去日本旅行，除咗去景點朝聖與大肆血拚一番之外，仲有品嚐當地美食同日本水果都係必做！摘水果係近年相當受歡迎嘅體驗活動之一，例如柑橘類產量傲居日本第一嘅和歌山縣內，就有多間觀光果園能夠畀遊客體驗即摘即食柑橘嘅樂趣，仲有400年歷史有田蜜柑、由良蜜柑以及田口早生等多款品種畀你摘個夠！下面係編輯部嚴選出嘅5間觀光果園，下次要安排一場和歌山蜜柑放題之旅(?)絕對不是夢～
最適合摘蜜柑嘅季節係？
日本人一到冬天就有匿喺暖桌（こたつ / kotatsu）內食蜜柑嘅習慣，如果問日本人對蜜柑嘅印象，佢哋好大機會都會答您「冬天」！但實際上，日本從10月至4月都有唔同品種嘅蜜柑收成，而和歌山縣內就有唔少提供畀遊客體驗摘水果樂趣嘅專屬蜜柑果園，冬天以外嘅季節都可以享受到各式蜜柑滋味。
一站式摘蜜柑再住宿！紀三井寺溫泉花之湯花園飯店 林柑橘園
「林柑橘園」由紀三井寺溫泉花之湯花園飯店經營，一次容納人數高達5,000名。酒店範圍內附設寬廣果園，從紀三井寺溫泉花之湯花園飯店停車場行3分鐘就會嚟到果園，從紀三井寺站徒步亦約5分鐘即可抵達，交通相當方便！10月至12月期間為摘蜜柑季節，園方會提供青摘蜜柑＋柿子放題、附帶手信或採柑體驗＋酒店用餐等多種方案，如果再配上住宿或午餐行程的話，絕對可以喺呢到玩足一日！
景點資訊
- 景點名：林柑橘園
- 地址：和歌山縣和歌山市紀三井寺 673
- 交通方式：乘搭JR紀勢本線紀國線至紀三井寺站，徒步約5分鐘
- 採柑季：10月上旬～12月中旬
- 營業時間：10：00～14：00
成年都可以體驗採柑樂趣＋製作甜品！秋津野庭園
靠近和歌山縣南部海岸嘅秋津野庭園，坐落於過去農業繁榮興盛嘅地區。庭園由改建廢校小學校舍改建而成，除提供摘柑體驗之外，遊客亦可喺到用餐與住宿，感受當地居民充滿人情味嘅一切。秋津野庭園主要特色在於種有豐富柑橘品種讓大家採摘，例如係溫州蜜柑、椪柑、八朔蜜柑、甘夏蜜柑等。限定1小時即摘即食體驗內，您唔單只可以任食食到飽，仲可以將摘來嘅蜜柑帶返屋企。同場您仲能夠能製作蜜柑相關甜品或果醬，午餐時段亦可以喺餐廳「蜜柑田」品嚐大量使用在地食材嘅慢食（Slow Food）料理呢。
景點資訊
- 景點名：秋津野庭園
- 地址：和歌山縣田邊市上秋津 4558-8
- 交通方式：從紀伊田邊站搭乘龍神公車約10分鐘便可抵達
- 採柑季：一整年皆可（※依時期而異）
- 營業時間：10：00～16：00
瘋狂爆買蜜柑、柿子以及奇異果！國城觀光農園
國城觀光農園位處國木山8合目附近，享受即摘即食蜜查之餘，仲可以同時眺望橋本市區景觀。只係純粹摘蜜柑的話，一個經濟實惠價格（大人800日圓、小童700日圓）即可；再加100日圓的話，則仲可以摘埋柿子𠻹。此外，10月下旬至11月底，農園更會開放摘奇異果，記得較準時機一次享受摘多種水果嘅樂趣！而且農園出產嘅水果都係直產直銷，歡迎各位當做手信買返香港喔！
景點資訊
- 景點名：國城觀光農園
- 地址：和歌山縣橋本市清水1342
- 交通方式：從南海高野線紀伊清水站徒步約45分鐘；從京奈和自動車道揸車約15分鐘
- 採柑季：10月中旬～12月上旬
- 營業時間：10：00～16：00（不定休）
※平日需事先預約
提供1組客人包棟入住民宿！GUSET MORAIMON
想要摘蜜柑之餘亦想體驗獨特住宿，咁以下介紹呢間「GUSET MORAIMON」就係閣下首選。「GUSET MORAIMON」係一間由古民家改建而成嘅單棟民宿，入口處掛著顯眼橙色暖簾，最大特徵係每日只接待一組客人，並從11月至12月期間舉行摘蜜柑體驗。付出500日圓，即可同當地農夫一齊落田體驗，並交由職員為您處理摘得嘅蜜柑；摘完蜜柑後，再可以返到民宿內歎住日本冬天必備暖桌，品嚐多汁蜜柑子，是不是非常有日本氣氛呢？同場仲有採茶、窯烤pizza、壽司製作等多種豐富有趣體驗活動等著大家喔！
景點資訊
- 景點名：GUSET MORAIMON
- 地址：和歌山縣有田郡有田川町吉原 1450
- 交通方式：從JR紀勢本線紀國線藤並站揸車約13分鐘
- 採柑季：11月～12月
全國罕見梯田摘蜜柑體驗♪伊藤農園
摘蜜柑指定動作不在話下，伊藤農園仲會提供兩手空空就可以輕鬆露營嘅豪華露營Glamping，特別稱之為「橘子露營」，而且地點就喺梯田上！一邊眺望山林景緻，一邊享受摘水果橘兼露營，簡直係相當難得嘅體驗！摘完蜜柑後，您可以喺山上嗌返杯飲品，即場享受自己親手現摘嘅蜜柑或農園提供嘅甜品。蜜柑重量喺1.5kg以內的話，都歡迎您通通帶走喔♪
景點資訊
- 景點名：伊藤農園
- 地址：和歌山縣有田市宮原町滝川原 498-2
- 交通方式：從JR紀勢本線紀伊宮原站徒步即可抵達
- 採柑季：10月～12月
Comments