吉思汗燒肉等三大美食，只要去大通公園附近行個圈，以上提到嘅三大美食通通都可以品嘗得到，而且仲有唔少知名餐廳集中喺大通公園周邊一帶，建議大家可以邊搵邊行邊大食特食。
北海道各種超吸睛手信要去邊度先買得到？
北海道有著得天獨厚嘅氣候，被海洋與群山圍繞，因此有唔少新鮮又能感受到食材風味嘅手信。除咗有使用薯仔與粟米等當地特產所製作嘅零食、朱古力、焦糖牛奶糖等甜品類，仲有葡萄酒亦係人氣手信之一，就算爆買都無損失喔(?)
對於外國遊客嚟講，「購物地點可以免稅」呢一點尤其重要。跟著落嚟就要介紹小編精選嘅兩大購物景點！
必買北海道手信&必食當地美食 盡在「北海道AEON」！
截至2022年4月為止，北海道AEON於北海道內共有167間分店，絕對係一間深受北海道居民喜愛嘅連鎖超市。當中，距離札幌站最近嘅係連住JR線車站嘅AEON札幌桑園店。
AEON札幌桑園店嘅食品區商品，可以話係全北海道內最齊全。一行入賣場，就已經望見多款令人花多眼亂兼流晒口水嘅便當與小菜！
最吸晴嘅當然係使用北海道食材所製成嘅各種美食。例如河豚、秋刀魚嘅手握壽司、室蘭特色「烤雞肉串丼」（實際用豬肉製作而成嘅肉串）等當地美食，種類非常豐富（根據不同季節和時段，所擺放嘅商品亦會有所不同）。由於大部分食品只需500日圓左右就可以買得到，如果想嘆當地美食又想鍚住個荷包，擔心餐廳用餐費用會太貴嘅話，就去AEON行個圈，盡情享受北海道嘅好滋味啦！
一樓食品賣場嘅營業時間為上午 8:00 至晚上 11:00。即使計畫要去比較遠嘅地方旅遊，都可以喺朝早出發或夜晚返酒店時，喺度入手所需食品，可謂非常方便。當地嘅麵包、零食或即食麵等種類繁多，臨時想搵嘢食醫肚嘅話，非常推薦到此一遊，大買特買！
商品陳列架上有牛奶、芝士、乳酪、和菓子等，北海道當地美食應有盡有，建議可以買多幾款邊食邊比較唔同口味，增添旅遊樂趣。另外，上圖所顯示嘅商品，通通都係當地居民日常會購買嘅食品，款款都相當吸引喔！
結帳時所使用嘅自助式收銀機亦設有英文頁面，所以就算唔識日文都唔怕睇唔明。順帶一提，由於AEON札幌桑園店位於北海道大學附近，成日都會有留學生嚟幫襯，因此店內有唔少工作人員都適應點接待外國客人。
AEON唔單止係喺您嘅逗留期間可以補充食物、零食嘅超市，亦係一個買手信嘅好地方，因為喺AEON販售嘅所有食品、衣物、家電等商物，通通都可以免稅！只要話畀服務台知您需要辦理免稅手續，店員就會按照英文、繁體中文、韓文、泰文或越南文嘅相關指南，流暢地幫您完成免稅手續。
AEON札幌桑園店
- 地址：北海道札幌市中央區北8條西14-28
- 交通方式：JR桑園站落車直達
- 營業時間：1樓食品賣場8:00～23:00／其他賣場9:00～22:00※部分賣場營業時間有所不同
- 可以使用JCB卡
以超抵優惠價享受購物嘅樂趣！必去「千歲Outlet購物中心Rera」
「千歲Outlet購物中心Rera」係一個可以用優惠價購買品牌商品嘅Outlet Mall，從新千歲機場乘搭JR只需3分鐘即可抵達，更坐擁 66 間店鋪，係超人氣嘅購物Outlet Mall。除咗可以盡情Shopping之外，更附設放狗場所與托兒所，服務可謂相當貼心，亦係當地人假日休閒嘅好去處。
「千歲Outlet購物中心Rera」嘅魅力之一，當然係可以用優惠價買到人氣品牌商品啦。
例如有賣THE NORTH FACE嘅NORTHERN PACIFIC，仲有Champion、BEAMS、ABC-MART、博品館TOY PARK等人氣品牌嘅產品，除咗可以用7折或更優惠嘅折扣價入手，大部分店鋪仲有提供免稅服務喔。
如果您想購買北海道手信嘅話，可以前往「北海道新發現工房」。 除咗有白色戀人和ROYCE'等零食之外，仲有咖喱、拉麵、清酒等種類相當豐富。喺機場或車站選購手信時，難免會用唔少時間去多間店鋪左揀右揀，而呢度一間店舖就已經集中晒所有北海道嘅人氣商品，既方便又貼心。推薦畀喺返香港之前，無太多時間選購當地手信嘅人。
「千歲Outlet購物中心Rera」另一個特色就係，有眾多對外國遊客相當友善嘅服務同設施。喺旅遊服務中心「Rera Travel Salon」，有可對應英文、中文、韓文嘅工作人員常駐，隨時提供酒店與餐廳嘅預訂服務，以及附近旅遊景點嘅相關情報。
更設有禮拜堂，地點位於停車場旁邊，任何人都可以使用。禮拜設施裡面亦設置簡單嘅供水設備，所以禮拜者於使用前無需特意先去洗手間一趟，相當貼心。
「千歲Outlet購物中心Rera」地理位置極佳，從新千歲機場乘搭JR只需3分鐘即可抵達。相當適合成為您一落機即衝嘅第一站，或者返香港前嘅最後衝刺。下次去北海道嘅時候，小編推薦各位將「千歲Outlet購物中心Rera」排入行程，去行個圈喔！
千歲Outlet購物中心Rera
- 地址：北海道千歲市柏台南1-2-1
- 交通方式：JR南千歲站徒步3分鐘
- 營業時間：10:00～19:00 ※部分餐廳為11:00〜
- 可使用JCB卡
Comments