巧妙地利用天然險峻地形所興建而成嘅山城，即係指將自然山峰經過削平、挖掘、盛土堆固等工程，建造出護城河、土壘（用於區劃及防禦嘅堤壩）、曲輪（被區劃嘅平坦地）等區域嘅城堡。由於城堡整體幾乎都係用泥土建造，而建築物本身則係以木造嘅簡易建築，因此現時幾乎並無留下昔日建築物嘅遺跡。例如今次小編將會為大家介紹嘅岐阜縣岩村城、奈良縣高取城以及岡山縣備中松山城被合稱為「日本三大山城」。每一個山城都擁有其「日本第一」、獨一無二嘅特色！
日本三大山城之一「岩村城」！本丸最高處標高為日本第一
位於岐阜縣惠那市嘅岩村城本丸，建於標高717米高處，屬全日本最高嘅山城。由於建城時活用到當地容易起霧嘅氣候現象，因此亦擁有「霧之城」別名。
岩村城城主係於日本歷史上相當活躍嘅戰國武將「織田信長」嘅舅母，令岩村城亦作為「女城主之城」而廣為人知。現時，昔日嘅石垣仍然殘留於舊城址上，令後人可以透過此地風景感受當時城堡面貌。
景點資訊
- 名稱：岩村城
- 地址：岐阜縣惠那市岩村町城山
- 可入場時間：自由入場
- 交通方式：從明知鐵路「岩村站」落車，徒步前往岩村歷史資料館約20分鐘（前往本丸則要再行多約20分鐘）
日本三大山城之一「高取城」！從山腳到本丸嘅距離之長為日本第一
奈良縣高市郡高取城位於奈良盆地與吉野川之間、標高約583米嘅高取山山頂上。從山腳去到本丸嘅高低差距有成390米，係日本城堡當中嘅最高記錄。雖然高取城裡面幾乎無遺留著任何昔日嘅建築物，但石垣就仍然獲好好地保留至今，讓遊客有機會透過石垣得知城堡構造。據推測，當時城內周圍長約30km，而郭內（石垣內）周長亦長達約20km，相當於姬路城嘅規模。
景點資訊
- 名稱：高取城
- 地址：奈良縣高市郡高取町高取
- 可入場時間：自由入場（隨時）
- 交通方式：從近鐵吉野線「壺阪山」站乘搭往「壺阪寺方向」搭奈良交通巴士，於「壺阪寺前」落車徒步約40分鐘
日本三大山城之一「備中松山城」！天守所在位置標高為日本第一
位於岡山縣高梁市、建於臥牛山山頂附近嘅備中松山城，係日本唯一保留著天守嘅山城，亦係日本現存12天守嘅城堡之一。天守所在位置為標高430米高處，為日本第一高嘅天守所在地。因為備中松山城位於岡山縣高梁市，所以亦有「高梁城」之別名。
從秋天到春天嘅清晨，山城都會被一片廣闊雲海包圍，根據天氣情況，您仲有機會可以欣賞到猶如漂浮喺雲海之中嘅備中松山城，令古城近年來作為漂浮於雲海中嘅「天空山城」一躍成為人氣打卡熱點。只要一到可以一睹夢幻山城絕景嘅季節，從一大早就會開始，就有大量粉絲特地前去拜訪喔。
景點資訊
- 名稱：備中松山城
- 地址：岡山縣高梁市內山下1
- 開城時間：
9:00～17:30（4月～9月）／最終入城時間17:00
9:00～16:30（10月～3月）／最終入城時間16:00 - 休城日：12月29日～1月3日
- 入城費用：大人500日圓・中小學生200日圓
- 交通方式：備中高梁站（高梁巴士中心）→[高梁市內循環巴士]約10分鐘→松山城登山口…徒步約50分鐘
Comments