面向日本海嘅福井縣，擁有日本無人不知、著名嘅眼鏡生產地「鯖江市」。鯖江市大約有7萬人口，喺1980年代成功將世界第一副鈦金屬眼鏡鏡框上市，時至今日，鯖江市佔日本眼鏡鏡框產量高達90％以上，卓越嘅品質喺各國獲得極高評價。
福井縣引以為傲嘅特產「鯖江眼鏡」，可以透過福井縣特選名產網站「Discover FUKUI」直接從海外購買！繼上次介紹，今次會繼續為您介紹「Discover FUKUI」中推薦嘅眼鏡商品。
商品介紹①COMBEX
首先介紹株式會社COMBEX嘅太陽眼鏡。高偏光度嘅「POLAWING SPX鏡片」，採用液晶螢幕嘅偏光膜技術、獨家開發嘅薄膜。鏡片偏光度高達99%以上，有多種顏色任君選擇，一年四季，無論係平時出街，抑或係休閒活動場合都可以大派用場。除咗可以阻隔紫外線，仲可以阻擋路面或水面反射嘅眩光，令視線保持明亮又清晰。鍍膜採用防刮嘅硬質鍍膜、防止反射嘅多層鍍膜與防水嘅撥水鍍膜等，功能非常優異。
特別推薦「N2 injection」系列嘅POLAWING SPX鏡片用鏡框。包覆視野嘅大鏡框設計，幾乎可阻隔外界光線。鏡腳套使用聚氨酯樹脂，貼合性高。為防止生鏽，鏡框採用鈦金屬所製造。防滑嘅鼻墊，即使流汗都唔容易滑落，尤其喺運動場合使用就更加方便！另外，將POLAWING SPX鏡片功能發揮到最大嘅「N1 Titanium」鏡框亦非常推薦！設計時尚嘅鏡框，非常適合喺休閒場合時使用。兩種鏡框都可以與擁有唔同透光率嘅14種顏色鏡片任意選擇配搭。
https://www.discover-fukui.jp/zh-TW/store/detail.php?id=6
商品介紹②ZYGOSPEC
株式會社ZYGOSPEC嘅「AirFly」系列，係世界首次開發、無鼻墊嘅運動型太陽眼鏡。鼻墊唔會因為出汗而滑落，鼻骨亦唔會有壓迫感。「AirFly」系列嘅特徵係以頭部支撐鏡框，感覺非常輕盈之外，透過左右側墊，令到鏡框緊緊貼住頭部，即使進行激烈活動亦唔會滑落。無咗鼻墊遮擋視野，亦唔會出現因為空氣循環問題而令到鏡片模糊不清嘅情況，非常適合打高爾夫球或踩單車等運動場合使用。化妝品或防曬亦唔會隨著鼻墊脫落，對女性朋友嚟講可以話係一大福音。
AirFly系列具有多種款式，當中最推薦就係男女都啱用嘅AF-301款。新款二代系列採用全新設計嘅側墊，比第一代款式戴落更舒適、更唔易滑落。顏色方面，以藍色迷彩鏡框與藍色鏡面鏡片特別受歡迎。如果鍾情於更女性化設計嘅話，可以選擇AF-302款。AF-302維持AirFly優點，圓形鏡片帶畀人柔和印象。鏡框具有多種女性朋友會鍾意嘅顏色，例如清爽粉紅或者翡翠綠等。如果想搵適合小朋友配戴嘅太陽眼鏡嘅話，推薦您專為兒童設計嘅AF-901（AF-301嘅兒童版）。
https://www.discover-fukui.jp/zh-TW/store/detail.php?id=5
商品介紹③Sol&Trick
最後介紹嘅係株式會社Sol&Trick「FACE TRICK」系列。眼鏡特點係採用高效能鏡片「IRUV1000」，能夠有效阻擋紫外線、藍光和近紅外線等三種有害光線。近紅外線係促進眼睛老化、導致白内障等疾病嘅原因。另外，根據最近嘅研究指出，近紅外線與紫外線相同，都會導致曬傷或斑點出現，想要保護好眼睛和皮膚嘅朋友，可以嘗試配戴「IRUV1000」眼鏡。
特別推薦FACE TRICK系列嘅電腦用多功能眼鏡。比普通電腦用眼鏡更有效隔絕約40%嘅藍光，非常適合長時間用電腦工作嘅人。另外除咗藍光，亦有效阻擋紫外線和近紅外線等有害光線，可以當埋戶外太陽眼鏡「一鏡兩用」非常方便。鏡框採用彈性樹脂、輕量設計，即使長時間配戴都唔容易令人覺得疲累。
https://www.discover-fukui.jp/zh-TW/store/detail.php?id=4
由福井飛向世界！將世界最頂尖嘅高級眼鏡送到您手上！
精選眾多福井縣特產網上商店「Discover FUKUI」中最推薦嘅商品，令您日常生活更輕鬆方便嘅鯖江眼鏡！即使暫時去唔到日本旅行，「Discover FUKUI」嘅海外配送服務，令您安在台灣或香港家中都可以輕輕鬆鬆入手日本商品。「福井」嘅「福」字，喺日文當中有著「幸運、幸喜、幸福」嘅含意。快啲點擊下列網址進入「Discover FUKUI」，選購幾款令您充滿幸福嘅鯖江高級眼鏡啦！
Comments