福井縣面向日本海，可以捕獲非常多香港朋友鍾意嘅海鮮，例如蝦、蟹、魷魚、八爪魚等等。尤其喺每年嘅冬季，福井縣吸引唔少國內外嘅遊客到訪。
另外，福井縣嘅傳統工藝「越前打刃物」，經由傳承700年傳統與精粹嘅職人技術而生。越前打刃物承接傳統產業嘅同時，亦追求創新產品，務求要製作兼具鋒利、美感、易用嘅刀具。越前打刃物喺世界各國都獲得極高評價。
今次為您介紹福井縣特選名產網站「Discover FUKUI」中推薦嘅福井海鮮與越前打刃物。
商品介紹①Takida enterprise瀧田企業株式會社 美味海鮮煎餅
「越前海鮮俱樂部」嘅海鮮煎餅，將海鮮嘅美味完完整整濃縮至煎餅裡面。以「想讓您品嘗最新鮮嘅海鮮風味」為理念，煎餅係非常豪邁咁用咗原隻海鮮食材去燒烤，由新鮮海鮮製作而成。當您打開包裝，香噴噴嘅海鮮香味會撲鼻而來。越前海鮮俱樂部對於澱粉方面亦相當講究，堅持不使用食品添加物嘅修飾澱粉，採用安全性高，而且可以帶出食材本身最佳風味嘅「馬鈴薯澱粉」。
特別推薦嘅係用上原隻新鮮甜蝦油炸而成嘅「甜蝦炸煎餅」。「甜蝦炸煎餅」使用嘅甜蝦係福井縣三國港所捕獲嘅新鮮越前甜蝦，呢個地方亦係日本首屈一指嘅甜蝦漁場。越前甜蝦擁有鮮紅色嘅蝦身與濃郁甜味，高級餐廳亦會用越前甜蝦製作成甜蝦魚生供客人享用。頂級甜蝦製作成煎餅後，既香脆又夠鮮味，食得更滋味，品嘗得更方便輕鬆。
另外仲有愈食愈過癮嘅「八爪魚炸煎餅」，如果喺享用煎餅嘅同時嘆返杯啤酒、紅酒或白酒，令當下嘅相聚時光變得優雅又愜意。「魷魚炸煎餅」咬落又酥又脆，留畀小朋友做點心就啱晒啦。快啲去品嘗令人銷魂嘅零食啦。
https://www.discover-fukui.jp/zh-TW/store/detail.php?id=9
商品介紹②龍泉刃物刀具
運用越前打刃物傳統技術所製作嘅刀具，兼具最完美鋒利刀感與強韌度。刀具透過獨特工法所製作而成。「Nimai kasane（二枚重ね）」技術可減少刀片表面嘅不平整度，而「Mawashi haganetsuke（廻し鋼着け）」技術係將鐮刀等鋼材處理得更薄，由此製作出更易磨銳嘅好刀具。
講究方便使用、外觀優美、高雅設計，從2013年起連續五年榮獲優良設計獎（GOOD DESIGN AWARD）。
喺優質嘅刀具當中，最推薦嘅係兼具傳統與時尚嘅廚師刀「風格龍 和」系列。使用展現驚人鋒利度嘅高品質「大馬士革 ATS314鋼材」，特徵係具有持久嘅鋒利度同典雅設計。刀身浮現出嘅優美大馬士革紋，營造出宛如水墨畫流雲般咁優雅細緻。刀柄採用加拿大產嘅「楓木」製作，非常「好揸手」，用落唔會容易覺得攰。
另外，仲推薦擁有美麗刀片光澤和花紋圖樣嘅「梵天雲龍的專業系列」，以及根據專業廚師們嘅意見所製作嘅「丹巖龍經典系列」，因為就算「揸得耐」都唔容易攰，加上安全性特別高，所以廣受大眾喜愛。每把廚刀都配有豪華嘅專用收納盒，好啱用嚟送禮畀親朋好友！
https://www.discover-fukui.jp/zh-TW/store/detail.php?id=2
將福井名產由日本直送到您家中！
福井縣仲有好多香港嘅朋友可能未係太熟悉嘅特產。即刻去揀選利用漁夫嘅智慧所製作出嘅日本風味海鮮煎餅品嘗一番，或者入手返把兼具美感與實用嘅高級廚師刀，為您嘅日常煮食生活增添多幾分色彩！
快啲點擊下列網址進入福井縣特產網上商店「Discover FUKUI」嘅網站，選購幾款啱您心水嘅福井名物！
Comments