大家好，我係有好一段時間未有寫新文章嘅亂入先生！
今年日本櫻花季已過，跟住落嚟就係要準備迎接有少少潮濕嘅梅雨季。
梅雨季係我第二討厭嘅季節，但都算係日本特色氣候之一。
氣候一潮濕，相對地亦會影響到髮型嘅打理，搞到我會忍唔住係度諗係咪係時候去剪返個光頭就算。
反正光頭造型同祈求停雨嘅晴天娃娃一樣，啱晒梅雨季喇(笑)。
而家睇緊呢篇文章嘅咁多位讀者們，可能你哋係之前就已經有睇過亂入先生專欄，或一直支持FUN! JAPAN嘅會員朋友，亦有可能係新朋友。如果您已經係FUN! JAPAN會員讀者們，就應該會注意到最近FUN! JAPAN電子報與以往大不相同，變得超級活潑(?)又有趣(?)，而且每星期會發送1次喔！
咁有趣嘅內容，其實係由日籍FUN!編Shiori與我本人亂入先生輪流拼命地絞盡腦汁去寫㗎！！
跟住落嚟就等我公器私用，去宣傳一下當中有咩精彩内容！
首先登場嘅係「漫畫特輯」。精選出日文當中經常會用到嘅詞彙，用漫畫嘅模式簡單明瞭地向大家講解說明。如果您學緊日文嘅話，就得要Memo低，記多幾個日文詞彙，咁您距離「日本通」嘅路程又可以更進一步。
然後就係由FUN! JAPAN編輯們所推介嘅「發現日本特輯」，會介紹不太常見嘅情報，係一個可以深度了解日本嘅好機會。
當然，亦有介紹FUN! JAPAN編輯部精選文章以及FUN! JAPAN SELECT SHOP店長推薦商品。
仲未成為會員嘅您，如果想收到內容咁生動有趣嘅電子報，記得首先要做嘅就係註冊成為FUN! JAPAN會員，就可以每星期都收到精彩內容嘅電子報喔！
日籍FUN!編Shiori與我本人亂入先生會繼續努力收集各種情報，敬請拭目以待！
如果大家有任何想知道想了解嘅資訊內容，歡迎留言話畀我哋知！您嘅留言都會成為我哋努力嘅源動力喔！
我哋下次見~Ciao！
亂入先生小檔案：
又名「戀愛神算」、「愛情KOL」、「減肥教主」、「漫畫專家」…頭銜多不勝數。為求廣大讀者睇得皆大歡喜，現時正作為撰文菜鳥每日絞盡腦汁構思文章企劃。巨蟹座、O型血，性格博愛包容。座右銘為「男子漢大丈夫，即使地獄當前都應該一笑置之。」
Comments