東京一向畀人繁華熱鬧嘅印象，除咗高樓大廈林立之外，「滿員電車」更加係著名東京日常景況之一。但其實東京除咗擁有繁華嘅一面，同時亦擁有截然不同風貌嘅兩大偏遠嘅島嶼群，相當不可思議！下次去東京嘅話，不妨出發一趟離島之旅，感受一下明明身處繁華大都市範圍內，卻可以探索得到離島秘境嘅避世感覺！
點解要去東京離島旅遊？
日本精彩嘅旅遊景點非常多，想喺有限嘅時間裡面玩得盡興嘅話，選擇停留喺一個定點範圍可能係最好嘅選擇。東京唔單止擁有濃厚都市風情，亦擁有
點解島嶼群隸屬東京都範圍？
隸屬首都東京都嘅島嶼群有2個，分別係伊豆群島與小笠原群島。雖然伊豆群島地理位置上距離伊豆半島比較近，卻歸屬於東京都管轄，亦意味著可以獲得東京都充裕嘅經濟支援，共享資源，亦有唔少政府員工（例如教師）嘅職業生涯會於島上工作一定年數。島嶼夏天主要係依靠旅遊業為生，交通與東京相連，包括嚟自竹芝客運碼頭嘅船隻，雖然島嶼人口唔多，但人口數目已經遠超日本其他偏遠島嶼。
小笠原群島，亦稱為「Bonin 群島」，源自日文「無人（bunin）」，由30個亞熱帶島嶼組成，距離東京都約1,000多公里，當中極具人氣嘅父島與母島亦屬小笠原群島，有唔少遊客為咗親身感受離島箇中魅力，專程登島到此一遊。
東京離島介紹
雖然一共有成幾十個島嶼，但真真正正有人居住嘅就只有伊豆群島9座島嶼，以及小笠原群島2座島嶼，島上居民依靠漁業、農業以及旅遊業維生。每逢夏季，島上隨處可見嚟自市區嘅遊客，有人會觀鳥、有人會暢泳、有人會健行漫步，盡情享受大自然嘅芬多精。加上離島海景風光明媚，飽覽得到遼闊無邊際嘅蔚藍海景，令人可以感受大自然中最原始美好嘅魔力。心思思唔知去邊個島嶼好？等小編逐一講解完之後再做抉擇啦！
島嶼清單如下（從距離東京最近嘅島嶼開始介紹）
- 伊豆大島
- 利島
- 新島
- 式根島
- 神津島
- 三宅島
- 御藏島
- 八丈島
- 青島
- 父島（小笠原諸島）
- 母島（小笠原諸島）
※溫馨提示：以上所有島嶼都非常樂意接待遊客，當中伊豆大島、神津島與八丈島人氣度比其他島嶼更高更受歡迎喔。
伊豆大島：登山健行好去處
伊豆大島係伊豆諸島中最大嘅島嶼，距離東京最近，所接待嘅遊客數目係九座島嶼當中最多亦不足為奇。伊豆大島以巨大活火山「三原山」而聞名（自從1990年以嚟就無再噴發過），島上有一座專門展示火山嘅博物館，並曾經出現喺1984年嘅經典電影當中，係休眠哥斯拉嘅故鄉，現時遊客則可以徒步去山頂欣賞島嶼與海洋景色～
相關旅遊資訊
從東京出發：乘搭定期啟航嘅渡輪需要8小時，而且係夜間提供載客服務，大約於早上6點抵達；乘搭高速噴射船所需時間會縮短至2小時，但票價比較貴。
來往利島：島嶼之間可以乘搭渡輪，船程約30分鐘。亦有航班從本州調布機場飛行，以及與附近三宅島、利島之間都有航班。
利島：與海豚暢泳的機會是屬於您的！
利島係最細嘅島嶼之一，坐擁多種豐富自然美景與戶外冒險活動，仲有機會遇見海豚，甚至有機會可以與海豚同暢泳！遊客可以品嚐龍蝦、海螺肉等等令人回味無窮嘅美味海鮮。鍾意踏青健行嘅話，可以喺11月至3月期間出發前往，事關正值山茶花盛開花季，可以順便一睹山茶花嘅美麗姿態。由於人煙稀少，幾乎係零光害，利島夜晚星空更顯璀璨閃爍，特別受歡迎。
相關旅遊資訊
從東京出發：乘搭夜間渡輪需9.5小時，單程費用係5,000日圓；乘搭高速噴射船只需短短2.5小時，費用係8,000日圓。
新島：衝浪勝地
新島擁有潔白沙灘，係典型嘅島嶼度假勝地，亦係曾經舉辦過世界衝浪錦標賽嘅地方，擁有世界聞名、數一數二嘅海浪品質。新島對於想磨練衝浪技巧嘅人嚟講，絕對係唔錯嘅選擇。不妨出發去一趟新島，可以盡情地放鬆身心，享受海灘、溫泉、沙灘浴等天然資源，順便體驗島上悠久傳統玻璃工藝技術，感受一個獨特嘅離島之旅。
相關旅遊資訊
從東京出發：乘搭夜間渡輪前往新島需要10.5小時，費用約6,000日圓；乘搭高速噴射船只需3小時，費用約9,000日圓。島上有小型機場，調布機場有航班來往。
式根島：潛水愛好者嘅天堂
式根島有多間潛水學校與潛水景點可供遊客選擇，非常適合潛水初學新手或資深玩家去探索海洋奧秘。置身於式根島嘅海灘上，您可以望見一片充滿神秘感嘅土耳其藍，海水就好似水晶一樣非常清澈。另外，式根島嘅天然溫泉亦係不容錯過，當中從源泉湧出嘅高溫度泉水與海水混合之後，溫度變得啱啱好，而且溫泉係免費提供等您可以大浸特浸，非常抵玩！
相關旅遊資訊
從東京出發：乘搭夜間船班，所需時間約11小時，費用大約6,000日圓；乘搭高速噴射船3小時即可抵達，費用係9,000日圓。
雃水神津島：登山、游水最佳選擇
最西邊嘅神津島有山有海，位於北端「赤崎步道」將步道設置於岩地上，外觀就好似木造嘅大型戶外攀登架，亦設有跳水台，可以一嘗跳落大海享受浮潛嘅樂趣。島上無敵靚景海灘，遊客可以盡情享受水中暢游與衝浪嘅樂趣，體驗海灘度假嘅悠閒風情。鍾意登山健行嘅話，擁薦挑戰島上最高「天上山」，爬上海拔572米高嘅山頂，山頂有心型「不動池」，以及罕見嘅高山花卉。
相關旅遊資訊
從東京出發：乘搭夜間船出發大約需要12小時，費用約6,500日圓；高速噴射船只需4小時，費用約9,500日圓。神津島島上亦有一座小型機場，航班可飛往調布機場。
三宅島：觀鳥必去景點
三宅島之所以聞名在於島上活火山噴發時空氣中佈滿有毒硫磺氣體，居民生活需佩戴防毒面具，惟現時島上居民仍須隨時攜帶防毒面具以備不時之需，幸運嘅係好少會派上用場。
另外，島上嘅鳥類非常多，更加係觀鳥人士嘅天堂。島上生態系統雖然曾經因為火山需遭受破壞，如今亦逐漸再生，擁有相當稀有嘅鳥類品種，包括日本原產伊豆鶇、小啄木鳥等等，可以觀察得到日本自然嘅原始生態。如果您鍾意欣賞水底美好嘅風光勝過於天空嘅話，三宅島有非常多潛水機會，可以體驗呢一片大海嘅美麗！
相關旅遊資訊
從東京出發：乘搭夜間船班所需時間約6.5小時，費用約為7,000日圓。另外，高速噴射船並未開至三宅島，但島上有個一機場，可以乘來往搭調布或大島嘅航班。
御藏島：與海豚暢泳、登山賞樹
御藏島近年人氣高企，以健行與欣賞當地海豚而聞名。作為國家公園，禁止踩單車或露營，但當地住宿設施提供充裕嘅住宿空間。想要欣賞海豚嘅話不妨參加浮潛行程，亦推薦漫步於一片古老樹種之間嘅健行之旅，充滿冒險氣氛。
相關旅遊資訊
從東京出發：乘搭夜間船班約7.5小時，費用約7,500日圓，並未有提供高速噴射船服務。
八丈島：眾多娛樂體驗南國風情
八丈島可以話係最受歡迎亦係距離最遠嘅島嶼之一，係一座真真正正充滿濃郁度假氣息嘅島嶼渡假勝地。八丈島景點豐富，包括潛水欣賞海底溶岩所形成嘅景色，仲有機會遇見海豚，與可愛嘅海豚同暢泳，或者賞鯨，仲可以體驗島上傳承幾世紀嘅傳統染織技術。島上有一座專門介紹八丈島歷史嘅博物館，以及一個免費重建嘅村莊，展現出當地生活嘅模樣。另外亦有多條健行路線與溫泉，行到攰攰地仲可以嘆返個靚溫泉，紓解一下疲勞非常寫意，八丈島一趟旅程就可以滿足晒所有渡假人士嘅願望！
相關旅遊資訊
從東京出發：乘搭10小時夜間船即可抵達，費用係8,000日圓。並未有提供高速噴射船服務，島上有一座小型機場，可以乘來往搭羽田機場或附近御藏島嘅班機，亦有直升機可直飛青島。
青島：欣賞璀璨星空
青島係伊豆群島當中最遠嘅島嶼，地形獨特，加上畀人感覺遙不可及等魅力因素而聞名。人煙稀少嘅青島，環境幾乎係零光害，因此夜晚嘅星空特別璀璨迷人，係絕佳嘅觀星地點。要去青島朝聖，難度比其他島嶼高，正正係因為呢個原因先會令人對青島有遙不可及嘅神秘感。島上居民人口數目低於200人，亦無餐廳，但係有屬於自己嘅釀酒廠與酒吧，可以品嚐得到當地燒酒與當地料理。抵達青島之後，推薦喺丸山附近踏青健行，嘆個靚溫泉，喺夜幕降臨時欣賞滿天繁星嘅夢幻星空。
相關旅遊資訊
從東京出發：前往青島只可以先抵達八丈島，從八丈島乘搭小船或直升機。小船費用約2,500日圓，但順利啟航是否就取決天氣因素，而且必須提前預約。乘搭直升機嘅話，每人費用約12,000日圓。
小笠原群島
小笠原群島距離東京約百幾公里，一共有30幾個島嶼，其中最著名嘅有父島與母島。父島居民有400人左右，母島居民有2,000名左右。由於小笠原群島從未與大陸連接，形成獨特嘅生態系統，締造出多個可以觀賞得到稀有珍貴動物嘅機會。無論係步行穿越森林，或潛入碧綠嘅海洋，保證欣賞到令人永生難忘嘅動人美景。有機會仲可以嘗試海上橡皮艇、賞鯨、釣魚、衝浪或趴板衝浪等等水上活動，盡情體驗大自然嘅魅力。
相關旅遊資訊
從東京出發：要前往小笠原群島只可以從東京竹芝碼頭乘搭24小時渡輪。船上提供住宿空間、半私人雙層床、或完全私人房間，仲有餐廳、淋浴間、自動販賣機以及兒童遊玩區。單程票價每人從25,000日圓至80,000日圓不等，船班因季節而異，夏季所提供嘅船隻班次比較多，渡輪將會抵達父島二見港，再從二見港搭定期啟航嘅渡輪前往母島。
如何前往東京各大離島
各個島嶼之間嘅交通來往，東京嘅島嶼一共有5個機場，配搭完整客運及噴射船，再加上當地小型船隻以及直升機等交通配套，要前往以上島嶼，交通算得上方便，通常喺比較溫暖嘅季節會提供更頻繁嘅載客服務。
伊豆群島
規劃旅遊最大因素就係交通方式、路線以及旅遊季節。您可以選擇大型客運渡輪、高速噴射船或飛機作為前往各個島嶼嘅交通方式。每間渡輪公司所營運嘅路線都唔一樣，包括從東京、橫濱、熱海出發等等航線，每個島都有各自唔同嘅航線。
大型客輪有2條航線，一條係從東京至伊豆大島、利島、新島、式根島以及神津島；另一條從東京前往三宅島、御藏島與八丈島。兩條航線嘅船班都係夜間通宵提供載客服務，船程通常需8～10小時先可以抵達目的地，並提供多種座位選擇，包括一等座、二等座以及貴賓座。
高速噴射船從東京、久里濱開往伊豆大島、利島、新島、式根島與神津島，亦有從伊豆半島嘅熱海至伊豆大島嘅船班，航線乘船時間不足1小時，每日船票費用係1,320日圓，航線並非全年提供服務。
而喺伊豆大島、新島、神津島、三宅島和八丈島各島嶼上頭都有小型機場，從東京羽田機場、調布機場，以及鄰近島嶼之間提供航班載客前往，從東京和調布起飛嘅航班抵達各島，所需時間不足一小時，價錢依季節而有所不同。
小笠原群島
小笠原群島並無機場，只可以從東京竹芝碼頭搭24小時渡輪。渡輪班次基本上每星期一班，但係溫暖月份就會變成幾日就有一班，若果遇上氣候不佳或暴風雨，船班會延誤。價位從25,000日圓至80,000日圓不等，具體取決於開船季節以及所選嘅寢室種型。船上提供住宿空間、半私人雙層床、以及完全私人嘅房間可供選擇。從東京出發嘅渡輪會停靠父島二見港，再從二見港乘搭定期啟航嘅船隻去母島。
Comments