【食譜影片】味噌湯以外推薦湯品選擇！日本精進料理「日式蔬菜湯」食譜介紹

日式蔬菜湯「けんちん汁」係精進料理（*1）嘅其中一樣菜式，，食材以根莖類蔬菜為主，主要用料包括白蘿蔔、紅蘿蔔、牛蒡、芋頭、蒟篛、豆腐，屬於比較清爽嘅湯品。雖然日本一般嘅精進料理一律唔會使用肉類、魚類等動物性食材，惟近年亦陸陸續續出現有別傳統嘅精進料理創作菜式，而今次要介紹嘅食譜正正係創作版嘅日式蔬菜湯！

*1：日本「精進料理」（しょうじんりょうり）為基於佛教戒律，避免殺生與使用會刺激煩惱嘅食材為主要目的下所烹煮而成嘅菜式。

日式蔬菜湯材料（4人份量）

• 雞胸肉 80g
• 白蘿蔔 100g
• 芋頭 100g
• 油豆腐 1塊
• 紅蘿蔔 30g
• 蒟篛100g
• 牛蒡 30g
• 水 600ml ＆ 適量 (浸泡用)
• 鴻喜菇 30g
• 高湯 3g
• 長葱 10cm (可省略)

(醬汁A)

• 味醂 3湯匙
• 醬油 3湯匙
• 麻油 1湯匙

日式蔬菜湯製作方法

準備工夫：將牛蒡、紅蘿蔔、芋頭塊去皮、油豆腐放入熱水中去油、水煮蒟篛去除臭味。

1. 將牛蒡切成圓片，放水浸泡約5分鐘後，然後放上笊篱瀝乾水分。將芋頭切成圓片，白蘿蔔與紅蘿蔔切成銀杏葉般5mm闊嘅片狀。
2. 將鴻喜菇根部切除，剝開成容易入口嘅大小。
3. 將油豆腐橫切一半，再切成1cm闊嘅大小。
4. 將蒟篛稍微煮一下之後，用匙羮挖成一口大小。
5. 喺鍋裡加入麻油，放入雞肉翻炒。雞肉翻炒完成後放入牛蒡、白蘿蔔、紅蘿蔔、芋頭、蒟篛、鴻喜菇進行翻炒。
6. 加入水600ml煮至沸騰。記得要撈走煮湯時出現嘅浮油泡泡。
7. 按照順序加入高湯、醬油以及味醂。
8. 當所有材料都煮熟沸騰後，就大功告成。倒入碗裡後，可按喜好撒上適量葱享用喔！