日本人喺冬天期間都有習慣匿喺暖桌（こたつ / kotatsu）內一邊取暖、一邊食蜜柑嘅習慣，因此只要喺街市或超市見到一粒又一粒蜜柑擺滿貨架上，就知道冬天即將來臨！日本蜜柑大部分都比較小巧，而且好剝又無核，簡直就係坐噝暖桌內睇日劇解口癮嘅首選。而山地面積廣闊嘅和歌山縣，就以盛產柑橘類而聞名，FUN! JAPAN編輯部馬上為大家介紹和歌山縣柑橘類必知特色！
關於柑橘類
日本全國各地都有種植柑橘類水果，出產品種相多豐富多元化。橙色細細一粒卻多汁香甜，而且富含維他命C，每粒蜜柑維他命C含量高建每日建議攝取量25％，成為冬天預防感受嘅良品！
和歌山點解成為「柑橘之鄉」？
和歌山縣氣候溫暖、陽光充足，而且山地面積遼闊，具備適合種植多汁柑橘類水果嘅最佳條件。即使進入冬天，和歌山縣氣候依然偏溫暖，山上柑橘果園排水系統良好，因而打造出適合栽培柑橘樹嘅環境。然後，和歌山缺乏平坦農地，意味著不利水稻種植，而田與田之間又相距甚遠，更使得柑橘類於17世紀初成為和歌山縣主要農作物。其中位處和歌山縣中心嘅有田川流域，受惠於有田川流從神聖高野山流經至紀伊水道嘅充沛水資源，因此有田地區從古時就廣泛開始種植、栽培柑橘類水果，至今仍然係全國數一中盛產地之一。
和歌山縣盛產柑橘類水果一事，令其知名度傳遍江戶（即現時東京），促使越來越多柑橘類水果運往江戶，讓紀州（和歌山縣舊稱）蜜柑漸漸被大眾認識。唔單只咁，小說、歌舞伎表演更以此為主題創作，講述一位柑橘商人乘風破浪將柑橘類水果運至江戶嘅故事，更為紀州蜜柑鞏固知名度。話說當初紀州柑橘為有核嘅品種，惟經過品種改良後，漸漸被無核、更大更甜嘅溫州蜜柑取代。和歌山有田地區蜜柑已有400多年歷史，至今仍然係日本全國柑橘類水果最佳選擇！
和歌山柑橘品種超豐富！
和歌山縣蜜柑品種自幾個世紀前由紀州柑橘發展成溫州蜜柑，至今已研發出多款品種，每一種品種都有自己特徵。當中屬於中晚柑類嘅柑橘為中後期成熟，通常於1月至4月下旬採收，其他則於10月至12月採收。
溫州蜜柑
為日本最常見品種，因香甜且不酸口味而成為主流。皮薄易剝，輕輕鬆鬆就能享用。通常於10月至2月採收。
下津蜜柑
又名「下津藏出蜜柑」，以1967年發現此品種嘅下津町命名。當地農夫蜜柑收成後放於木造土壁儲藏倉庫內，經過一段儲藏熟成後，下津蜜柑入口甘甜、幾乎食唔出酸味。下津橘現時已成為該地區註冊商標，東京亦有機會見到下津橘嘅身影。採收季節通常於9月至10月期間。
八朔蜜柑
屬於最多汁嘅品種之一。由於發現此品種時，古人認為八朔（日語中舊曆對8月1日之稱呼）當日最適合品嚐因而得名（惟實際上八朔蜜柑當造季節為1月初至5月初）。另外亦有於3月至4月採收嘅皐月八朔，相較其他品種偏酸微苦，果肉口感也較為偏爽脆。
清見蜜柑
清見蜜柑係由宮川早生（一種溫州蜜柑）與特羅維塔甜橙雜交培育而來，味道與口感皆極似蜜柑，擁有香橙香氣與酸度，酸甜口味適中宜人，齒頰留香。品種普遍於於2月至4月採收，相當受日本人歡迎。
不知火蜜柑
「不知火」原為九州傳說中嘅怪火及海市蜃樓現象。品種特徵為清甜多汁，酸甜之間呈現恰到好處平衡，並由清見蜜柑與椪柑雜交培育得來。由於頂部凸起外觀十分特殊，因此又有「醜橘」、「醜柑」外號。一般於2月至4月採收。
三寶柑
三寶柑又稱檸檬柑，果肉細緻，清甜多汁具檸檬香氣，屬晚生品種，但核偏多。自日治時代台灣已有栽種，直至近代栽培面積逐漸增加，屬近年新興品種。一般於3月至5月中旬採收。
由良蜜柑
由良蜜柑以產地為命名，並以偏綠果皮而為人熟悉。屬於早熟品種，採收時果皮仍偏綠，略帶微酸，糖度極高。由於每棵樹所結果實與其他品種相比數量偏少，因此普遍被認為係較難栽種嘅品種。
識食和歌山蜜柑一定係咁食！
想要用最地道方式享用和歌山蜜柑，可以試學當地農夫剝法－將柑橘分成四等分，從頂部開始剝皮，如此一來就會比較容易去除上頭白色纖維，完完全全地將果皮剝下。
除咗就咁食之外，另一常見食法當然就係榨汁。依品種不同，榨出來嘅果汁濃稠度亦會有所差異，但保證都一樣甜上心頭！亦有唔少人會將蜜柑製成果醬，於多司上頭塗上橘子果醬，或烘焙甜品等都係唔錯嘅選擇。清淡爽口嘅橘子果凍相當適合當作飯後甜品，簡單將橘子皮用糖醃漬，馬上就成為一道懶人料理囉！
Comments