小熊維尼可愛又療癒，俘虜唔少大人細路嘅心靈。今年正值原著誕生95週年，為慶祝95週年大日子，日本迪士尼商店陸續推出一系列小熊維尼周邊商品，部分商品更選擇於8月3日「蜂蜜之日」發售，將小熊維尼與最愛嘅蜂蜜夾埋一齊可謂最適合不過！今次迪士尼商店推出嘅小熊維尼相關商品種類豐富，可愛程度爆燈，淨係睇圖就已經叫粉絲（包括小編在內）選擇困難症發作！下面，馬上就為大家介紹各款可愛又迷人嘅小熊維尼商品～
可愛小熊維尼全線產品攻陷您荷包！
日本迪士尼商店從7月起，超邪惡地陸續推出眾多種類周邊商品，例如係全球限量1,000個、錫合金打造嘅音樂盒(33,000日圓)、金錶(57,200日圓)、蜂蜜罐頸鍊(35,200日圓)、餐盤套裝(3,299日圓)、保溫湯罐&毛巾套裝(1,759日圓)、LEGO積木(11,980日圓)以及附木蓋馬克杯(1,650日圓)，誓要攻陷粉絲荷包！，機會難得，如果荷包彈藥充足的話，不妨可以考慮全部帶返屋企喔！（小編表示：這些機會不是我的。）
「Western Pooh」西部牛仔風格 可愛中又帶一絲叛逆
以「新小熊維尼 西部英雄 蒙面小熊」為主題發售嘅「Western Pooh」系列，小熊維尼蒙著面、頭戴西部牛仔帽，可愛之中帶著一絲叛逆，為森林夥伴手執雪條對抗小偷一行人。獨特角色設定，為小熊維尼增添一股狂野魅力！西部系列商品名單可見有毛公仔(M碼)3,850日圓、公仔吊飾各1,980日圓、地毯2,860日圓、T恤3,520日圓、環保購物袋1,760日圓、手提電腦保護套3,630日圓、鑰匙圈2,200日圓、室內拖鞋2,860日圓、行動電源4,400日圓、毛巾3,300日圓、髮圈1,320日圓等等，種類眾多，叫人點揀喎！！！———
8月3日蜂蜜之日！小熊維尼與可愛夥伴化身蜜蜂泡浸於蜂蜜罐裡
超人氣「TSUM TSUM」系列則推出「蜂蜜之日」主題小熊維尼與可愛夥伴TSUM TSUM公仔，將一眾角色變成蜜蜂！另外，仲有「nuiMOs」為角色換上可愛蜂蜜裝，或用專屬蜂蜜罐帶著公仔四處走。實現小熊維尼想要一直浸喺蜂蜜罐內嘅心願（？）。TSUM TSUM公仔各660日圓、nuiMOs角色公仔專用服裝1,980日圓、隨身袋1,980日圓，價錢夠晒親民貼地～
一系列小熊維尼商品，就連小編都睇得眼花撩亂！即刻拎起搵喺日本嘅親朋好友或專業代購，由小熊維尼與好朋友們一齊陪您度過每一日啦～
Comments