【今期流行】日本福島首座「吉利蛋主題公園」開幕！粉色系滑梯、野生Pokémon、坑渠蓋必睇特色逐個捉

自疫情爆發以來至今，雖然各位會員朋友暫時仲未望可以重返日本旅遊，但身為「哈日族」之一，總係會時刻關注日本最新消息吧？近期日本福島縣就新開咗一座親子主題樂園，而且仲係以人氣Pokémon「吉利蛋」為主題！到底呢座主題公園有咩必睇特色？

吉利蛋主題公園位置就在公路休息站「道之站浪江」

12月於日本福島縣登場嘅「吉利蛋公園（ラッキー公園）」位於公路休息站「道之站浪江（道の駅なみえ）」內，萌萌der「吉利蛋」坐落於公園中間，粉色外觀極為吸睛。

備受注目嘅吉利蛋主題設施，唔單只極速成為縣內外打卡新亮點，高達6米嘅吉利蛋本身亦係小朋友爭相玩樂嘅滑梯。不單如此，公園附近更有其他粉色系Pokémon友情古串（笑），例如寶寶丁、皮皮等，隨時都可以見到佢哋嘅身影，仲有周邊商品與野生吉利蛋等您捉呢！

深受大人細路歡迎嘅寵物小精靈們，其實時常會出沒於日本各地，例如係岩手縣小拳石、橫濱市比卡超、指宿市伊貝等，而吉利蛋則係前年就與福島縣合作，擔任觀光大使。（編按：好可愛！！！）

除巨大造型設施可以打卡之外，與全國各縣市一樣，福島縣一樣都有「吉利蛋坑渠蓋」等住您嚟集郵！等到開關後，各位粉絲朋友們記住要一齊嚟朝聖啊！