【日本文化】想同關西人打好交道？學定幾句100%實用「關西腔」傍身啦！～基礎篇～

日本全國各地都有自己一套獨特方言，例如標準日語（通用全國嘅日文）中「丟垃圾」係「ごみを捨てる」，但到北海道、東北地區就伯講成「ごみを投げる」，關西則係「ごみをほかす」。又例如標準語中嘅「片づける（收拾）」，博多腔則會以「なおす」表示！

就算係日文達人，但聽到方言時或多或少都會聽到一頭霧水！因此，今次FUN! JAPAN編輯部就想為大家介紹各地方言當中最出名嘅「關西腔（関西弁）」，並介紹幾句旅行時可能會使用到嘅句子，有機會去關西旅行時，記得用返幾句喔！

關西腔係咩方言？邊啲地區會用關西腔？

關西腔指主要於關西地區使用嘅方言總稱。多數為大阪、京都、神戶、奈良等地區較常使用。
但係如果您問土生土長關西人關西腔係咩方言的話，對方話唔定會嬲嬲豬，並回贈您一句「府縣與地區根本唔同，請唔好用關西腔概括而論！」呢。

實際上，上述地區並唔存在「關西腔」共同方言，而係依地區分為大阪腔、京都腔、奈良腔（或大和腔），措辭細節、語調各有差異。

大阪腔、京都腔、神戶腔有乜分別？

為咗令大家能夠更進一步了解各地區方言差異，以下就以大阪腔、京都腔、神戶腔作為具體例子講解。「何してるんですか？（您做梗咩？）」按各地區方言表達方式如下：

三個地區係唔係完全唔一樣呢？

如果再問關西出身嘅人上述三個地區有咩唔同時，對方更可能會答您大阪＝元氣有活力、京都＝高雅、神戶＝時尚，各地各有不同氛圍，而因應各自縣民個性，對於流行時尚嘅講究亦大有分別。下次有機會去關西時，不妨仔細觀察一下各縣縣民個性與服裝，以及用字措詞吧！

滋賀、和歌山方言唔屬於關西腔？

滋賀縣、和歌山縣縣民使用嘅方言雖然歸類為關西腔，普遍卻認為同大阪、京都等地完全係一套截然不同嘅方言！此外，京都府、奈良縣、和歌山縣、滋賀縣，與東海地區岐阜縣、愛知縣相連嘅三重縣方言三重腔亦屬於關西腔之一，當中卻參雜著名古屋腔等東海地區方言。

日本達人肯定知道！各種實用關西用詞

如前文所述，各地方言細微語調皆有所不同，以下再為大家介紹部分關西獨特用語與措辭，下次去京都、大阪時立刻就可以派上用場！

同關西人打好交道時必知常識！

一般而言，「アホ（aho）」帶有負面意識，通常用於講壞話或毀謗中傷他人；但關西人（特別係大阪），就多數習慣將「アホ（aho）」當作誇獎、稱讚呢。

舉個例，「あんた、ほんまアホやな～您真係好蠢呢）」就有表示同對方親近嘅意思。

呢個時候覆對方一句「アホちゃいまんねん、パーでんねん（才不是笨蛋呢。只是腦袋不靈光/智商有點低）」的話，帶點自嘲意味嘅回覆就會令關西人對您刮目相看！以上一句說話最初係出自日本知名搞笑藝人明石家秋刀魚，後來逐漸變成關西人圈子裡面著名用法，不過對關西地區以外嘅人就未必通用喇。

因此，如果您聽到關西人對您講「アホ（aho）」，就表示對方已經認為您係佢朋友了，千祈唔好嬲佢喔。順帶一提，同交情好嘅關西人講「あんたアホやな」雖然無大問題，但如果話對方「バカ（baka、笨蛋）」的話，就有可能會嬲嬲豬，記得要小心！

關西無人不知無人不曉廣告台詞？！

大家有聽聞過，與章魚燒並列為大阪府府民小食啂「551HORAI蓬萊肉包」嗎？

551HORAI蓬萊係一間主要開喺大阪市區嘅中華料理老店，幾乎100%關西人一定都有睇過佢嘅廣告！
廣告中，「（５５１が）あるとき⤴」台詞語氣上揚，就好似漫才吐槽一樣，「５５１があるとき⤴」後再節奏明快速地回覆一句「５５１がないとき ⤵」，保證您可以秒速融入關西人圈子！

551HORAI蓬萊賣嘅肉包氣味出晒名非常強烈濃郁，帶上新幹線線的話味道甚至會蔓延至整個車廂！
因此，記得唔好喺公共地方或公共交通工具上食551HORAI蓬萊肉包，要忍口到酒店時再品嚐喔（笑）。

以上為大家介紹譆關西腔基礎知識，下篇將為大家分享常用單字與旅遊實用句子～記得鎖定！

延伸閱讀

【日本文化】想同關西人打好交道？學定幾句100%實用「關西腔」傍身啦！～應用篇～