山梨縣（Yamanashi）位於日本本州中部地區，連接東京嘅交通四通八達，因此山梨非常適合作為從遊客當天往返東京嘅旅行目的地。
當然，如果您要喺山梨停留較長時間的話，縣內亦有多個休閒娛樂設施方便您安排行程，例如您可以造訪山梨縣廳所在地甲府市內風景宜人、雄偉又神秘嘅富士山；如果喜好戶外活動，山梨有豐富壯麗山景或如月球表面般嘅懸崖峭壁可以供遊客欣賞。另外，縣內亦有多間神社或其他歷史遺跡為當地增添唔少傳統氣息。
因為鄰近東京，所以山梨經常被觀光客忽略其觀光價值。但如果您有機會到山梨旅遊，您就會發現其實山梨比您想像中有睇頭得多。一句講晒，山梨就係您想要遠離喧囂東京時嘅完美渡假勝地！
來去山梨：
乘搭飛機：
由於山梨當地並無機場，所以必須先乘搭飛抵東京成田或羽田之飛機，再從機場乘搭巴士前往最終目的地。
乘搭列車：
山梨有連接東京、新宿、松本與靜岡嘅中央本線以及身延線運行，山梨主要車站為甲府、大月、小淵澤以及身延。
乘搭巴士：
山梨甲府市有行駛到新宿、大阪、京都以及名古屋之巴士路線。各路線由唔同巴士公司營運，遊客可以按各家車費或時間表選擇配合自己時間或符合預算之巴士公司。
觀光景點：
富士山（Mount Fuji）
唔使我多費口舌介紹，座落於山梨縣內嘅富士山無庸置疑就係山梨縣最大招牌景點。您可以藉由征服呢座日本最高峰以一覽縣內美景。當然，登頂需耗時5～7小時，從山頂落山亦需要花費4小時左右，但一旦您成功登頂，您就可以圍繞火山口一圈欣賞其壯麗風光，加上富士山本身帶著神話傳奇色彩，因此日本三大名山之一就更加值得您到訪。如果您對攀登富士山唔感興趣，四周仲有多個其他景點可供選擇，畀您有機會近距離觀賞富士山，用快門紀錄絕美景致。
富士五湖（Fuji Five Lakes Region）
五湖包括西湖、精進湖、本栖湖、河口湖以及山中湖，正因為湖泊座落於富士山登山口附近，因而就被稱作富士五湖。喺呢個如詩如畫嘅風景區內，您可以露營、健行又或釣魚，仲可以選擇到位處附近嘅富士急樂園。富士急樂園佔地124英畝，園內多達33種以上嘅遊樂設施一定可以令您玩得不亦樂乎！
與此同時，富士急樂園仲坐擁號稱世界最大嘅鬼屋－「戰慄迷宮」。
武田神社（Takeda-jinja Shrine）
武田神社係甲府市中數一數二嘅著名景點，內裡祭祀著日本著名武將武田真玄，武田家族亦因對此地嘅建設而為人熟悉。每年3、4月期間，武田神社就會化身為著名賞櫻景點，您可以漫遊神社一圈欣賞神社內各處景觀，亦可以到神社內嘅寶物殿欣賞殿中名劍收藏。
昇仙峽（Shosenkyo Gorge）
山梨縣內另一個頂級觀光景點。被眾多日本人視為日本最美峽谷嘅昇仙峽係秩父多摩甲斐國立公園內一部份，如果您要一探自然之美，就絕對唔可錯過此處景色。昇仙峽距離甲府市僅約30分鐘車程，步道由仙娥瀑布起開始計算長約4公里，沿路充滿大大小小懸崖陡壁。
輕鬆免稅購：
永旺夢樂城（AEON Mall）
位於甲府嘅永旺夢樂城係當地最大購物中心之一，內裡充滿各式各樣店家供遊客選購心頭好，當中亦包含針對年輕男女嘅流行服飾店。如果您行到攰或肚餓時想休息，場內亦有美食街可以畀您填飽肚。從身延線常永車站出發，就可以輕鬆到達永旺夢樂城。
Lazawalk
韮崎市Lazawalk為另一座人氣流行購物中心。場內男女流行服飾、傢俱家居用品等應有盡有，絕對可以滿足閣下各種購物需求。如果行到攰的話，您可以到場內多間時髦cafe或快餐店稍作休息。乘搭中央本線到鹽崎車站再步行10鐘，就可以輕鬆抵達。
八之岳 Resort Outlets（Yatsugatake Outlet Mall）
如果您想要喺山梨買到物美價廉嘅優惠商品，其中一個好去處就係位於小淵澤嘅八之岳Resort Outlets。內裡除咗有各家品牌嘅特價過季商品，仲有多間流行名牌、戶外運動服飾、雜貨以及飾品、鞋子等品牌可供選購。購物中心內亦設有餐廳與cafe供遊客用餐及休息。
最佳造訪時節：
對於想要登上富士山頂嘅人士，富士山攀山開放期間為6月至9月。開放期間過後，當地氣溫就會驟降，並有大雪及雪崩風險，不建議此時進行攀山活動。
如果您對攀登富士山不感興趣，則可以選擇3月到山梨欣賞櫻花。同樣地，10、11月秋季，整個山梨都會染上紅黃相間嘅秋葉色彩，屆時漫步於山梨內的公園的話，亦係一項充滿詩情畫意嘅旅遊好選擇。
Comments