岡山的温泉推薦3選：湯鄉温泉、湯原温泉、奧津温泉！温泉介紹及旅館推介

位於日本中國地區嘅岡山縣內有不少優質温泉。岡山嘅天然温泉面向瀨戶內海，又鄰近廣島等著名旅行目的地，去到浸返個靚温泉一定可以幫你一洗疲勞呢！

岡山有好多出名嘅温泉地，其中三個集中喺叫做美作嘅地區。被統稱為「美作三湯」嘅湯鄉温泉、湯原温泉、奧津温泉亦係岡山縣美作地區嘅代表性景點。今次就為大家逐一介紹呢三個温泉地及並推薦住宿啦。

湯鄉温泉：美肌之湯

湯鄉温泉從平安時代開始存在，擁有1200年歷史，係岡山其中一個可以讓身心放鬆嘅地方。據說係慈覺大師（圓仁）喺受傷嘅白鷺帶領下所發現嘅温泉，因此又名「鷺之湯」並享譽全國。

温泉泉質係氯化鈉和氯化鈣，作為美肌之湯非常受女性歡迎，對腸胃病，神經痛症、風濕、貧血、婦科病、皮膚病等都有療效。

温泉街有名叫「湯鄉口袋公園 互動之湯（湯郷ポケットパーク ふれあいの湯）」嘅免費足浴設施。足浴呈為腳印形狀，來自巨人「三步太郎」以三步就從岡山往返京都嘅傳說。另外，呢度有唔少温泉設施，當中最受歡迎嘅不連住宿浸浴設施「湯鄉鷺温泉館」提供同樣設有桑拿同水療按摩浴池嘅「湯之湯」同「清之湯」兩大浴場之外，仲有5個家庭式私人温泉浴池。

另外，温泉街上有好多無須入住、可單獨使用其温泉設施嘅旅館、酒店等，並提供享受多種唔同温泉嘅「浴湯巡禮杯墊（湯めぐりコースター）」，可以喺湯鄉鷺温泉館、旅館嘅温泉設施當中任選3處浸温泉。但要留意此票券只有入住湯鄉温泉街上旅館或酒店嘅住客先可以購買及使用。

湯鄉温泉仲有鐵道模型館同懷舊玩具館。而且美作地區據說係宮本武藏嘅出生地，所以亦有提供居合道劍術等體驗活動喔。

前往湯鄉温泉的交通方式

從岡山站乘搭「前往林野站・湯鄉温泉」巴士，車程1小時40分鐘。如果係從倉敷前往，乘搭JR山陽本線約18分鐘，到岡山站後乘搭巴士到湯鄉温泉。或者從倉敷直接揸車約1小時20分鐘。

推薦住宿：「湯鄉温泉 罌粟花春天SPA度假飯店」奢華浸浴體驗

罌粟花春天SPA度假飯店係現代感十足嘅渡假酒店，你可以享受有著加州風格嘅建築設計、温泉設施同法式創意料理。

最吸引人嘅莫過於附有水療設施嘅「JACUZZI浴場（ジャグジー浴場） 」！除咗浸浴設施，蒸氣桑拿、香薰治療、按摩服務等等。如果想浸更和風嘅風呂，住客亦可從酒店步行3分鐘到湯鄉Grand酒店，免費使用露天風呂等温泉設施。

住宿資訊

• 名稱：罌粟花春天SPA度假飯店（ポピースプリングスリゾート＆スパ）
• 地址： 岡山縣美作市湯鄉538-1
• 位置：「那天的玩具箱 昭和館（あの日のおもちゃ箱 昭和館）」以南、處於温泉街中央位置。
• 交通方式：乘搭「前往林野站・湯鄉温泉」的宇野巴士，車程為1小時40分鐘，於「湯鄉温泉下」巴士站落車，步行3分鐘。住客亦可於岡山站乘搭免費接駁巴士（須事先預約）。
• 入住時間：15:00後
• 退房時間：10:00前

湯原温泉：河邊的度假村

湯原温泉位於湯原水壩下遊，沿著旭河流延展嘅温泉。湯原湖周圍有著優美景觀，最適合想旅行中帶點奢華感覺嘅人。湯原温泉仲因為有罕見嘅混浴露天風呂而聞名。

湯原温泉，係岡山嘅湯原温泉鄉（5處著名温泉地嘅統稱）之中温泉水量最多嘅温泉。

當中最具有代表性嘅景點嘅「砂湯」係因湧出温泉水時會將河底砂石噴出，因而被命名為砂湯。此混浴露天風呂24小時免費入場。喺日本浸温泉普遍係禁止著泳衣，但呢個露天温泉係可以著住泳衣浸㗎。如果無準備都唔緊要，旅館、湯原觀光資訊中心、湯本温泉館等有提供混浴泳衣嘅租借服務。難得去到，就趁呢個機會好好享受被大自然包圍嘅露天温泉啦！

湯原温泉除咗有砂湯，仲有「湯原悠閒廣場（ゆばら湯っ足り広場）」嘅「大鯢足浴（はんざき足湯）」、「鼓橋（つづみ橋）」下嘅手浴、足浴等，可以免費使用嘅浸浴設施。

而觀光景點方面，有「湯原温泉博物館」，為研究、觀察呢個地區嘅日本大鯢（俗稱大山椒魚）而建嘅「大鯢中心（真庭市日本大鯢保護中心）」，喺街上各處都可以搵到日本大鯢雕像嘅蹤影。

另外，湯原温泉作為為數不多嘅日本河鹿蛙嘅棲息地以被日本政府指定為「天然記念物」指定地區，5月下旬時更可以喺湯原温泉街嘅田羽根川聽到河鹿蛙嘅大合唱添。

前往湯原温泉的交通方式

從岡山站乘搭中鐵巴士，到達JR中國勝山站後轉乘「真庭市市區巴士（真庭市コミュニティバス）」，車程約2小時50分。或乘搭日之丸巴士的高速巴士的話，到湯原温泉口巴士站約需1個半小時。而揸車的話約1小時車程。

從倉敷站出發的話，可以乘搭JR山陽本線前往岡山，約需18分鐘，再從岡山乘搭巴士到達湯原温泉口，或直接從倉敷揸車約需1小時。

推薦住宿：「湯原温泉 八景」河景旅館

「湯原温泉 八景」係可以欣賞温泉街同河川景觀嘅人氣旅館。位置好近熱門嘅砂湯、「湯原見晴展望台（湯原温泉みはらし展望台）」，非常適合作為逛遊温泉街嘅據點。客房方面有設有和室同洋床嘅和洋室、內附露天風呂嘅和室。

包場Spa「空之湯」同包場桑拿「風之湯」都好受歡迎，即使唔入住旅館，只使用「空之湯」或「風之湯」設施，都能以正價嘅半價優惠享用埋男女分開嘅大浴場「川之湯」添！

旅館資訊

奧津温泉：擁有獨特風情的秘湯

奧津温泉係弱鹼性單純泉水嘅美肌之湯，亦以腳踏洗衣而聞名。被中國地方群山包圍，係日本觀光地百選之一嘅温泉鄉。傳說喺日本神話中八雲御所時代，由受大國主命指示到達此地嘅少彥名命所發現。江戶時代，津山藩嘅大名——森忠政甚至將此地列作私人温泉療養場地，並禁止一般人使用，而被廣為人知。另外亦成為於1962年將小說《秋津温泉》拍成電影嘅拍攝場地。

河流沿岸被稱為洗衣場嘅露天足浴，喺3月上旬至12月中旬嘅第一週同第三週嘅星期日朝早進行腳踏洗衣表演（※天氣惡劣時會取消）。本來係當地人為使用温泉水洗衫時作勢避免狼或熊接近，而家就演變成配合奧津小曲嚟跳舞嘅表演。表演日以外，喺洗衣場可以免費使用足浴。

想只享受浸温泉、不需住宿的話，推薦到村內嘅温泉設施「花美人之里」。1樓同2樓都分別有大浴場同露天風呂，仲有家庭風呂可以享用，木造温泉池讓人感受柔和温暖感嘅温泉設施。費用為大人（中學生以上）800日圓。奧津温泉擁有優質泉水，連化妝品公司都會使用此泉水嚟製作商品，所以千萬唔好錯過享用源泉掛流式温泉嘅機會喇！

附近嘅觀光景點有河川下流嘅奧津峽，係觀賞紅葉嘅名勝景點。 

前往奧津温泉的交通方式

從岡山站乘搭JR津山線到津山站，約需時70-90分鐘。再從津山站乘搭「前往奧津温泉・可越方向」的中鐵巴士，車程約60分鐘，於奧津温泉落車。

從倉敷出發的話，乘搭20分鐘電車到岡山站，再使用上述方式前往即可。

推薦住宿：日本傳統旅館「奧津莊」簡直就像別莊一樣寬敞！

奧津莊係一間1927年建造嘅木造古民家旅館，於2018年重新裝修後被列為「國家有形文化財」。奧津莊最引以為傲係四個全部直接使用由旅館地下泉源湧出嘅泉水，無加水、無加温、不使用循環模式，喺日本國內都非常罕見，更被稱為「奇跡之湯」。

當中「立湯」喺日本温泉當中都好少有，喺水深120cm嘅浴池站立浸浴。住客或只浸浴不含住宿嘅人士都可使用「立湯」同「鍵湯」。兩個包場風呂（「川之湯」同「泉之湯」）只要無被預約嘅情況下，住客都可以自由使用。而只浸浴不含住宿嘅來客，只可使用「泉之湯」（但不可事先預約）。客房類型有提供布團及榻榻米嘅和室，部份內附露天風呂，仲有鋪有地板嘅洋室。

旅館資訊

• 名稱：奧津莊（奥津荘）
• 地址：岡山縣苫田郡鏡野町奧津48
• 位置：從花美人之里渡橋後，於奧津温泉巴士站前
• 交通方式：從津山站乘搭前往奧津温泉嘅中鐵巴士。大阪難波亦有直達高速巴士，一日1至2班車。
• 入住時間：15:00後
• 退房時間：10:00前