大阪一向係港人熱門旅遊地點之一，雖然喺溫泉方面不及九州大分或神奈川箱根出名，但其實無論喺大阪近郊，抑或係市中心都有唔少溫泉熱點。根據環境省「令和2年度溫泉利用狀況」資料顯示，大阪嘅溫泉湧出量為每分鐘33,091L，比京都以及神奈川仲要多！加上大阪溫泉設施種類豐富，除咗有溫泉主題公園，仲有被大自然包圍嘅溫泉地區。下次嘅溫泉之旅，一於決定去大阪！
出發去大阪浸溫泉之前，先瞭解一下主要溫泉地！
相片提供：（公財）大阪觀光局
大阪擁有多個泉質優良嘅溫泉，當中更有例如犬鳴山溫泉、箕面溫泉般，獲環境省基準認證含有特定成分、具有療養功效嘅「療養泉」溫泉。從大阪市中心出發到各溫泉地嘅交通亦相當方便，可謂魅力滿載。
牛瀧溫泉
相片提供：（公財）大阪觀光局
「牛瀧溫泉」被岸和田市南部豐富嘅大自然所包圍，其溫泉源泉於出土菊石等化石嘅從白堊紀時代地層中湧出。「牛瀧溫泉」泉水帶微溫，泉質屬於鹽化物泉，並具有美肌功效。當地每個季節都有各自浪漫風景，係一個可以邊浸溫泉，邊享受大自然四季景致嘅溫泉地。
從梅田前往嘅交通方式
- 從梅田站乘搭地下鐵及私鐵約50分鐘，或從岸和田站乘搭巴士約50分鐘
犬鳴山溫泉
相片提供：（公財）大阪觀光局
自從關西國際機場啟用後，由於與機場距離僅約30分鐘車程，「犬鳴山溫泉」就被稱為「與世界最接近嘅溫泉」。唔單止被充滿自然風光、悠然溪谷之美環抱，此地更係大阪唯一溫泉鄉！泉質屬於單純硫磺泉，具有神經痛、肌肉痛、美肌等療效，如此優良嘅泉質，加上大自然美景相伴，下次有機會嘅話不妨出發去一趟「犬鳴山溫泉」放鬆身心吧。
從梅田前往嘅交通方式
- 從梅田站乘搭地下鐵及JR約1小時15分鐘，或從JR日根野站乘搭巴士約20分鐘
天見溫泉
相片提供：（公財）大阪觀光局
歷史悠久嘅「天見溫泉」於14世紀時開湯，位於大阪綠意盎然嘅天見川畔，泉質屬於單純放射能泉，對慢性膽囊炎、膽結石等均有療效。從車站徒步約1分鐘即可抵達佇立於大自然當中嘅日本旅館「天見溫泉 南天苑」。推薦前此旅館體驗一下邊浸溫泉，邊眺望窗外動人寫意景致。
從梅田前往嘅交通方式
- 從梅田站乘搭地下鐵及JR約1小時
編輯部嚴選！3個不同類別溫泉好去處
煩惱緊如何不離開市區又可以嘆返個靚溫泉？小編為大家嚴選出就算身處市區亦可以飽覽大自然景觀、享受如像遠離市區嘅住宿選擇，同埋玩足成日都唔厭嘅大型溫泉施設！
治癒身心露天溫泉－鳴山溫泉 不動口館
「不動口館」被美麗溪谷與滋潤心靈嘅大自然所包圍，館內除咗以天然溫泉見稱，其親切服務、笑容滿分嘅友好待客之道亦相當加分。住客可以喺度一邊聽著溪流潺潺流水聲，一邊享受療癒身心嘅露天溫泉、大浴場。「不動口館」有提供住宿・即日來回連午餐嘅包租露天溫泉服務，想要體驗非一般住宿生活完全不是夢。
帶有露天浴池嘅客房以及帶有露天浴池嘅日式雙人房，都係小編推薦嘅客房房型。任何時間都可以隨心所欲喺房內浸溫泉，仲可以獨佔眼前嘅大自然美景，完全無得輸！
菜式內容方面，住宿提供使用當地時令食材配合職人煮食技術精心烹調而成嘅一道又一道絕品美食，保證可以盡情享受既多彩又安逸嘅好時光。
景點資訊
- 地址：大阪府泉佐野市大樹7號
- 即日來回溫泉入浴時間：11:00～21:00（最後接待時間20:00）
- 即日來回入浴費用：大人1人900日圓、小童1人450日圓
- 平均住宿費用：1泊2食17,000日圓（含税）
- HP：http://www.fudouguchikan.com/
玩足全日都唔厭嘅溫泉主題樂園－空庭溫泉
「空庭溫泉」係關西最大規模嘅溫泉主題公園，可以盡情享受天然溫泉不在話下，仲可以喺呢個完美融合日本傳統與現代元素嘅空間裡，體驗到令人雀躍嘅獨特風格。
大家可以喺位於屋頂內充滿日本風情嘅巨大日本庭園中，一邊散步一邊享受足湯，別有一番風味。當中紅色嘅千本鳥居係小編推薦嘅打卡景點，記得去影返幾張靚相啦。
同場唔單止可以飽覽庭院美景，仲可以享受持續流動嘅源泉等9種不同種類溫泉。除咗有岩盤浴，設施亦有提供附帶露天溫泉坪庭獨立個室嘅包場服務，令人可以喺私人空間裡，盡情放鬆身心，係一個可以創造無限快樂回憶嘅溫泉地。
景點資訊
- 地址：大阪府大阪市港區弁天1丁目2-3
- 營業時間：11:00～23:00（最終入館22:00）
- 費用：平日成人2,640日圓、小童1,320日圓；六、日、公眾假日成人2,860日圓、小童1,430日圓
※大阪市入浴稅另計 - HP：https://solaniwa.com/
令人難以置信嘅絕美露天溫泉－大江戶溫泉物語 箕面觀光酒店
「大江戶溫泉物語 箕觀光酒店」最上層嘅展望大浴場，係令人感到難以置信嘅絕美露天溫泉。置身於此，藍天、晚霞到夜景可以盡收眼簾，仲可以眺望等到排列成如梯田般嘅大阪街道，絕景必會成為您旅程中嘅美好回憶。
室內溫泉為關西數一數二優良泉質嘅箕面溫泉，並被評定為療養溫泉喔。
用餐方面以自助餐形式提供，大家可以自由選擇兼大食特食場內各種美食，亦可以親眼目睹如像即場廚房般嘅臨場感，令人大飽眼福兼口福！住喺度嘅話，您嘅旅程簡直全日都Keep住興奮吖。
景點資訊
- 地址：大阪府箕面市溫泉町1-1
- 平均宿泊費用：成人2人1室（1泊2食）11,528日圓～28,578日圓
- HP:：https://minoh.ooedoonsen.jp/
從大阪出發約1小時即可抵達嘅溫泉地亦不容錯過！
位於關西地區嘅大阪交通網絡發達，從大阪出發去鄰近縣區可謂相當方便。下次去大阪旅行嘅時候，不妨利用大阪豐富多樣嘅交通方式，順道去鄰近縣區一遊吧。
有馬溫泉（兵庫縣）
日本國家指定嘅9種療養泉主要成分中，有馬溫泉就含有7種，因此屬於世界上罕見嘅溫泉。當中有呈鐵鏽紅色嘅金泉與無色透明嘅銀泉，由於各種泉水中嘅成分並不相同，所以一次過就可以享受到種類不一嘅溫泉所帶來嘅療效喔。
從大阪前往嘅交通方式
- 從大阪站乘搭地下鐵及私鐵，經過三之宮站、谷上站、有馬口站約1小時
嵐山溫泉（京都府）
講到嵐山，大家都會諗起京都旅遊勝地。而位於嵐山保津川河畔，融合大自然風光與古都氛圍嘅「嵐山溫泉」亦係人氣景點之一。除咗周邊旅遊景點滿載之外，仲可以體驗得到若鯰祭、鵜飼等各個季節性活動呢。
從大阪前往嘅交通方式
- 從阪急大阪梅田站經由桂站到嵐山站乘搭私鐵約1小時
白濱溫泉（和歌山縣）
「白濱温泉」位於紀伊半島西南部，擁有超過1,350年歷史，係日本三古湯之一。溫泉坐擁有好幾個泉質不同嘅源泉，各有不同種類功效，令人不禁期待其豐富多樣嘅功效喔。除咗溫泉之外，您亦有機會可以遇上美妙嘅煙花匯演、璀璨燈飾等超吸睛活動。
從大阪前往嘅交通方式
- • 從JR新大阪站乘搭特急列車約2小時30分，到白濱湯崎溫泉乘搭巴士約15分鐘
Comments