水戶市位於關東平原嘅東北部，於江戶時代作為水戶藩城下町而繁榮興盛，如今以「水戶黃門」和「偕樂園」而廣為人知，亦係茨城縣嘅縣府所在地。喺水戶市除咗可以遊覽當地人氣嘅歷史景點、欣賞得到季節花卉與綠意盎然嘅大自然景色，仲可以感受得到當地藝術嘅獨有魅力。今次就跟著FUN! JAPAN編輯部腳步，齊齊去認識充滿多彩魅力嘅水戶市吧！
歷史景點滿載嘅水戶市係？
喺日本，水戶呢個地方因喺國民性電視劇「水戶黃門」當中嘅主角——德川光圀所管治之地而廣為人知。德川光圀出生於水戶德川家，係當時江戶幕府之中，地位僅次於將軍家嘅德川御三家嘅支系，亦因此留下唔少擁有歷史價值嘅景點，令人目不暇給。
水戶市距離東京約100 km，乘搭電車、高速巴士等約2小時即可抵達。
水戶必去旅遊景點——偕樂園
偕樂園
日本三名園之一嘅「偕樂園」係日本數一數二嘅梅花景點，由著名嘅水戶藩第九代藩主——德川齊昭所建造。由於想將此地打造成「與庶民同樂嘅地方」，故命名為偕樂園。
景點資訊
- 景點名稱：偕樂園
- 地址：茨城縣水戶市常磐町1-3-3
- 營業時間：
2月中旬～9月30日 06:00～19:00
10月1日～2月中旬 07:00～18:00 - 定休日：無
- 交通方式：從JR水戶站北口搭巴士約20分鐘，於「好文亭大門」 「偕樂園東門」「偕樂園前」落車後，徒步約3~5分鐘
水戶城址
水戶城嘅歷史始於平安時代末期，於江戶時代作為水戶德川家嘅居城。水戶城並無天守閣和石垣，但以大量土造堤防與壕溝建造而成，亦係日本最大規模嘅土造城。雖然大型建築物多數已於昭和20年嘅戰火期間燒毀，但現存藩校·弘道館和藥醫門幸運地逃過戰亂，保存至今。大家可藉此極具歷史性建築去窺探水戶城過去嘅模樣。
景點資訊
- 景點名稱：水戶城址（二之丸展示館所在地）
- 地址：茨城縣水戶市三之丸2-9-22
- 交通方式：從JR水戶站北口徒步約10分鐘
弘道館
弘道館由德川齊昭所創立，唔單止係日本最大規模嘅藩校，成為「明治維新」精神上原動力嘅「水戶學」亦在此誕生，為幕末志士們嘅聖地。齊昭嘅親生兒子，江戸幕府末代將軍德川慶喜年幼時亦曾於此受過英才教育。
景點資訊
- 景點名稱：弘道館
- 地址：茨城縣水戶市三之丸1-6-2
- 營業時間：
2月20日～9月30日 09:00～17:00
10月1日～2月19日 09:00～16:30 - 定休日：12月29日～12月31日
- 門票：成人400日圓、小童200日圓、滿70歳以上 200日圓
- 交通方式：從JR水戶站北口徒步約8分鐘
保和苑
因為德川光圀深愛呢個庭院，所以將其取名為「保和園」。昭和初期時由地方人士擴充、整頓，修建成為正統嘅日式庭園。每年初夏，園內有約100種不同品種、6000棵繡球花繽紛盛放，並會舉行「水戶繡球花祭」。
景點資訊
- 景點名稱：保和苑
- 地址：茨城縣水戶市松本町13-19
- 營業時間：24小時營業
- 定休日：無
- 交通方式：從JR水戶站北口乘搭巴士約15分鐘，「保和苑入口」落車後，徒步約4分鐘
水戶藝術館
於1990年開館嘅水戶藝術館係由當時市長想「將水戶市打造成日本第一嘅文化都市」而策劃建設，係一座集美術館、音樂廳、劇場為一體嘅綜合文化設施。高100ｍ嘅螺旋高塔由世界知名建築師——磯崎新所設計，可謂相當吸睛！
景點資訊
- 景點名稱：水戶藝術館
- 地址：茨城縣水戶市五軒町1-6-8
- 營業時間：09:30～18:00
- 定休日： 星期一（如當日為公眾假期嘅話，順延至翌日）、年末年始
- 交通方式：從JR水戶站北口乘搭巴士約10分鐘，於「泉町1丁目」落車後，徒步約2分鐘
水戶必食當地著名美食——水戶納豆！
日本傳統食物——納豆，自古以來就深受日本人喜愛，當中茨城縣水戶巿納豆生產量更加係日本第一，「水戶納豆」可謂聞名全國。水戶納豆嘅誕生可追溯至明治時代，當時水戶出身嘅笹沼清左右衛門得知納豆於江戶相當受歡迎，便以獨家製法，將納豆商品化並於水戶站販售，並獲得乘客們大受好評。
水戶納豆最大特徵，係豆粒比一般納豆較為細小，更容易黏纏於米飯上，有著與別不同嘅好滋味。有機會嘅話，不妨挑戰一下既黏糊滑溜又細細粒、兼風味豐富嘅水戶納豆啦。
Comments