一講到日本海灘美景，大部份人應該都係聊想到沖繩，然而福岡都有一個美麗海岸風景好出名。
關於百道海濱公園
百道海濱公園雖然被稱為「公園」，但其實唔只包含幾塊綠地，而且仲係一個海岸度假區，有一個海灘，係一個好正嘅旅遊景點。如果天氣好，呢度係一個好適合散步、慢跑或影靚相嘅地點。
百道海濱公園有一公里長嘅海灘，係 1989 年同整個百道複合區一起被建造而成。經常有年輕人、甚至家庭嚟呢度運動、購物或觀光。好彩嘅係福岡全年氣候溫和，以為喺夏天先去海灘？NONO，其他季節去都好適合。藍天白雲嘅背景襯托現代建築物，睇落個景靚到好似明信片入面嘅風景咁！
面向大海時，可以睇到一座橋通往一棟名為「Marizon」嘅大型西洋式建築物。呢座外觀好似大型豪宅嘅建築雄偉地浮喺海上。內部常被用嚟舉辦婚禮同宴會，但舉行婚禮嘅場地平時唔會對外開放，入面都有啲唔錯嘅餐廳同商店可以行吓！
百道海濱公園內嘅福岡塔
行去海灘前，途經嘅福岡塔雖然係一座高達234米嘅建築，但同周圍環境融合得好好。作為日本海岸中最大嘅建築，有兩層可以睇到令人驚艷嘅360度全景，一個位於116米，另一個位於123米高嘅地方。五樓（最高樓層）係一個觀景台，能從四個方位、以寬廣嘅視野欣賞風景。
往西邊
往西邊可以睇到室見川匯入陸地，喺今津灣通往福岡西區嘅方向。係1273年蒙古入侵時嘅知名地區。
往北邊
北邊係能古島同志賀島兩個小島。能古島可以從姪濱戰經過室見川到達，可以行過去或者從藤崎站搭電車過去都得。
往南邊/東邊
往南邊/東邊就有福岡中城區（天神，博多等）。
喺福岡塔嘅四樓都有一間餐廳，保證每個位都可以享受到壯麗嘅景色。所以如果你覺得需要盡情享受呢次體驗，咁就推薦你去Sky lounge Refuge呀。
最後，對想浪漫地拍拖嘅情侶，推薦去三樓嘅「 戀人聖地」影相留念，再掛上一個「愛鎖」，坐喺長椅上欣賞靚景共度浪漫夜晚就非常完美啦。
福岡塔嘅外牆喺晚間會有燈光投影，裝設咗2,700顆LED燈裝飾嘅外牆，會隨季節變化而閃亮著唔同主題嘅美麗圖案。無論係冬天嘅聖誕樹，定係春天嘅櫻花，耀眼嘅燈飾Show都會照亮福岡嘅夜空。係個絕對唔可以錯過嘅景點！
景點資訊
- 名稱：福岡塔
- 地址：福岡縣福岡市早良區百道濱2-3-26
- 開放時間：09:30-22:00 (最後入場為21:30)
- 門票：成人（16歲以上）800円、兒童（6至15歲）500円、幼兒（4歲到5歲）200円
- Wi-Fi：有提供
- 語言對應：官網有中文、英文、韓文
- 購票方式：現場購票處
- 可否使用信用卡：不可使用
福岡市博物館
透過福岡市博物館嘅常設展，可以了解福岡嘅文化同生活方式。福岡作為日本同亞洲大陸之間嘅門戶，受到多元文化影響，發展出自己嘅城市獨有風格。館內嘅展示品涵蓋古代到當代，從一個完整嘅角度嚟呈現九州首都嘅資訊。
例如，日本國寶之一「金印」會喺館內展出。呢件作品係中國皇帝（後漢光武帝）於公元57年賜給一名日本特使。展覽內容仲包括近現代文物，可以睇到近代福岡嘅相關圖像記錄，其中特別值得一睇嘅係福岡塔嘅建設過程。
景點資訊
- 名稱：福岡市博物館
- 地址：福岡市早良區百道濱3-1-1
- 開放時間：09:30-17:30
- 門票：成人200円、學生150円
- Wi-Fi：有提供
- 語言對應：官網有中文、英文、韓文
- 購票方式：現場購票處
- 可否使用信用卡：不可
海岸城市嘅魅力
即使福岡嘅海岸同沖繩或夏威夷嘅細沙沙灘無得比，但係去九州旅行時去當地海灘玩都係唔錯嘅體驗，又可以以另一個角度去欣賞福岡呢度靚到成天堂咁嘅地方吖。
最後，福岡仲有其他景點都值得一訪，例如巨大棒球場「福岡雅虎巨蛋」，或者「機器人廣場」可以同唔同種類嘅機械人互動！
Comments