當大家講起「茄子」嘅時候, 腦海中會浮現咩菜式呢？對於香港人嚟講，「茄子」或者未必會成為飯檯上面嘅主角，但其實日本嘅茄子種類非常豐富，有好多更係海外不太為人所知，就好似今次要同大家介紹嘅大阪原產「大阪紫晶茄（OSAKA MIZUNASU）」，食落竟然好似水果一樣鮮甜多汁令人一咬傾心！同場仲會將「大阪紫晶茄（OSAKA MIZUNASU）」必收藏精選食譜同大家開心Share呢～
關於大阪原産嘅美味「大阪紫晶茄（OSAKA MIZUNASU）」
大阪當地將大阪府範圍內栽培、生產嘅農產品、畜產品、林產品、水產品等項目作為原材料而製成嘅加工品稱為「大阪産（もん）」（OSAKA-MON）進行品牌化。今次所介紹嘅大阪原產「大阪紫晶茄（OSAKA MIZUNASU）」，就係「大阪産（もん）」（OSAKA-MON）當中品牌化產品嘅代表之一。
喺日本大受歡迎嘅人氣「大阪紫晶茄（OSAKA MIZUNASU）」產地位於大阪南部。受惠於當地溫和氣候與豐富水源，新鮮「大阪紫晶茄（OSAKA MIZUNASU）」就此誕生！
「大阪紫晶茄（OSAKA MIZUNASU）」於嚴格溫度與濕度環境管理下培育成長。由於果實表面非常脆弱、極容易撞傷，所以農民們會小心翼翼地親手逐一收割，收割完成後再按照大細、形狀、顏色分成唔同等級，被分成品質最高嘅A級大阪紫晶茄（OSAKA MIZUNASU）」就會被安排出口至海外。
※日本國內一般稱呼・名稱為「SENSHU MIZUNASU（泉州水茄子）」
「大阪紫晶茄（OSAKA MIZUNASU）」驚喜之最！可以就咁生食，水嫩多汁到令人一咬傾心
大阪原產嘅「大阪紫晶茄（OSAKA MIZUNASU）」相比於一般茄子，最大特徴係皮薄、果肉、水嫩。 「茄如其名」，水茄子水分相當豐富，只要用力捏一捏，就可以榨取大量水分，而且口感就好似水果一樣，水嫩鮮甜！如此爆汁嬌嫩嘅「大阪紫晶茄（OSAKA MIZUNASU）」最推薦食法係就咁生食，對於香港人嚟講可能無法想像茄子生食係咩一回事，但係「大阪紫晶茄（OSAKA MIZUNASU）」絕對會令您一咬傾心。
而且「大阪紫晶茄（OSAKA MIZUNASU）」含有大量營養素，當中有助減輕壓力與改善睡眠質素嘅GABA（γ-氨基丁酸）含量相當豐富。想要食得健康嘅話，不妨可以將GABA（γ-氨基丁酸）融入到日常飲食中，即刻去睇睇以下「大阪紫晶茄（OSAKA MIZUNASU）」嘅精選食譜，由內健康到外吧！
不容錯失「大阪紫晶茄」必收藏3款精選食譜
「大阪紫晶茄（OSAKA MIZUNASU）」同其他茄子一樣，無論係製作成醃漬物、抑或係日式燉菜都非常適合。今次會介紹3款將「大阪紫晶茄（OSAKA MIZUNASU）」豐富水分與柔嫩果肉發揮到極致嘅精選食譜畀大家。
詳細做法請參考影片內容。
①大阪紫晶茄生沙律
如果想輕鬆品嚐「大阪紫晶茄（OSAKA MIZUNASU）」嘅爆汁好滋味，推薦先食生沙律。步驟係先準備好1個「大阪紫晶茄（OSAKA MIZUNASU）」，切走茄蒂後，再切成闊約1cm 嘅粒狀（如圖呈銀杏葉形狀）並加入已切成適當大小嘅蔬菜攪拌均勻。蔬菜種類可以按照個人喜好去挑選（例如生菜、甜椒等）， 之後加上自己鍾意嘅調味醬汁就大功告成。
②大阪紫晶茄卡布里沙律
如果想嘆返個開胃前菜嘅話，「大阪紫晶茄（OSAKA MIZUNASU）」版本嘅卡布里沙律係最佳推薦。步驟係先準備好蕃茄、「大阪紫晶茄（OSAKA MIZUNASU）」各1個，切走茄蒂後，再將茄子切成約1cm 圓形薄片，與同樣切成圓形薄片嘅蕃茄如圖交替排列。之後再加上適量橄欖油、鹽、黑胡椒就完成。以「大阪紫晶茄（OSAKA MIZUNASU）」取代芝士亦有助降低卡路里，食得更健康。
③大阪紫晶茄天婦羅
既然係日本名產，不如就整返個日本菜代表之一－天婦羅喇！步驟係首先準備好2個「大阪紫晶茄（OSAKA MIZUNASU）」，切走茄蒂後，縱向切成8等分。然後準備粉漿，將半隻雞蛋與80cc凍水攪拌均勻再加入50g麵粉。將切好嘅「大阪紫晶茄（OSAKA MIZUNASU）」沾上適量粉漿，以170℃油炸約4分鐘，撒上鹽、醬油、蛋黃醬、醬汁等自己鍾意嘅調味料去享用。如果想炸得更酥脆嘅話，建議將3分1左右嘅麻油加入油炸時所用嘅食用油裡面。大阪紫晶茄天婦羅咬落外脆內軟、十分Juicy，有機會記得要親身嘗試品嚐一番喔！
「大阪紫晶茄（OSAKA MIZUNASU）」最大特徵係果肉水嫩多汁以及擁有高度營養價值。 因為食落好似水果一樣鮮甜多汁，所以生食係最能夠品嚐箇中滋味嘅推薦食法。或者對於香港人嚟講，生食茄子呢個行為會好意外，但係「大阪紫晶茄（OSAKA MIZUNASU）」絕對會顛覆您對於茄子嘅一般概念！下次遇上「大阪紫晶茄（OSAKA MIZUNASU）」嘅時候，記得先大啖咬一口，品嚐生食好滋味喇！
■影片連結
大阪紫晶茄（泉州水茄子）介紹影片
大阪紫晶茄生沙律 食譜影片
大阪紫晶茄卡布里沙律 食譜影片
大阪紫晶茄天婦羅 食譜影片
Comments