【2024年】東京到大阪的新幹線車票怎麼買？比較乘車時間、車費價錢、購票方法全攻略！

相信唔少第一次去日本旅行嘅外國遊客，都想同時盡情遊覽東京同大阪呢兩大城市。東京同大阪之間嘅距離其實有成500 km，雖然乘搭日本國內航班的話飛行時間大約只需一個小時左右，但上機前要預時間去完成機場Check-in等程序，到頭來加加埋埋所花費嘅就唔止區區一粒鐘！

不過，如果從東京站搭新幹線出發嘅話，就無需經過機場般嘅繁複手續，只需約2個半小時即可到達大阪站，非常方便！今次就要同大家分享，從東京站搭到去大阪站嘅新幹線有邊幾種喔。

日本新幹線有咩特色？

新幹線就係勝在夠快！

「新幹線」係日本高速鐵路系統，係指能夠以時速200km以上、高速行駛嘅列車。日本首條新幹線路線係於1964年10月1日通車、連結東京與大阪之間嘅東海道新幹線。新幹線以最高時速約285km超高速行駛，因其卓越安全性而受到大眾信賴。遠距離移動嘅情况下，比起被稱為「在來線」嘅一般列車，更推薦乘搭新幹線。

指定席與自由席，要點揀至好？

指定席正如字面意思，係可以指定乘坐嘅列車與座位。另一方面，自由席則只需於特定乘車日與乘車區間範圍內，無論任何時段嘅新幹線都可以乘搭。但係，因為無法預先劃位，所以喺長時間移動嘅情况下，推薦選擇可以事先劃位嘅指定席喔。

新幹線綠色車廂猶如飛機頭等艙？

新幹線設有「普通車廂」以及「綠色車廂」2種車廂。綠色車廂特點係座位比普通車廂寬敞舒適，並享有額外設施與服務，可以想像成就好似飛機經濟艙（普通車廂）與頭等艙（綠色車廂），兩者票價亦有所不同，購買嘅時候記得要留意喔。

從東京出發去大阪嘅話，就搭東海道新幹線啦！

東京站面積範圍相當廣闊，多條新幹線、在來線、私營鐵路等路線皆齊集交匯於此，當中包括短時間內乘載乘客從日本北部北海道，抵達南部九州嘅新幹線，就一共有7條。（北海道新幹線、秋田新幹線、山形新幹線、東北新幹線、上越新幹線、北陸新幹線、東海道・山陽新幹線）

從東京站到新大阪站之間行駛嘅新幹線被稱為「東海道新幹線」，從新大阪到九州博多站（福岡）之間行駛嘅新幹線被稱為「山陽新幹線」。東海道新幹線與山陽新幹線直通運行，所以喺東京站乘搭新幹線嘅話，無需轉車就能夠直達博多。

希望號、光號、回聲號列車又有咩分別？

有別於在來線，每一架新幹線列車都各有專屬名稱。東海道新幹線有「希望（のぞみ）」號、「光（ひかり）」號、「回聲（こだま）」號3種列車。雖然座位配置係一樣，但唔同列車嘅特徵亦有所不同，根據自己需求與旅行日程去選擇所需嘅新幹線列車吧。

3種列車當中，希望號嘅停車站最少，從東京站到新大阪站嘅移動時間亦係最短。

記得要留意：新大阪站同大阪站係兩個唔同車站！如果利用JR PASS（外國人專用JR東日本鐵路周遊券）乘搭光號或回聲號列車的話，會更加划算喔！

※無法用JR PASS乘搭希望號。

如何享受乘搭新幹線嘅樂趣？舒適度無得輸！

「新幹線」同「在來線」嘅車輛大不相同—新幹線最大特徵係有提供充實嘅車內服務與設備！新幹線裡面有廁所、洗面室、吸煙室等設施。即使係比較長時間嘅旅程，亦可以安心乘搭。

新幹線座位並非如普通電車般採用「兩邊橫行排列」座位，而係採用2人座位或3人座位嘅縱向排列，於移動當中可以從窗邊座位眺望富士山與大海景色，更設有可放置手提行李箱嘅寬敞舒適座位。乘客仲可以自由調整座位椅背嘅角度，以及利用座位前面嘅摺疊餐檯享用車內販賣嘅車站便當等等，即使一大早出發都可以喺車內慢慢嘆返個靚早餐。

車廂內亦設有充電插座、免費Wifi等設備，等乘客可以置身於舒適嘅空間裡，使用電腦或智能手機，一邊睇電影或聽音樂一邊移動，服務相當貼心！

東海道新幹線的車票怎麼買？

新幹線車票究竟要喺邊度購買？即睇以下介紹。

乘車券＆新幹線特急券都係必須！

乘搭新幹線並非一張車票就可以搞掂上車，而係需要用到「乘車券」與「特急券」。「乘車券」與「特急券」會有分開2張嘅情况，亦會有同一張車票兼備「乘車券」・「特急券」嘅情况，記得要注意喔。再補充少少說明，「乘車券」與乘搭普通電車時嘅車票係一樣，如果要搭「快速」、「舒適」移動嘅列車，譬如新幹線，就要額外購買「特急券」。

購票方法

遊客可以喺網絡、車站售票機、JR綠色窗口處購買新幹線車票。如果對於購買車票感到不安嘅話，最好去有工作人員所在嘅綠色窗口購買。根據普通車廂、綠色車廂、自由席或指定席嘅不同情況，車票售價亦有所不同。喺綠色視窗購買嘅話，請事先决定好要購買嘅車票，並填寫「乘車券・特急券申請書」，再提交畀綠色窗口嘅工作人員就順利完成購票程序。

另外，即使已購買JR PASS，使用指定席嘅情况下，亦要事先預約座位，搭車前千祈唔好忘記喔！