FUN! JAPAN 旅遊 交通 鐵路列車

FUN! JAPAN PR

一票在手東北地區任你行 用最強周遊券「JR東北PASS」玩盡南東北

# 福島 # 宮城 # 東北地方 # 山形

日本東北六縣擁有嘅熱門旅遊景點非常多，到底要去邊個縣市又要探索邊個景點至好？每次排行程做功課嘅時候硬係令人選擇困難症發作唔知點揀好？喺您「搲爆頭」規劃日本東北自由行之前，推薦您用超值又抵玩嘅「JR東日本鐵路周遊券(東北地區)」，而家唔只外國遊客，連住喺日本嘅非日籍人士都可以使用！

今次FUN! JAPAN編輯部親身使用JR 東北 PASS，帶大家去探索南東北(福島、山形、宮城)，等到開關後，即刻就衝日本嚟一趟南東北之旅啦！

福島：會津鐵道秘境景點 震撼滿分天然奇景「塔崖」

位於福島縣會津地區嘅塔崖(塔のへつり)係福島30景之一，亦係著名嘅紅葉景點。乘搭會津鐵道至「塔のへつり（塔崖）」站落車之後，徒步5分鐘即可抵達。日文「塔のへつり」中嘅「へつり」，係會津當地方言，意思係斷崖。因為峭壁形狀如塔，所以被稱為「塔崖」。「塔崖」嘅岩石表面經過100萬年風化及河川侵蝕後，進而形成現今天然奇景，呢度每一塊岩石，都因為岩石本身獨特形狀而被賦上特有稱呼呢！

景點資訊

  • 景點名稱：塔崖(塔のへつり)
  • 地址：〒969-5204 福島縣南會津郡下郷町彌五島下タ林
  • 交通方式：會津鐵道「塔崖」站步行約5分鐘
  • 網址：http://shimogo.jp/sightseeing/tonohetsuri/

福島：日本三大茅草屋聚落之一 擁有約400年歷史嘅宿場町「大內宿」

「大內宿」係日本江戶時代嘅驛站之一，全長約450米，係當時連接會津地區與日光地區嘅交通要道，又稱「會津西街道」。「大內宿」與岐阜白川鄉、京都美山町並列為日本三大茅草屋聚落，並且被指定為日本國家重要傳統建築物群保存區。嚟到呢到，遊客可以見到街道兩旁整齊並列嘅茅草屋，行到盡頭爬上展望台，更可以望見整個大內宿全貌景色，非常吸睛！

有機會嘅話，非常推薦大家可以安排喺「大內宿」留宿一晚，體驗一下日式古民家生活之餘，再大啖嘆當地鄉土美食，夠晒特別～

景點資訊

  • 景點名稱：大內宿
  • 地址：〒969-5207 福島縣南會津郡郷町大內字山本
  • 交通方式：從會津鉄道「湯野上溫泉站」轉搭巴士「猿游號」喺大內宿入口落車
  • 網站：https://ouchi-juku.com/

住宿資訊

  • 民宿：藏之民宿 本家扇屋
  • 地址：〒969-5207 福島縣南會津郡郷町大內字山本36
  • 交通方式：從會津鉄道「湯野上溫泉站」轉搭巴士「猿游號」喺大內宿入口落車後徒步約4分鐘
  • 網站：http://honke-ougiya.com/

福島：日本唯一紅瓦天守「會津若松城」

坐落喺福島縣會津若松市嘅「會津若松城」，又名鶴城或若松城，喺歷史之中富有久攻不破嘅盛名，並擁有約630年歷史，更被列為國家重要文化財。現存建築喺1965年重建而成， 樓高5層嘅天守唔只係城堡象徵，更加係日本唯一使用紅色瓦片建造嘅天守。而喺城堡周圍嘅公園，春天可以賞櫻、秋天則可以賞紅葉，深受當地人與遊客歡迎。

如果對日式建築情有獨鍾，推薦可以去據聞係茶聖千利休之子‧千少庵所建造嘅「麟閣」茶室參觀，坐低飲啖抹茶食個和菓子，享受一個休憩小時光！

景點資訊

  • 景點名稱：會津若松城(鶴城)
  • 地址：〒965-0873 福島縣會津若松市追手町1-1
  • 營業時間：8:30～17:00(最後進入天守時間為16:30)
  • 門票：天守‧茶室「麟閣」套票 成人520日圓、小童150日圓
  • 交通方式：JR從會津若松站乘搭觀光周遊巴士喺「鶴城入口」落車
  • 網站：https://www.tsurugajo.com/

山形：於米澤尋找上杉家足跡 上杉神社與上杉伯爵邸

若然您鍾意日本歷史或者大河劇《天地人》嘅話，就一定唔可以錯過曾經被上杉家治理近300年嘅米澤。米澤城跡公園唔單止係米澤人休閒嘅好去處，亦係春天賞櫻、冬季舉辦雪燈祭嘅主要場所。位於米澤城跡內嘅上杉神社，祭祀著戰國名將上杉謙信。運氣好嘅話，或者會喺路途中遇見「山形愛的武將隊」呢。

位於神社南面嘅「上杉伯爵邸」，係為咗上杉第14代當家伯爵所建造嘅宅邸，至今仍保留傳統武士宅邸風格與日式庭院。除咗好啱影打卡影靚相之外，最推薦就係可以享用到米澤牛「獻膳料理」。「獻膳料理」係指即使畀主公大人品嚐亦完全唔失禮嘅料理，內容包括甘煮鯉魚、米澤牛、鹽引壽司等，能夠一次過享用到多款米澤當地鄉土美食！

景點資訊

  • 景點名稱：上杉神社
  • 地址：〒992-0052 山形縣米澤市丸之內1-4-13
  • 開放時間：（4月1日～10月底）6:00～17:00、（11月1日～3月底）7:00～17:00
  • 交通方式：JR米澤站轉搭往白布溫泉方向山交巴士喺「上杉神社前」落車後徒步約4分鐘
  • 網站：https://www.uesugi-jinja.or.jp/

景點資訊

  • 景點名稱：上杉伯爵邸
  • 地址：〒992-0052 山形縣米澤市丸之内1丁目3-60
  • 營業時間：11:00～21:00（有預約者優先帶位，14:00後僅接受預約客）
  • 交通方式：JR米澤站轉搭往白布溫泉方向山交巴士喺「上杉神社前」落車後徒步約4分鐘
  • 網站：https://hakusyakutei.jp/

山形：四季各有不同美景！最上川芭蕉線遊船

鍾意欣賞大自然美景嘅話，推薦大家去體驗「最上川芭蕉線遊船」。春夏綠意悠然、秋天紅葉如詩似畫、冬天細雪紛飛，四周環境非常寫意。全長229公里嘅最上川源自山形縣與福島縣嘅交會處，縱貫山形縣，流經米澤、山形、庄內，最後流入日本海，係山形縣內重要嘅河川，因此亦被譽為「山形縣之母」！約1小時嘅遊船旅途中，船夫有時會高歌幾曲唱唱船歌，各位可以一邊眺望壯麗美景，一邊順流而下盡情享受遊船樂趣，亦可以事先預約船中便當喺船上享用。

景點資訊

  • 景點名稱：最上川芭蕉線遊船
  • 地址：〒999-6401 山形縣最上郡戶澤村大字古口86-1
  • 交通方式：JR「古口站」步行約5分鐘
  • 網站：https://www.blf.co.jp/

宮城：欣賞「日本瀑布百選」秋保大瀑布！同時於西光寺尋找「鯉魚」尋找「愛」

去到仙台絕對唔可以錯過嘅景點之一，就係日本三大名瀑之一嘅國家指定名勝「秋保大瀑布」！不只闊6米、高低差55米嘅壯麗景色，無論係綠蔭成林、紅黃綠交錯、詩意積雪等，每個季節都各有迷人之處！往瀑布方向行過去，途中嘅瀧見台可以欣賞到瀑布從高處傾瀉而下嘅壯觀場景。如果想更加近距離欣賞瀑布嘅震撼之美，可以沿著樓梯行去瀑布底部。

前往秋保大瀑布沿途會先經過秋保大瀧不動尊(西光寺)，寺廟內歷史悠久嘅不動堂中供奉著著名「秋保大瀧不動尊」，其網頁中亦有提到「秋保大瀧不動尊」係經過護摩加持以祈求願望靈驗聞名。本堂建築嘅雕刻當中藏有1條鯉魚，據聞如果搵得到呢條鯉魚嘅話，就會有良緣到訪、戀情圓滿。

※鯉魚日文發音與戀愛相同

景點資訊

  • 景點名稱：秋保大瀑布
  • 地址：〒982-0244 宮城縣仙台市太白區秋保町馬場字大瀧
  • 交通方式：
    從JR仙台站轉搭宮城交通巴士喺「秋保大瀧」站落車(僅週六與公眾假期行駛)，徒步約5～10分鐘即可抵達瀧見台
    從JR愛子站轉搭開往野尻町北方向嘅仙台市營巴士喺「秋保大瀧」站落車，徒步約5～10分鐘即可抵達瀧見台
  • 網站：https://www.sentabi.jp/guidebook/attractions/116/

宮城：一次過滿足購物、美食、浸溫泉！「秋保Village」

位於秋保溫泉附近嘅觀光農業設施「秋保Village」，係當地茶商與農家共同打造嘅休閒園地，販賣各種當地特產新鮮蔬果、食品、雜貨等。喺場內，遊客可以買到宮城縣內著名零食店嘅商品，想要一次過買齊手信嘅話，去「秋保Village」就實無錯喇！

行到攰攰地仲可以去戶外免費足湯區浸腳補充一下腳力，最特別嘅地方係溫泉裡面加入咗「茶」，喺溫暖腳底嘅同時仲可以聞到淡淡茶香，舒緩身心。

景點資訊

  • 景點名稱：秋保Village
  • 地址：〒982-0251 宮城縣仙台市太白區茂庭字中谷地南32-1
  • 營業時間：9:00～18:00 (12月～2月為9:00～17:00)
  • 交通方式：JR仙台站轉搭宮城交通巴士喺「中谷地」站落車即可抵達
  • 網站：https://akiu-village.jp/

住喺日本嘅外國人都買得到！JR東日本鐵路周遊券(東北地區)

今次FUN! JAPAN編輯部採訪時使用嘅JR東日本鐵路周遊券(東北地區) ，簡稱JR 東北 PASS，係由JR東日本針對外國遊客所發售嘅交通券，可以喺5日之內無限次數乘搭指定區域內嘅列車、新幹線，想點玩就點玩！咁究竟係有幾超值呢？舉個例子：從東京至新青森嘅來回票價就要33,260日圓，而呢張周遊券售價卻只係20,000日圓，仲可以畀您用足5日，可以話係暢遊東北地區旅遊時最強且必買周遊券！

想知道更多JR東日本鐵路周遊券(東北地區)詳情，請瀏覽以下網址：

除咗文章介紹嘅景點之外，南東北三縣仲有更多好玩又有特色嘅景點，想知道更多景點介紹與周遊資訊，可以參考以下網址！

目錄

Comments

      Recommend