廣島縣嘅吳市曾經係海軍嘅軍港，現時為海上自衛隊嘅據點，擁有唔少關於軍港嘅景點，亦係《海猿》、《謝謝你，在世界角落中找到我》等日本電影嘅取景舞台。吳市殘留著軍港色彩嘅景色，以震撼嘅潜水艇為背景嘅風景極具型格，相信可以喺度影到唔少別具一格嘅靚相喔！今次，小編要為大家介紹軍港城鎮・吳市獨有嘅影相打卡好去處。
廣島縣嘅吳市係？「吳海軍工廠」嘅厲害之處！
吳市作為軍港發展嘅起源，據說可追溯自1889年。當時因為喺吳市，設立了進行海軍監督等作用嘅「吳鎮守府」，從而開啟了吳市軍港嘅序幕。1903年設置嘅造船部「吳海軍工廠」，建造了巨大戰艦「大和號」、航空母艦「赤城」等著名軍艦。當年嘅吳市，更與德國嘅「克虜伯」並稱為「世界兩大兵器工廠」，並曾以「東洋第一軍港」、 「日本第一海軍工廠」街道而繁榮起來。
現時，吳市內亦有展示軍港歷史、實物戰艦嘅博物館等，向世人傳遞著當時狀况嘅景點設施。
於「Alley Karasukojima」近距離拍攝潛水艇，隨手可影出動人心魄嘅作品！
「Alley Karasukojima（アレイからすこじま）」係日本唯一能近距離觀察實際正在使用中嘅潜艇嘅公園。無論係以周邊嘅舊海軍工廠磚砌建築、抑或係舊魚雷升降起重機，作為拍攝背景都相當有型！另外，於每個星期日，更會有艦艇於旁邊嘅海上自衛隊吳基地作一般公開，可以趁機將停泊於附近嘅艦艇大影特影。如果事先預約嘅話，亦可以入船艦內參觀喔。
「海上自衛隊吳史料館（愛稱：鐵鯨館）」內，亦有展出潜艇實物。館內有掃雷艦（※去除海中爆炸武器「水雷」嘅軍艦），與潜水艇相關嘅展示品。更可以進入實際服役過嘅潛水艇「秋潮號」中參觀。
「吳市海事歷史科學館（愛稱：大和博物館）」展示了以1:10大小比例，所製作嘅「大和號」戰艦模型。 雖然係模型，呢架全長26.3m嘅「大和號」戰艦，氣勢可謂非同凡響！
相關文章
感受濃濃嘅軍港風情「見證歷史之丘」
從「大和博物館」徒步約20分鐘，便可抵達位於小山丘上，名為「見證歷史之丘」（歴史の見える丘）嘅公園，推薦大家到此一遊，將吳市景致飽覽無遺。除咗可以從高台上，拍攝「舊吳鎮守府廳舍」、曾經用作製造「大和號」戰艦嘅船塢遺址、工場等軍港風格嘅相片，仲可以欣賞得到眼前嘅來島海峽、四國群山等美麗嘅大自然景色。
登上「兩城之二百階梯」欣賞眼前山坡上排列嘅房屋景色吧！
吳市兩城山坡道上有近260級階梯，此地亦被稱為「兩城之二百階梯」（両城の二百階段）。據說以前曾經有潛水員、消防員喺呢條細長而陡峭嘅階梯進行訓練。亦係電影《海猿》中，所出現嘅訓練場景，及後更成為「海猿聖地」之一。
另外，海軍據點・鎮守府於1890年左右設置後，導致吳市人口激增，因此於階梯周邊嘅斜坡上建造多間海軍相關人員專用嘅房屋。結合傳統和風與西洋式建築元素，打造出昭和風格嘅房屋外觀，亦為其特徵之一。沿著樓梯上到最高點，可以望到一大片吳市美景，除此之外，據聞有唔少人會專程前往，欣賞其動人夜景。
迷人嘅亮紅色拱橋「音戶大橋」
音戶大橋係連接著吳市音戶町與倉橋島嘅公路大橋。亮紅色嘅拱橋，喺蔚藍大海嘅襯托下顯得更迷人，絕對可以喺度影唔少呃Like靚相喔！
另外，為了讓大型船隻能於橋下通行，橋身需要預留一定嘅高度，因此橋樑兩側使用了「兩層半」嘅螺旋型設計。當時，音戶大橋作為日本第一座拱形螺旋高架橋（環型橋）建成時，更受到廣大關注。春天來臨時，音戶一側嘅螺旋道路上會盛開著粉、白色嘅杜鵑花，相當吸睛！推薦於杜鵑綻放嘅花季，每年黃金周前後期間前往喔。
中・四國三大夜景之一「灰峰」！
想將被稱為「中・四國三大夜景」之一嘅吳市夜景飽覽無遺？喺海拔737ｍ嘅灰峰上，就有一個可以360度欣賞吳市夜景嘅展望台。從山上展望台俯瞰時，無論係吳市街道、彷如寶石嘅路燈、停泊於吳港嘅船隻、抑或係漂浮於瀨戶內海嘅美麗島嶼等景致，通通都可以一覽無遺，絕對可以稱得上係吳市嘅浪漫景點喔！
沿著「安藝灘飛島海道」飽覽島嶼與大海景色！
「安藝灘飛島海道」係一條從吳市嘅下蒲刈島、到愛媛縣嘅岡村島，以七座橋將島嶼連結起來嘅海道。由於呢條海道路線主要沿著島嶼、被海岸線包圍，因此大家除咗可以一邊踩單車，一邊感受藍天大海、風光明媚嘅氣息，仲可以趁機影返唔少打卡靚相留倩影喔！下個旅程不妨出發一個單車之旅，盡情享受瀨戶內海景色吧。
相關文章
前往吳市嘅交通方式
從廣島市出發去吳市嘅話，可以從JR廣島站乘搭吳線快速列車（安藝路Liner），全程需時約32分鐘。從廣島機場直接出發嘅話，乘搭機場巴士大約一個小時。順帶一提，如果有計劃喺吳市嘅市中心旅遊嘅話，推薦使用1日乘車券「1 Day Kure Pass」！
Comments