您知道嗎？日本福井縣其實係織品一大產地！特別係位於福井縣北部嘅坂井市丸岡町，正正係「越前織品」嘅集中地。越前織品特徵係質地細膩，採用五彩絲線展現出複雜圖案嘅美術工藝品。主要用喺標籤、絲帶、徽章等多種紡織製品。利用越前織品所製作嘅可愛配飾以及絲帶廣受日本國內外顧客喜愛。今次為您介紹福井縣特選商品網站「Discover FUKUI」中推薦嘅越前織品。
商品介紹①ORI-EN
首先介紹ORI-EN所售賣嘅越前織品小物。ORI-EN標籤店創業於1925年，最初以生產國內外著名服裝品牌嘅標籤為主。運用高超技術同非凡設計，如今唔單止標籤，同時亦有製造及售賣多款越前織品小物。充滿獨特創意同原創性嘅商品，適合各個年齡層，無論喺日本國內定海外都備受矚目。
當中最具人氣嘅商品，就係使用越前織品所製作嘅ORIMASK。口罩上面嘅複雜圖案全部都係由絲線做成，華麗中不失高雅。裡布採用具有抗菌除臭效果嘅纖維以及接觸冷感纖維互相交織而成，透氣性佳，即使喺大熱天時都可以好舒適咁戴著口罩。
ORIMASK設計嘅眾多款色之中，最推薦嘅一款就係「LIGHT FORCE®+」福井盜龍款。以福井縣出土化石「福井盜龍」為設計主題，化石部分喺閃光燈拍攝等強光下呈現出彩虹光芒相當吸睛。唔單止外觀時尚，喺汽車大燈照射時仲會發出七彩光芒，可以保護夜晚行走於路上嘅兒童安全。
除咗口罩，磁石書籤亦係受歡迎產品之一！ 將Memo紙貼喺筆記簿或記事簿裡面，除咗可能會出現突然甩，唔知去咗邊嘅情況，同時外觀望落亦唔太OK。如果使用越前織品嘅磁石書籤，唔單止輕巧可愛、又唔「厊位 」，加上使用磁石設計可以將書頁夾得實一實。磁石書籤款式採用福井盜龍化石設計，存在感十足，絕對係送畀親朋好友嘅最佳選擇。
https://www.discover-fukui.jp/zh-TW/store/detail.php?id=7
商品介紹②RAPYARN RIBBON
下一個要介紹嘅係越前織品嘅絲帶與配飾品牌「RAPYARN RIBBON」。複雜設計與溫柔觸感嘅高品質絲帶、配飾，全部使用傳統紡織機「梭織機」所製作而成。
蒂羅爾絲帶係RAPYARN RIBBON嘅起源，原本係生活喺奧地利西部至義大利東北部蒂羅爾山區居民嘅裝飾品。絲帶設計多數與蒂羅爾地區居民嘅生活息息相關，例如花朵、動物、天空和山脈等等。就好似融入生活當中嘅蒂羅爾絲帶，RAPYARN RIBBON加入全新感覺，採用可愛、懷舊氣氛嘅絲帶去點綴您嘅生活。
多款RAPYARN RIBBON商品當中，最推薦就係相機帶。相機商品幾乎係男士專用，造型可能比較單調。但係RAPYARN RIBBON嘅相機帶顏色鮮艷又可愛，非常適合想要享受相機時尚嘅朋友。相機帶嘅背面採用100%純棉材質，即使長時間使用亦唔容易造成頸部痠痛。
富士山設計嘅和風相機帶喺海外特別受歡迎，顏色有青檸黃、淡橙、淺粉紅色等三組可愛、沉穩顏色。當然除咗富士山之外，仲有雀仔、蒲公英、鬱金香、貓咪等多種可愛圖案任君選擇。
無相機嘅朋友，歡迎去睇睇RAPYARN嘅袋仔喔！採用RAPYARN RIBBON材質所製成嘅袋仔，好啱放化妝品和小配件。手提位嘅絲帶設計講究時尚與可愛，每一個小細節都唔放過。袋仔有三種圖案和兩種配色，搭配與變化出六種設計。可愛嘅袋仔無論係搭配休閒服裝抑或係和服都可以大派用場，令你嘅生活更添色彩！
https://www.discover-fukui.jp/zh-TW/store/detail.php?id=8
透過選品網站輕鬆購買福井可愛織品小物！
雖然而家暫時飛唔到去日本旅行，但又好想買福井可愛小物嘅時候，應該點做至好？即刻使用「Discover FUKUI」幫您由日本直送！點擊下列網址進入網站，感受如像置身日本一樣嘅Shopping體驗，買得既方便又簡單。選購幾款可愛嘅織品小物為您生活增添幾分美麗色彩啦！
Comments